San Mateo 12:32 - Bible in Tzeltal Bachajón

³² Mach'ayuc a te ay bin ya yal ta scontrahinel te Nich'anil ay ta scuenta winic, ya xpasbot perdón yu'un; yan te mach'a ay bin ya yal ta scontrahinel te Ch'ul Espíritu, ma ba ya xpasbot perdón stuquel, ni ha'uc ta ora ini o ta patil.

Nuevo Testamento Tzeltal de Amatenango

³² Teme ay machꞌa ya skontra-kꞌoptay te Nichꞌanile, ya xjuꞌ ya spasbot perdon yuꞌun. Yan te machꞌa ya skontra-kꞌoptay te Chꞌul Espiritue ma xjuꞌ ya spasbot perdon yuꞌun stukel te jayeb kꞌaal kuxul liꞌ ba balmilale ni jaꞌuk ta patil ni ta sbajtel kꞌinal.

Bible in Tzeltal de Oxchuc y Tenejapa

³² Teme ay mach'a ya scontroc'optay te Nich'anile, ya xju' ya spasbot perdón yu'un. Yan te mach'a ya scontroc'optay te Ch'ul Espiritue, ma xju' ya spasbot perdón yu'un stuquel te jayeb c'aal cuxul ta q'uinal ni ja'uc ta patilal bael ta sbajt'el q'uinal.

San Mateo 12:32 Referans Kwoze

San Marcos 3:29

yan te mach'a ya sbohlc'optay te Ch'ul Espíritu mayuc perdón yu'un stuquel; sbahtel q'uinal smulinej, xchi te Jesús.

San Juan 7:39

Ha la yalbe sc'oblal te Espíritu te ya x'a'botic te mach'atic ya sch'uhunique. Como ma to ba talem a te Ch'ul Espíritu, yu'un ma to ba ac'ot ta ich'el ta muc' a te Jesuse.

1 Timoteo 1:13

aunque ha jbohlc'optaywanejon, j'uts'inwanejon soc j'ixta'c'optaywanejon ta nahil to; pero la jquich' c'uxultayel yu'un te ma ba la jna' bin la jpas soc mayuc sch'uhunel co'tan a.

Tito 2:12

soc ya snohptesotic te yacuc xhil cu'untic spisil bintic chopol soc bintic mulantic sba ta pasel ta bahlumilal, te tsahtaybiluc co'tantic ya x'ayinotic ta ora ini, te tojuc ya x'ayinotic soc te ayuc ta co'tantic spisil ora te Diose,

Efesios 1:21

te ha toyol c'oht yu'un spisil ajwaliletic, te mach'atic ay ya'telic, te ay yu'elic soc jpasawetic ta mandar, soc ha toyol c'oht yu'un spisil bihililetic te ya yich'ic a'beyel, ma ha'uc nax ta ora ini, soc ta patil bahel.

Hechos 3:19

Ha yu'un suhtesa awo'tanic soc suhtanic tal ta stojol Dios scuenta yu'un ya yich' tup'el amulic; scuenta yu'un yacuc xloc' tal ta stojol Cajwaltic te yorahil ya xlecub cuxlejalil,

San Lucas 12:10

Spisil te mach'atic ya scontrac'optay te Nich'anil ay ta scuenta winic, ya xpasbot perdón yu'un; yan te mach'a ya sbohlc'optay te Ch'ul Espíritu, ma ba ya xpasbot perdón yu'un stuquel.

San Mateo 12:31

Ha yu'un ya calbeyex, spisil muliletic soc spisil sbohlc'optayel Dios ay perdón yu'un; yan te sbohlc'optayel te Ch'ul Espíritu, mayuc perdón yu'un stuquel.

Job 36:13

Te mach'atic chopol yo'tanic ya stsob yilimbahic, soc ma x'awonic ta sc'anel coltayel te c'alal chuculic yu'un.

1 Timoteo 1:15

Ha stojil c'op ini te ya sc'an ch'uhunel yu'un spisilic: ha te xtaluquix ta bahlumilal te Cristo Jesús ta swehtesbeyel scolel jmulawiletic, te c'ax hich jmulawilon a te bin ut'il spisil te yantique.

San Juan 7:12

Bayel hahchic wulajanel ta scuenta ta yohlil te ants-winiquetique, ay la yalic: Lequil winic, xchihic; ay yantic la yalic: Ma'uc, ha yac slo'loybel te pueblo, xchihic.

San Lucas 23:34

Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

San Marcos 10:30

ho'winic (100) buelta sjelol ya yich' ta ora ini: teme sna, o sbanquiltac, swixitac, snan, yal-snich'nab o sq'uinal, soc nix uts'inel; ta patil ya me yich' scuxlejal sbahtel q'uinal.

San Juan 7:52

La sjaq'uic: ¿Ha nix hich talemat bal ta Galilea? Chola awil, ya me awil te mayuc chicnajem jtuhluc jalwanej ta Galilea, xchihic. [

San Lucas 7:34

Tal te Nich'anil ay ta scuenta winic te ya xwe' x'uch', hich yac awalic: Ha'i winic ini lom bayel ya xwe' x'uch', soc ha jun yo'tan soc jc'an-patanetic soc jmulawiletic, xchihex.

San Mateo 11:19

Tal te Nich'anil ay ta scuenta winic te ya xwe' x'uch' stuquel, hich ya yalic: Bayel ya xwe' soc ya yuch' vino, ha jun yo'tan sba soc te jc'an-patanetic soc yantic jmulawiletic, xchihic. Pero te p'ijil-o'tanil ya xchicnaj ta scuenta te yal-snich'nabe, xchi te Jesús.

San Mateo 13:55

¿Ma bal ha'uc snich'an te carpintero? ¿Ma bal ha'uc snan te María, soc ma bal ha'uc yihts'inab te Jacobo, José, Simón soc te Judas?

San Mateo 8:20

Pero la yal te Jesús: Te waxetic ay sch'enic, soc ay spechechic te ha'mal mutetique, yan te Nich'anil ay ta scuenta winic ma xweht ta banti ya smehtsan sba stuquel, xchi.

San Mateo 12:8

Como te Nich'anil ay ta scuenta winic ha Ajwalil yu'un te sc'ahc'alel cux-o'tan, xchi.

San Mateo 13:22

Te ts'unubil te c'oht ta yohlil ch'ixileltic, ha sc'oblal te mach'a ya ya'iy te c'op, pero te bin ya xbaht ta yo'tan sna'el te bintic ay ta bahlumilal soc te lo'loyel yu'un te c'uhlejalil ya stenic te c'ope, ma ba ya yac' sitinuc.

San Mateo 13:39

Te jcontra te la sts'un te ac, ha te pucuje; te yorahil tsob-trigo, ha te slajibal c'ahc'al, soc te jtsob-trigohetic, ha te ch'ul a'batetique.

San Mateo 13:40

Hich te bin ut'il ya yich' bulel te ac soc ya yich' chiq'uel ta c'ahc', hich ya xc'oht ta pasel ta slajibal c'ahc'al.

San Marcos 3:28

Ya calbeyex te spisil muliletic soc spisil sbohlc'optayel Dios ay perdón yu'un,

San Lucas 16:8

Te yajwal la yalbe lec sc'oblal te chopol jcanan-biluc te bin ut'il la sna' bin la yut. Como te mach'atic scuenta bahlumilal c'ax hich ya sna'ic a bin ya yut soc te smohloltac te bin ut'il te mach'atic ayic ta scuenta sacal q'uinal.

San Lucas 18:30

bayel me xan ya yich' ta ora ini, soc ta patil ya me yich' scuxlejal sbahtel q'uinal, xchi.

1 Timoteo 4:8

aunque ay stuc te slecubtesel baq'uet, ha bayel xan stuc te slecubtesel o'tanil, yu'un ay bin ya jtahtic yu'un ta cuxlejal ini soc ta patil te ya xtale.

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

2 Timoteo 4:10

como te Demas la sch'ayonix hilel ta yo'tan, te bin ut'il bic'tajem yo'tan yu'un te bin scuenta bahlumilal, bahtix ta Tesalónica. Te Crescente bahtix ta Galacia, te Tito bahtix ta Dalmacia.

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.