San Mateo 12:18 - Bible in Tzeltal Bachajón

¹⁸ Ha ca'bat ini te tsahbil cu'un; te c'ux ta co'tan, te bayel yutsil co'tan yu'un. Ya ca'be ta stojol te Espíritu cu'un, ha ya spuc ta halel ta stojol jyanlumetic te bin toj ta pasele.

Nuevo Testamento Tzeltal de Amatenango

¹⁸ “Teꞌ ay te kabat te tꞌujbil kuꞌune. Jaꞌ te kꞌux ya kaꞌi ta koꞌtan sok ben jun koꞌtan yuꞌun. Ya me kaꞌbe ta yoꞌtan te Espíritu kuꞌune. Jich me ya spuk ta alel ta stojol spisil nasionetik te tutꞌil toj ta pasele.

Bible in Tzeltal de Oxchuc y Tenejapa

¹⁸ “Li' ay to te cabat, te tsabil cu'une. C'ux ya caiy ta co'tan soc bin nax co'tan yu'un. Ya me cac'bey ta yo'tan te Espíritu cu'un. Jich me ya spuc ta alel ta stojol jyanlumetic te bila toj ta pasele.

San Mateo 12:18 Referans Kwoze

Isaías 42:1

Ha ini te a'bat cu'un, te jtsacoj ta jc'ab, te mach'a tsahbil cu'un te lec co'tan yu'une. Cac'oj ta stojol te espíritu cu'un, ha ya yac' c'ohtuc ta pasel ta stojol te nacionetic te bin toj ta pasele.

San Lucas 4:18

Ha scuentahinejon te Espíritu yu'un te Cajwaltic, como tsahbilon yu'un yalel te lec yach'il c'op ta stojol te pobrehetique. Sticonejon tal ta scoltayel te mach'atic pich'il yo'tanic, ta yalel te libre ayic te mach'atic chuculic, soc ta sjambeyel sit ts'o'sitetic, sticonejon ta yaq'uel ta libre te mach'atic tembilic ta mosohinel,

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

San Juan 3:34

como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose.

1 Pedro 2:4

Nopojanic ta stojol Cristo, ha te cuxul ton, te p'ajbil yu'un ants-winiquetic pero tsahbil yu'un Dios soc ha bayel sc'oblal ta yo'tan.

Isaías 52:13

Ilawil, lec ya xc'oht ta loq'uel te ca'bat, toyol ya xc'oht soc ya xtoybot sc'oblal, mero toyol sc'oblal ya xc'oht.

Isaías 11:2

Te espíritu yu'un Jehová ya xhul ta stojol: ha te espíritu yu'un p'ijil-o'tanil soc sna'beyel scuentahil, te espíritu yu'un j'ac'-o'tanil soc yu'el, te espíritu yu'un bin ay ta na'el soc xi'el te Jehová;

2 Pedro 1:17

Ha ac'ot ta ich'el ta muc' soc a'bot yutsilal yu'un te Dios Tatil te c'alal chicnaj tal c'op ta stojol te Muc'ul Utsilal te hich la yal: Ha Jnich'an ini te c'ux ta co'tan, te bayel yutsil co'tan yu'un, xchi sc'oblal.

Colosenses 1:13

Ha la scoltayotiquix loq'uel ta yip te yihc'al q'uinal, la yic'otiquix ochel ta banti ay te cuentahinel yu'un te Snich'an te c'ux ta yo'tan,

Colosenses 1:1

Pablo, jpuc-c'op yu'un te Jesucristo ta scuenta sc'anojel yo'tan Dios, soc te quermanotic Timoteo,

Efesios 1:6

scuenta yu'un hich ya yich' halbeyel yutsil sc'oblal te yutsil yo'tan te la sc'uxultayotic a ta scuenta te Mach'a c'ux ta yo'tane.

Hechos 14:27

C'alal c'ohtic tey a, la stsobic te iglesia, la yalbe ya'iyic te bintic muc' spasticlanej Dios ta scuentahic soc bin ut'il la sjambe yo'tanic te jyanlumetic te ya sch'uhunique.

Hechos 11:18

C'alal hich la ya'iyic, mayuc bin la yalic yu'un, soc la yalbeyic yutsilal te Diose: ¡Ha nix hich Dios la ya'be suhtes yo'tanic scuenta cuxlejal te jyanlumetique! xchihic.

San Lucas 23:35

Te ants-winiquetic yac yilbelic, soc te principaletic yu'un te pueblo la slabanic te Jesús, hich la yalic: La scoltaylan yantic; ac'a scoltay sba teme ha nix a te Cristo te tsahbil yu'un Dios, xchihic ta slabanel.

San Lucas 9:35

Ay mach'a c'opoj ta tocal, hich la yal: Ha Jnich'an ini te bayel c'ux ta co'tan; a'iya me awa'iyic te sc'ope, xchi.

San Lucas 3:22

co tal ta stojol Jesús te Ch'ul Espíritu, sjel ta stsuhmut, soc ay c'op tal ta ch'ulchan te hich la yal: Ha'at Jnich'anat te bayel c'uxat ta co'tan, buen lec co'tan awu'un, xchi.

San Marcos 9:7

Patil tal tocal te la yaxinteslan, soc ay mach'a c'opoj tal ta tocal, hich la yal: Ha Jnich'an ini te bayel c'ux ta co'tan; a'iybeya awa'iyic sc'op, xchi la ya'iyic.

San Marcos 1:11

Soc tal c'op ta ch'ulchan, hich la yal: Ha'at Jnich'anat te bayel c'uxat ta co'tan; buen lec co'tan awu'un, xchi sc'oblal.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

Zacarías 3:8

Muc'ul sacerdote Josué, ha'at soc te amohloltac te ya xhuhcajic ta atojol, te ha señahex yu'un te bin ya xc'oht ta pasel ta patil, a'iya me awa'iy: Ya quic' tal te ca'bat, ha te Spuhl.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Isaías 62:2

Hich me ya yilic te nacionetic te bin stojil yac apasic, soc spisil te ajwaliletic ya yilbat awutsilal; ya x'a'botat yach'il abihil te ya yalbat te Jehová.

Isaías 53:11

Ya me yil te bin ya xloc' yu'un a te swocol te sch'uhlel, lec me ya ya'iy yu'un; te ca'bat te toj yo'tan ya me yac' te toj ya xc'oht tsobolic ta scuenta te bintic sna'oj, soc ya me scuchbe te smulique.

Salmos 89:19

Ta namey c'opojat ta nahalsitil, hich la awalbe te a'batetic awu'un te jun yo'tanic ta atojol: La jcoltay te mach'a ay yip; la jtoybe sc'oblal te mach'a tsahbil ta pueblo cu'un.

San Mateo 12:17

scuenta yu'un hich ya xc'oht ta pasel a te bin yaloj te jalwanej Isaías, te hich la yal: