San Mateo 13:23 - Bible in Tzeltal Bachajón

²³ Yan te ts'unubil te c'oht ta lequil lum, ha sc'oblal te mach'a ya ya'iy soc ya xc'oht ta yo'tan te c'ope; ya yac' sit ta ho'winic (100), ta oxwinic (60) o ta lajuneb scha'winic (30), xchi te Jesús.

Nuevo Testamento Tzeltal de Amatenango

²³ Pero ay machꞌatik ya yaꞌiybe sluwaril sok te ya xkꞌot ta yoꞌtanike, jich kꞌoemik te tutꞌil tsꞌunubil te kꞌot ta lekil lume. Jich me lek ya yakꞌ sit stukel. Ay machꞌa jich a kꞌot tutꞌil mitsꞌojel te pꞌej nax tsꞌunubil ya yakꞌ sien ta pꞌej te site, sok ay ya yakꞌ ta sesenta, sok ay ya yakꞌ ta treinta —xchi te Jesuse.

Bible in Tzeltal de Oxchuc y Tenejapa

²³ Yan te awalil te c'ot ta lequil lume, ja' sc'oplal te mach'a ya yaiy stojol te Sc'op Diose, ya yac' ta yo'tan. Jich me ya sitin ta lec c'oem. Ay jo'winic (100) ya yac' sitic c'oem te juju-jtule. Ay ya yac' oxwinic (60), soc ay ya yac' lajuneb xcha'winic (30) —xi' te Jesuse.

San Mateo 13:23 Referans Kwoze

Filipenses 1:11

te nojelex ta sit yu'un te bintic stojil ta pasel te ya xtal ta scuenta Jesucristo, scuenta yutsilal soc yalbeyel yutsil sc'oblal te Diose.

San Juan 15:16

Ma ha'uquex la atsahonic, ho'on la jtsahex soc la jcaq'uex yu'un ya xbahex soc ya sitinex, soc te sit yac awaq'uic ma ba ya xch'ay; scuenta yu'un spisil te bin yac ac'ambeyic te Tatil ta scuenta jbihil, ya me ya'beyex.

San Mateo 12:33

Teme lec te te', lec sit ya yac'; teme ma lecuc te te', ma lecuc te sit ya yac', como ta scuenta sit ya xna'bot sba te te'e.

San Mateo 13:8

Pero ay c'oht ta lequil lum, la yac' sit, ay la yac' ho'winic (100), ay la yac' oxwinic (60), ay la yac' lajuneb scha'winic (30) ta p'ij te site.

Colosenses 1:6

te c'ohtix ta atojolique. Ta swohlol bahlumilal yac ta yaq'uel sit te lec yach'il c'op soc yac ta puhquel bahel, hich te bin ut'il ta atojolic te c'alal la awa'iyic soc te la ana'beyic te yutsil yo'tan Dios ta mero melel.

San Mateo 3:8

Ac'a chicnajuc sit te ya yac' ta ilel te suhtemix awo'tanic.

San Lucas 13:9

Teme ya yac' sit, lec ay; teme ma ba ya yac' sit, ha to yac ats'et a, xchi te Jesús.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

2 Pedro 3:18

Behbehuc me muc'ubel te yutsil-o'tanil soc ta sna'beyel xan sba te Cajwaltic Jesucristo, te Jcoltaywanej cu'untique. Ac'a yich' halbeyel yutsil sc'oblal ta ora ini soc ta sbahtel q'uinal. Hichuc.

Colosenses 1:10

Hich ya xhu' ya x'ayinex te bin ut'il ya sc'an te Cajwaltic, te lecuc yo'tan awu'unic spisil, te yac awaq'uic sit ta scuenta spisil lequil a'teliletic soc behbe yac ana'beyic xan sc'oblal te Diose.

Hebreos 8:10

Ha yu'un hich ay te chapbil-c'op ya jpas soc te na yu'un Israel ta patil, xchi te Cajwaltic: Ya cac' ta spensaric te leyetic cu'un, ya jts'ihbabe ta yo'tanic; ho'on Dioson yu'unic ya xc'ohon, soc ha pueblo cu'un ya xc'ohtic.

Hebreos 4:2

Como hich nix halot ca'iytic te lec yach'il c'op, hich te bin ut'il halbot ya'iyique; pero tojol c'oht te la ya'iyic, como ma ba la snuhp'in soc sch'uhunel yo'tanic te bin halbot ya'iyique.

2 Tesalonicenses 2:10

soc spisil lo'loyel yu'un mulil ta stojol te mach'atic ch'ayel ya xbahtic, ta scaj te ma ba c'ux ta yo'tanic te smelelil c'op te ya xhu' ya xcolic yu'un.

1 Tesalonicenses 4:1

Ha yu'un, quermanotac, ya calbeyexcotic wocol soc ya jtsitsexcotic ta scuenta te Cajwaltic Jesús, te hich te bin ut'il la anopic ta jcuentacotic bin ut'il ya sc'an ya xcuxajex te lec yo'tan yu'un te Diose, c'axemuc hich xapasulanic a.

Filipenses 4:17

Ma yu'unuc yacon ta sc'anel jmahtan, ha yac jlehbel sit te ya xp'ohl xan ta cuenta awu'unique.

2 Corintios 9:10

Te mach'a ya ya'be sts'unub te mach'a ya ya'iy ts'umbajel soc te ya ya'be pan te mach'a ya xwe', ha nix ya me yac' sitinuc soc ya me yac' p'ohluc te ts'unubiletic awu'unic, soc ya me yac' xp'ohl te sit yu'un te stojil awa'telic,

Hechos 17:11

Te mach'atic ayic ta Berea ha lec xan stalelic a te bin ut'il te mach'atic ayic ta Tesalónica, yu'un spisil yo'tanic la sch'uhunic te sc'op Diose. Jujun c'ahc'al la yo'tantayic yilel te bin ts'ihbabil ta Shun Dios teme hich nix ya yal a.

Hechos 16:14

Ay jtuhl ants te yac ta ya'iyel, Lidia sbihil, talem ta Tiatira, te ya schon chi'in-yaxal pac'; yich'oj ta muc' te Diose. Jambot yo'tan yu'un te Cajwaltic yu'un ya xch'uhun te bin yac yalbel te Pablo.

San Juan 8:47

Te mach'a yu'un Dios, ha ya ya'iybe sc'op te Diose; ha scuentahil te ma ba yac awa'iyic, como ma ba yu'unex te Diose, xchi.

San Lucas 8:15

Yan te c'oht ta lequil lum, ha sc'oblal te mach'atic lec soc toj yo'tanic te ya sq'uej ta yo'tanic soc spisil ora ya yaq'uic sit.

San Marcos 10:15

Jamal ya calbeyex, te mach'a ma ba ya yich' te cuentahinel yu'un Dios hich te bin ut'il alal, ma ba ya x'och tey a, xchi.

San Marcos 4:20

Yan te ts'unubil te c'oht ta lequil lum, ha te mach'atic ya ya'iyic te c'op soc ya xc'oht ta yo'tanic, ya sitin ta lajuneb scha'winic (30), ta oxwinic (60), ta ho'winic (100) ta p'ij, xchi te Jesuse.

San Mateo 3:10

Te echej chapalix yu'un sbojel te slohp' te te'etique. Ha yu'un spisil te te'etic te ma ba lec sit ya yac' ya yich' ts'etel soc ya yich' otsesel ta c'ahc'.

Ezequiel 36:26

Ya ca'beyex yach'il awo'tanic, soc ya ca'beyex yach'il espíritu. Ya jloq'uesbeyex te o'tanil yu'un ton, ya ca'beyex o'tanil yu'un baq'uet.

Ezequiel 18:31

Ch'oja bahel spisil te bintic ac'axuntayejic te la atahic mulil yu'une, pasahic ta yach'il te awo'tanic soc yach'il espíritu awu'unic. ¿Bin yu'un ya xlajat, pueblo Israel?

Hebreos 6:7

Te lumq'uinal te ya yuch' te ha'al te bayel buelta ya xco tal tey a, soc te ya yac' ts'unub awaletic te ya xtuhun yu'un te mach'atic la schahpanic te lume, ya yich' bendición yu'un Dios.

San Lucas 8:8

Ay yan c'oht ta lequil lum, ch'ihy tal, sitin ta lec, la yac' ho'winic (100) ta p'ij sbac', xchi. C'alal laj yalbel a, tulan la yal: Te mach'a ay schiquin, ac'a me ya'iy, xchi.