San Mateo 12:26 - Bible in Tzeltal Bachajón

²⁶ Te Satanás teme ya sten bahel Satanás, ha nix ya scontrahin sba. ¿Bin ut'il c'an halajuc te ban cuentahimbil yu'une?

Nuevo Testamento Tzeltal de Amatenango

²⁶ Jaꞌ jich euk, ¿me ya wan xjuꞌ ya slokꞌes sba stukel te pukuje? Teme jich ya spase, stukel nax ya skontrain sba abi. ¿Tutꞌil kꞌan jalajuk ta aꞌtel teme jiche?

Bible in Tzeltal de Oxchuc y Tenejapa

²⁶ Ja' nanix jich, ¿ya bal xju' ya sloq'ues sba stuquel te Satanase? Te jichuc ya spase, ja' nax scontroinej sba abi. ¿Bit'il c'an jalajuc ta at'el te jichuque?

San Mateo 12:26 Referans Kwoze

Colosenses 1:13

Ha la scoltayotiquix loq'uel ta yip te yihc'al q'uinal, la yic'otiquix ochel ta banti ay te cuentahinel yu'un te Snich'an te c'ux ta yo'tan,

1 Juan 5:19

Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

Apocalipsis 16:10

Te yo'ebal ch'ul a'bat la smal te sbahl te copa yu'un ta smuc'ul-huctajib te chambahlam te xiweltic sba, ihc'ub ban c'alal scuentahinej. Te ants-winiquetic la sti'ticlan yaq'uic yu'un sc'uxul te wocol

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Apocalipsis 9:11

Ha yajawic te jcanan-xahab, Abadón sbihil ta hebreo, Apolión sbihil ta griego.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

San Juan 16:11

soc ya ya'be sna'ic bin ut'il ay sc'oblal schahpanel mulil, como chahpambilix te principal yu'un te bahlumilale.

San Juan 14:30

Mayuquix bayel c'ahc'al ya jc'oponex, como yaquix ta talel te principal yu'un te bahlumilal. Mayuc bin yochelon a;

San Juan 12:31

La stahix yorahil te ya x'och ta ich'el ta c'op te mach'atic ayic ta bahlumilal; la stahix yorahil te ya yich' loq'uesel te principal yu'un te bahlumilal ini.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Mateo 9:34

Yan te fariseohetic hich la yalic stuquel: Ta scuenta te yajaw pucujetic te ya xhu' yu'un sloq'uesel te pucujetique, xchihic.

San Mateo 13:19

Teme ay mach'a ya ya'iybe sc'oblal te cuentahinel yu'un Dios, pero ma ba ya sna'be scuentahil, ya xtal te mach'a chopol, ya sloq'uesbe te bin ts'umbil ta yo'tan. Ha sc'oblal te ts'unubil te c'oht ta ti'be.