San Mateo 13:20 - Bible in Tzeltal Bachajón

²⁰ Te ts'unubil te c'oht ta ba tontiquil, ha sc'oblal te mach'a ya ya'iy te c'op soc tse'el yo'tan yu'un ta ora,

Nuevo Testamento Tzeltal de Amatenango

²⁰ Te tsꞌunubil te kꞌot ta yolil tonetik pajal kꞌoem sok te machꞌatik ya yaꞌiyik te skꞌop Dios y ben gusto ya skꞌanik.

Bible in Tzeltal de Oxchuc y Tenejapa

²⁰ In te awalil te c'ot ta ba tontiquile, ja' sc'oplal te mach'a ya yaiy stojol te Sc'op Diose, bin nax yo'tan ya xch'uun ta ora.

San Mateo 13:20 Referans Kwoze

San Juan 5:35

Te Juan ha c'ahc' te tihl soc te la sacubtes q'uinal; soc la ac'anic te che'oxeb c'ahc'al te tse'el awo'tanic ya x'ayinex ta sacal q'uinal yu'un.

San Marcos 6:20

como te Herodes xi'oj te Juan, yu'un sna'oj te toj ta winiquil soc ch'ultesbil, hich la scanantay. C'alal la ya'iybe sc'op te Juan, ma ba la sna' bin ya spas yu'un, pero bayel la smulan te ya ya'iybe te sc'ope.

Isaías 58:2

Jujun c'ahc'al ya slehonic, yo'tanuc yilel te ya sna'be sba te behetic cu'un, hich c'ohemic te bin ut'il jun pueblo te ya spas te bin stojil ta pasel soc te ma ba hilem yu'unic te ley yu'un te Dios yu'unique. Ya sc'ambonic stojil chahpanel, soc ya sc'anic yilel te ya xnohpojic ta stojol Dios.

2 Crónicas 24:2

Te Joás toj bin la spas ta stojol Jehová te jayeb c'ahc'al cuxul te sacerdote Joiada.

Hechos 8:13

Ha nix hich te Simón la sch'uhun soc a'bot yich' ha', soc spisil ora la sjoquin te Felipe; xcham yo'tan yu'un te jchahp a'teliletic soc señahiletic te yac spasticlambel te Felipe.

2 Crónicas 24:14

C'alal hu' yu'unic te a'tel, la yich'ic talel ta stojol te ajwalil soc Joiada te taq'uin te ay to hilem, la spasic a te bintic ya xtuhun ta sna Jehová, te bintic ya xtuhun yu'un te ya'tel, yu'un schiq'uel scohtol chic'bil mahtaniletic, muc'ul cucharahetic, soc yantic biluquetic te pasbilic ta oro soc ta plata. Soc spisil ora la yaq'uic scohtol chic'bil mahtaniletic ta sna Jehová te jayeb c'ahc'al cuxul te Joiada.

2 Crónicas 24:6

Ha yu'un te ajwalil la yic' tal te muc'ul sacerdote Joiada, hich la yalbe: ¿Bin yu'un ma ba la awalbe te levitahetic te ya me yich'ic talel ta Judá soc ta Jerusalén te spatanic te a'botic stojic yu'un Moisés te ya'bat Jehová te pueblo Israel yu'un te Nahilpac' yu'un te Testigo-c'op? xchi.

San Mateo 7:8

Como spisil te mach'atic ya sc'anic, ya me x'a'botic; te mach'a ya sle, ya me sta ta lehel; te mach'a ya stij puerta, ya me xjambot.

San Mateo 13:19

Teme ay mach'a ya ya'iybe sc'oblal te cuentahinel yu'un Dios, pero ma ba ya sna'be scuentahil, ya xtal te mach'a chopol, ya sloq'uesbe te bin ts'umbil ta yo'tan. Ha sc'oblal te ts'unubil te c'oht ta ti'be.

San Mateo 13:21

pero bahal nax ay slohp', ma ba ya xhalaj; c'alal ya xtal wocol o uts'inel ta scuenta te c'op, ora ya xyahl.