San Mateo 13:25 - Bible in Tzeltal Bachajón

²⁵ pero wayal spisilic a tal te scontra, la slihlin ac ta yohlil te trigo, loc' bahel.

Nuevo Testamento Tzeltal de Amatenango

²⁵ Pero te kꞌalal wayajtikix ae, tal te skontrae. Och stsꞌun te ak te ma tsaꞌamuke te ta yolil triwue. Yo bajt.

Bible in Tzeltal de Oxchuc y Tenejapa

²⁵ Ja'uc me to, te c'alal wayaliquix a te ants-winique, tal yajcontroe ts'iin. Och scap ta ts'unel cizaña-ac ta banti ts'umbil te trigoe, bajt' ts'iin.

San Mateo 13:25 Referans Kwoze

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

2 Pedro 2:1

Ta namey ay lotil jalwanejetic ta yohlil te pueblo Israel, hich te bin ut'il ya me xchicnaj lotil jp'ijubteswanejetic ta awohlilic te muquen ya yotsesic bin ay ta nopel te ya xjinawan, soc ya smuc ta yo'tanic te Cajwaltic te mambil scolelic yu'une. Ha nix yac yich'belic tal castigo te ora ya xtal ta stojolic.

San Mateo 13:39

Te jcontra te la sts'un te ac, ha te pucuje; te yorahil tsob-trigo, ha te slajibal c'ahc'al, soc te jtsob-trigohetic, ha te ch'ul a'batetique.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Hebreos 12:15

Tsahtayahic te mayuc mach'a ma ba ya sta te yutsil yo'tan te Diose, soc te ma ba ya xpuhlin slohp' te bin ch'a te ya ya'beyex wocol soc te ya sbohlobtes tsobolex.

San Mateo 25:5

Te bin ut'il ma ba tal ta ora te mach'a ya xnuhpun, spisilic hahchic ta nicobal, och swayelic.

Gálatas 2:4

aunque muquen ochic ta cohlilcotic yu'un ya yotsesotic ta mosohil te mach'atic sp'isoj sbahic te ha quermanotactic yu'un ya stsahtayic bin ut'il ay te libre ayotic ta scuenta Cristo Jesús.

Apocalipsis 2:20

Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.

Apocalipsis 13:14

Ya slo'loylan mach'atic nahinemic ta bahlumilal ta scuenta te señahiletic ya x'a'bot spas ta stojol te chambahlam te xiweltic sba, ya spasticlan ta mandar te ya me spasbeyic sloc'ombahil te chambahlam te xiweltic sba te ehchentesot ta espada pero cuxaj.

San Mateo 13:24

Ay yan sloc'ombahil c'op halbot ya'iyic yu'un te Jesús, hich la yal: Te cuentahinel yu'un te ch'ulchan, hich c'ohem te bin ut'il jtuhl winic te la slihlin ts'unubil ta sq'uinal;

San Mateo 13:26

C'alal col tal te trigo soc sitin, tey chicnaj a te aque.

San Mateo 13:27

Talic te a'batetic yu'un te yajwal, hich la yalbeyic: Cajwal, ¿ma bal lequil ts'unubiluc te la ats'un ta aq'uinal? ¿Banti tal te aque? xchihic c'ohel.

San Mateo 13:29

Halbotic yu'un te yajwalic: Ma'uc, ay wan pajal yac abulic te trigo soc te aque.

San Mateo 13:30

Pajal ac'a coluc soc ha to ta yorahil ya yich' bojel; ta yorahil te ya yich' bojel hich ya calbe te jboj-trigohetic: Ha nahil xatsobic te aque, tomticlanahic ta chuquel yu'un ya yich' chiq'uel; yan te trigo tsobahic ochel ta snahul cu'un stuquel, ya me cut, xchi te Jesús.

1 Reyes 3:20

Hahch ta ohlil ahc'abal te c'alal wayal a te a'bat awu'un, la yic'bon hahchel ta jxuhc te cale, la yac' ta xuhc, ha la yic' tal ya'bon ta jxuhc te schamen-ale.