San Mateo 13:30 - Bible in Tzeltal Bachajón

³⁰ Pajal ac'a coluc soc ha to ta yorahil ya yich' bojel; ta yorahil te ya yich' bojel hich ya calbe te jboj-trigohetic: Ha nahil xatsobic te aque, tomticlanahic ta chuquel yu'un ya yich' chiq'uel; yan te trigo tsobahic ochel ta snahul cu'un stuquel, ya me cut, xchi te Jesús.

Nuevo Testamento Tzeltal de Amatenango

³⁰ Teꞌ yijubuk a jaꞌ to teme la sta yorail te ya xtuy lokꞌele. Te kꞌalal ya sta skꞌaalele, ya me kalbe te jꞌaꞌteletike te jaꞌ nail ya stsob lokꞌel te ak te ma tsaꞌamuke, aꞌ xchukik ta jujuyom, aꞌ ba xchikꞌik ta kꞌakꞌ. Yan te triwue, ya me stsobikon ochel ta yawil kuꞌun”, xchi me —xchi te Jesuse.

Bible in Tzeltal de Oxchuc y Tenejapa

³⁰ Tey ac'a jiluc ta ch'iel soc a, ja' to teme la sta yorail te ya yich' tsobele. Te c'alal ya sta yoraile, ya me calbey te j'at'eletique te ja' neel ac'a stsobic loq'uel tel te cizaña-aque. Ac'a xchuquic ta tomoltom, swenta yu'un ya yich' chiq'uel ta c'ajc'. Yan te trigoe ya me stsobic ochel ta bay snail cu'un”, ya me yut —xi' te Jesuse.

San Mateo 13:30 Referans Kwoze

San Mateo 3:12

Stsacojix ta sc'ab te sweluyojibal, ya yic'ay a te bin busul ta amac' yu'une. Ya me yotses ta yawil te trigo yu'un, soc te sts'ubil ya me schic' ta c'ahc' te mayuc bin ora ya xtup', xchi sc'oblalic.

1 Timoteo 5:24

Ay mach'atic chican ta ora te smulic te c'alal ma to x'ochic ta ich'el ta c'op yu'un a; pero ay yantic te patil to ya xchicnaj.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

San Juan 15:6

Te mach'a ma ba jc'axel ya yac' sba ta jtojol, hich c'ohem te bin ut'il sc'ab te ya yich' ch'ayel loq'uel soc ya xtaquij; ya yich' tsobel ochel ta c'ahc', ya xlaj ta c'ahq'uel.

Malaquías 3:18

Ha yu'un ya me ana'ic yan buelta te yan yilel te mach'a lec yo'tan soc te mach'a chopol yo'tan, te mach'a ya yac' sba ta a'batinel yu'un Dios soc te mach'a ma ba ya yac' sba ta a'batinel yu'une.

San Mateo 25:32

soc ya me yich' tsobel tal ta stojol spisil te nacionetic, cha'chahp ya xloc' yu'un a, hich te bin ut'il ya spas te jcanan-tuminchij te parte ya yac' te tuminchijetic soc parte ya yac' te tentsunetique.

San Lucas 3:17

Stsacojix ta sc'ab te swehluyojibal yu'un ya smesix te sq'uiyojibal yu'une. Ya me stsob te trigo soc ya yotses ta yawil, soc ya me schic'be te sts'ubil ta c'ahc' te mayuc bin ora ya xtup', xchi.

San Mateo 25:41

Soc hich me ya yalbe te mach'atic ayic ta q'uexam: Loc'anic ta jtojol, ha'ex te ma lecuc ac'oblalic, bahanic ta c'ahc' te sbahtel q'uinal ay, te chahpambil yu'un te pucuj soc te a'batetic yu'une,

1 Samuel 25:29

Aunque ay mach'a ya snutsat yu'un ya sc'an ya smilat, te scuxlejal te cajwal jun ya xc'oht soc te mach'atic cuxulic ta stojol Jehová te Dios awu'une; soc ya me sch'oj bahel te scuxlejal te acontratac hich te bin ut'il ton ta jihmuch'il.

2 Samuel 23:7

Teme ay mach'a ya sc'an ya stsac, ha to teme ya stsac a'tejibal-taq'uin soc ste'el lanza, soc tey nix ya yich'ic chiq'uel ta c'ahc', xchi.

Isaías 17:5

Hich ya xc'oht te bin ut'il c'alal ya yich' tsobel sit awal-ts'unubil, ya stsacticlan ta sc'ab jujutohm; hich ya xc'oht te bin ut'il c'alal ya yich' tsobel te sit trigo ta spamlej yu'un Refaim.

San Mateo 13:25

pero wayal spisilic a tal te scontra, la slihlin ac ta yohlil te trigo, loc' bahel.

San Mateo 13:29

Halbotic yu'un te yajwalic: Ma'uc, ay wan pajal yac abulic te trigo soc te aque.

Job 39:12

¿Ya bal ach'uhun te ya suht tal yu'un ya stso'bat te sit ats'unub awawal soc ya yac' ta yawil swuyojibal atrigo?