San Mateo 13:12 - Bible in Tzeltal Bachajón

¹² como mach'ayuc a te ay bin ay yu'un, ya x'a'bot xan yan, hich me ay xan yan yu'un a. Pero te mach'a mayuc bin ay yu'un, ya me yich' pojbeyel te bin ay to nix yu'une.

Nuevo Testamento Tzeltal de Amatenango

¹² Jich te machꞌa ay tut ay yuꞌune, ya xꞌaꞌbot xan soy, jich me bayal tut ay yuꞌun ya xkꞌot. Yan te machꞌa maꞌyuk tut ay yuꞌune, ya xpojbot te tut ay yichꞌoj chꞌinuke.

Bible in Tzeltal de Oxchuc y Tenejapa

¹² Melel te mach'a ay bila ay yu'une, ya x'ac'bot xan sjoy. Jich me ay bayal bila ay yu'un ya xc'ot. Yan te mach'a ma'yuc bi ay yu'une, ya xpojbot te bila yich'oj jtebuque.

San Mateo 13:12 Referans Kwoze

San Mateo 25:29

como te mach'a ay bin ay yu'un ya me x'a'bot xan yan, hich bayel bintic ay yu'un; yan te mach'a mayuc bin ay yu'un, ya me xpojbot te bin ay to nix yu'une.

San Lucas 8:18

Ha yu'un tsahtaya me abahic bin ut'il yac awa'iyic te c'ope, como spisil te mach'atic ay bin ay yu'unic, ya me x'a'botic xan, pero te mach'atic mayuc bin ay yu'unic, ya me xpojbotic te jteb te scuyoj ay yu'unique, xchi.

Apocalipsis 2:5

Na'a te banti yahlemat, suhtesa awo'tan soc pasa te bin nahil la apase. Teme ma ba yac asuhtes awo'tan, ya me xtalon ta ban ayat soc ya me jpojbat te yawil c'ahc' awu'un ta yawil.

San Lucas 16:25

Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

San Mateo 21:43

Ha yu'un ya calbeyex, ya me awich'ic pojbeyel ta atojolic te cuentahinel yu'un Dios, ha ya x'a'botic te mach'atic ya ya'beyic te site.

San Lucas 16:2

Ha yu'un la yic' tal, hich la sjoc'obe: ¿Melel bal te hich ay ta halel ac'oblal ya ca'iy? Ac'ahix cuenta te bintic ay ta acuenta scanantayel, como ma xhu' ya xhilatix ta jcanan-biluc cu'un, la yut.

San Lucas 10:42

Pero junax te bin ya sc'an spasel, te María ha stsahoj te banti bayel sc'oblal, ma ba ya yich' pojbeyel, xchi.

San Lucas 9:26

Te mach'a ya xq'uexaw cu'un soc yu'un te jc'ope, ha nix hich te Nich'anil ay ta scuenta winic ya me xq'uexaw ta stojol c'alal ya xtal soc yutsilal, soc te yutsilal te Stat soc te yutsilal te ch'ul a'batetique.

San Marcos 12:9

¿Bin ya spas yu'un te yajwal te ts'usubiltic? Ya me xtal smil te j'a'teletic soc ya ya'be yantic te sts'usubile.

San Lucas 12:48

Yan te a'bat ta scaj ma sna' te bin ya spas te ya yich' majel yu'une, ma ba bayel majel ya yich' stuquel, como spisil te mach'a bayel bin a'bot, bayel bin ya xc'ambot, soc te mach'a bayel bin a'bot scuentahin, c'ax hich ya xc'ambot suhtel a.

Santiago 4:6

Pero c'ax bayel xan yutsil-o'tanil ya yac' te Diose. Ha scuentahil te hich ya yal: Dios ya scontrahin te mach'a ya stoy sba, pero ya sc'uxultay te mach'a peq'uel ay, xchi.