San Mateo 13:22 - Bible in Tzeltal Bachajón

²² Te ts'unubil te c'oht ta yohlil ch'ixileltic, ha sc'oblal te mach'a ya ya'iy te c'op, pero te bin ya xbaht ta yo'tan sna'el te bintic ay ta bahlumilal soc te lo'loyel yu'un te c'uhlejalil ya stenic te c'ope, ma ba ya yac' sitinuc.

Nuevo Testamento Tzeltal de Amatenango

²² Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun. Spisil to ya xkꞌot ta skuentaik ya smuk te skꞌop Diose, jich ma xyakꞌ sitinuk.

Bible in Tzeltal de Oxchuc y Tenejapa

²² In te awalil te c'ot ta ch'ixtiquil, ja' sc'oplal te mach'a ya yaiy stojol te Sc'op Diose, ja'uc me to, ya xlo'layot yu'un te c'ulejalile soc biq'uit nax yo'tan yu'un te bila swenta te balumilale. Jich jc'axel tenbil ya xc'ot ta yo'tan te Sc'op Diose. Jich ma ba ya sitin ta yo'tan.

San Mateo 13:22 Referans Kwoze

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

San Lucas 8:14

Te c'oht ta yohl ch'ixileltic, ha sc'oblal te mach'atic ya ya'iyic, pero c'alal ya xc'ax c'ahc'al ya xtenotic yu'un te bintic ya xmacotic yu'un, ha te c'uhlejalil soc te yac'oltayel scuxlejal, hich ma xyijub sit.

San Lucas 12:15

Hich la yalbe te yantique: Tsahtaya me abahic yu'un spisil bic'tal-o'tanil, como te scuxlejal te winic ma ha'uc ay sc'oblal te ay bayel bintic ay yu'un, xchi.

2 Timoteo 4:10

como te Demas la sch'ayonix hilel ta yo'tan, te bin ut'il bic'tajem yo'tan yu'un te bin scuenta bahlumilal, bahtix ta Tesalónica. Te Crescente bahtix ta Galacia, te Tito bahtix ta Dalmacia.

San Mateo 13:7

Ay c'oht ta yohlil ch'ixileltic, c'alal tohy mohel te ch'ixetic, ha tenot yu'un.

San Lucas 12:21

Hich nix sc'oblal a te mach'a ya stsob sc'uhlejal te ya xtuhun yu'un stuquel, te mayuc sc'uhlejal ta stojol te Diose, xchi.

Salmos 52:7

Ha te mach'a ma ha'uc ahnibal c'ohem yu'un te Diose, te ha la smuc'ulin yo'tan te bayel sc'ulejal, soc te la yich' yip ta bin chopol, xchihic.

San Lucas 21:34

Tsahtaya abahic te manchuc ya xbic'taj awo'tanic yu'un yac'oltayel cuxlejalil, yacubel soc sna'ulanel bin ut'il ya xcuxajex, yu'un ya xan awilic c'ohtix yorahil,

Jeremías 4:3

Te Jehová hich ya yalbe spisil te mach'atic yu'un Judá soc Jerusalén: Chahpanahic te lum te ma chahpambiluc awu'unic; soc ma me xawa'iyic ts'umbajel ta yohlil ch'ixileltic.

Proverbios 11:28

Te mach'a ha smuc'ulinej yo'tan te sc'ulejal ya me xch'ay, yan te mach'a toj yo'tan, hich ya xyaxub te bin ut'il sc'ab te'.

Salmos 62:10

Ma me smuc'ulin awo'tanic te uts'inwanej, ma me xatoy abahic yu'un te bintic elc'ambilique. Teme ya xp'ohl c'ulejalil, ma xawac' awo'tanic tey a.

Hechos 8:18

C'alal la yil te Simón te ta scuenta scajambeyel sc'abic te jpuc-c'opetic te hich a'bot yich'ic te Ch'ul Espíritu, c'an ya'be taq'uin yu'un,

Eclesiastés 4:8

Ay jtuhl winic te stuquel ay, mayuc sjelol, mayuc snich'an o yermano; pero ma scom sba ta a'tel, ma xlaj yo'tan yilbel sc'ulejal; soc ma ba hich ya sjoc'oy: ¿Mach'a ya x'a'tejon yu'un, soc bin yu'un ma ba ya jpas te bin ya smulan te co'tane? ma xchihuc. Ha nix hich tojol nax soc tulan a'tel.

Proverbios 23:5

Teme yac awac' asit ta stojol te c'ulejalil, ya xan awil, mayuquix a. Ya xloc' xic' hich te bin ut'il jxic, ya xwihl bahel c'alal ta ch'ulchan.

San Mateo 12:32

Mach'ayuc a te ay bin ya yal ta scontrahinel te Nich'anil ay ta scuenta winic, ya xpasbot perdón yu'un; yan te mach'a ay bin ya yal ta scontrahinel te Ch'ul Espíritu, ma ba ya xpasbot perdón stuquel, ni ha'uc ta ora ini o ta patil.

San Mateo 13:39

Te jcontra te la sts'un te ac, ha te pucuje; te yorahil tsob-trigo, ha te slajibal c'ahc'al, soc te jtsob-trigohetic, ha te ch'ul a'batetique.

San Mateo 13:40

Hich te bin ut'il ya yich' bulel te ac soc ya yich' chiq'uel ta c'ahc', hich ya xc'oht ta pasel ta slajibal c'ahc'al.

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

1 Corintios 1:20

¿Banti ay te mach'a p'ij? ¿Banti ay te escribano? ¿Banti ay te mach'a ya xtsalawan ta c'op ta bahlumilal? ¿Ma bal ha'uc te Dios la yac' ta howil c'op te sp'ijil mach'atic ayic ta bahlumilal?

1 Corintios 2:6

Pero ya calcotic p'ijil-c'op ta yohlil te mach'atic muq'uiquix, ma ha'uc te p'ijil-o'tanil yu'un te bahlumlal o yu'un te mach'atic ay ya'telic ta bahlumilal, te ya xlaj sc'oblale.

1 Corintios 2:8

Ma ba la sna'beyic scuentahil jtuhluc te mach'atic ay ya'telic ta bahlumilal, como te lajuc sna'beyic scuentahil, ma ba la yaq'uic ta milel ta cruz te Cajwaltic te ay yutsilal te hichuque.

1 Corintios 3:18

Ma me ayuc mach'a ya slo'loy sba; teme ay mach'a ay ta awohlilic te ya scuy sba ta p'ij ta scuenta te bahlumilal ini, ac'a sp'is sba te mayuc bin ya sna' scuenta yu'un hich ay sp'ijil yo'tan ya xc'oht.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

Gálatas 1:4

te ha nix la yac' sba ta lajel yu'un te jmultic yu'un ya scoltayotic loq'uel ta yohlil te bin chopol ay ta pasel ta ora ini, hich te bin ut'il la sc'an yo'tan te Jtatic Dios,

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.