San Mateo 12:34 - Bible in Tzeltal Bachajón

³⁴ ¡Sts'umbalex jti'awal chanetic! ¿Bin ut'il c'an lecuc ac'opic te chopolexe? Como ya xloc' ta ehal te bintic nojel ta o'tanil.

Nuevo Testamento Tzeltal de Amatenango

³⁴ Te jaꞌexe pajalex sok stsꞌumbal tiꞌawal chanetik. ¿Tutꞌil kꞌan lekuk te akꞌopike te ma tsaꞌamuk te awoꞌtanike? Te tut nojel ta koꞌtantike ya xchiknaj ta jkꞌoptik.

Bible in Tzeltal de Oxchuc y Tenejapa

³⁴ Te ja'exe sts'umbalex jti'awal chanetic, ¿bit'il c'an lecuc te ac'opique?, melel amen te awo'tanique. Ta swenta ac'opic chican te bila nojel ta awo'tanique.

San Mateo 12:34 Referans Kwoze

San Lucas 6:45

Te winic te lec yo'tan, ya sloq'ues tal te bin lec ay ta yo'tan. Yan te winic te ma lecuc yo'tan, ya sloq'ues tal te bin ma lecuc ay ta yo'tan, como ya xloc' tal ta ye te bin nojel ta yo'tane.

San Mateo 15:18

Yan te bin ya xloc' ta ehal ya xhahch tal ta o'tanil, ha me ya xjihnot yu'un te winique.

Efesios 4:29

Ma me xloc' bohlc'op ta awehic, ha'uc nax lequil c'op te ya xtuhun scuenta ya'beyel yipic te yantic, scuenta yutsil slequil te mach'a ya ya'iybeyex ac'opique.

1 Samuel 24:13

Ay antiguo c'op te hich ya yal: Ya xloc' tal te bin chopol ta yo'tan mach'atic chopolic, te xchihe; pero te ho'one ma ba ya hach jc'ab ta atojol.

1 Juan 3:10

Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

San Mateo 12:35

Te mach'a lec ta winiquil ya xloc' ta ye te bintic lec sq'uejoj ta yo'tan; te mach'a chopol ta winiquil, ya xloc' ta ye te bintic ma lecuc sq'uejoj ta yo'tan.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

Isaías 32:6

Como te mach'a ma sna' q'uinal ya yal te bin mayuc scuentahil, soc ya snop ta yo'tan spasel te bin chopol, yu'un ya spas te bin ma hichuc ya sc'an ta stojol Dios soc ya yal te bin ma meleluc sc'oblal te Jehová; mayuc bin ya ya'be te mach'a ay swi'nal, soc mayuc bin ya ya'be yuch' te mach'a ay ta taquinti'il.

San Mateo 23:33

¡Chanex, sts'umbalex jti'awal chanetic! ¿bin ut'il c'an coluquex yu'un te ya x'ac'otex ta ch'ayel ta infierno?

Isaías 59:14

Hich suht bahel te stojil chahpanel, soc namal hil te bin stojil ta pasele; como te bin smelelil la sc'ohchin sba ta plaza, soc ma ba hu' ya xtal te toj-o'tanile.

Salmos 64:3

te ya shuxbe ye te yaq'uic hich te bin ut'il espada, soc ya st'imic bahel sc'opic te ay svenenohil hich te bin ut'il ya'tejibal t'ihmalte',

San Mateo 3:7

C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

San Lucas 3:7

Te Juan hich la yalbe te mach'atic tal yac' sbahic ta a'beyel yich'ic ha' yu'un: ¡Sts'umbalex jti'awal chanetic! ¿Mach'a la yalbeyex te ya xloq'uex ta ahnel ta stojol te ilimba te talel yac?

Isaías 59:4

Mayuc mach'a yac sc'ambel stojil chahpanel, mayuc mach'a toj ya xc'opoj ta chahpanel. Ha smuc'ulinej yo'tanic te c'op te mayuc scuentahil, soc ya yalic lot; ya swolic bintic chopol, ya yayintesic mulil;

Salmos 53:1

Te mach'a ma sna' q'uinal hich ya yal ta yo'tan: Mayuc Dios, xchi. Jihnem yo'tanic, ha spasojic te bin chopol te ilobtic sba; ¡mayuc mach'a ya spas te bin leque!

Salmos 64:5

Stalel ay yip yo'tanic ta spasel te bin chopol, ya schapic bin ut'il ya yaq'uic yaquil te ma xchicnaj ta ilele; ya yalic: ¿Mach'a ya yil? xchihic.

Proverbios 4:23

Ta spisil, canantaya awo'tan, como tey ya xtal a te acuxlejale.

Proverbios 16:23

Te yo'tan te mach'a ay sp'ijil ya stojobtes te sc'op, soc ya yac' te ay yutsilal te bin ya yal.

Isaías 9:17

Ha yu'un te Jehová ma ba lec yo'tan yu'un te ach'ix-queremetic yu'unic, soc ma ba ya sna'be yo'bolil sbahic te me'ba' alaletic soc te me'ba' antsetic, como ta spisilic ma lecuc yo'tanic soc chopolic, spisilic mayuc scuentahil bin ya yalic. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Efesios 5:4

Soc ma me xawalic c'opetic te ma stojiluc, o loca-c'op, lomlom-c'op, te ma hichuc ya sc'an halel, ha lec yac awo'tantayic yalbeyel wocol te Diose.

Santiago 3:2

Jpisiltic bayel buelta ya xjelawotic. Teme ay mach'a ma ba ya xjelaw ta c'op, mero lec c'ohem, ya xhu' yu'un scomel spisil te sbaq'uetale.