San Mateo 11:3 - Bible in Tzeltal Bachajón

³ ¿Ha'at laj bal te mach'a sc'oblal ya xtal o ya bal jmahliycotic yan? xchihic c'ohel.

Nuevo Testamento Tzeltal de Amatenango

³ Jicha kꞌo sjojkꞌobe ta stojol: —¿Me jaꞌat te Cristoat te ya xtale? ¿O ay to yan te ya jmalitik xtale? —xchiik.

Bible in Tzeltal de Oxchuc y Tenejapa

³ Jich c'o sjojc'oyic ta stojol: —¿Ja'at bal Cristoat te albil sc'oplal ya xtale? ¿O ay to bal yan te ya jmaliytic xane? —xiic.

San Mateo 11:3 Referans Kwoze

San Juan 11:27

Hich, Cajwal; jch'uhunej te ha'at Cristohat, te Snich'anat Dios, te talemat ta bahlumilal, xchi.

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

Hebreos 10:37

Como jteb xanix ya sc'an te ya xtal te Mach'a talel yac, ma ba halix.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

San Juan 7:31

Pero tsobol ants-winiquetic la sch'uhunic, soc hich la yalic: Te c'alal ya xtal te Cristo, ¿c'ax bal hich señahiletic ya spas a te bin ut'il ya spas te winic ini? xchihic.

San Juan 6:14

Ha yu'un te winiquetic, c'alal la yilic te seña te la spas te Jesús, hich la yalic: Melel nix a te ha te Jalwanej te ya xtal ta bahlumilal, xchihic.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

Génesis 3:15

Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

San Juan 16:14

Ha me ya yac'on ta ich'el ta muc', como ya yich' te bin ay cu'un, ha ya ya'beyex ana'ic.

San Juan 12:13

la yich'ic bahel ya'binal xahn soc baht stahic tal te Jesús, hich la yalic ta aw: ¡Hosana! ¡Bayel yutsil te mach'a talem ta scuenta sbihil te Cajwaltic, te Ajwalil yu'un Israel! xchihic ta aw.

San Juan 4:21

Halbot yu'un te Jesús: Ants, ch'uhuna te ya me sta yorahil te ma li'uc ta wits ini o ta Jerusalén te yac awich'ic ta muc' te Tatile.

San Lucas 19:38

Hich la yalic: ¡Bayel me yutsil te ajwalil te yac ta talel ta scuenta sbihil te Cajwaltique! ¡Lamaluc me q'uinal ta ch'ulchan soc ayuc yutsilal ta toyol! xchihic ta aw.

San Marcos 11:9

Te mach'atic nahil ayic soc te mach'atic patil ayic, hich yacalic ta aw: ¡Hosana! ¡Bayel yutsil te mach'a talem ta scuenta sbihil te Cajwaltique!

San Mateo 21:9

Te mach'atic nahil ayic soc te mach'atic patil ayic, hich yacalic ta yalel ta aw: ¡Hosana ta stojol te snich'an David! ¡Bayel yutsil te mach'a ya xtal ta scuenta sbihil te Cajwaltique! ¡Hosana ta toyol! xchihic ta aw.

San Mateo 21:5

Halbeyahic te yantsil-nich'an Sión: Yac ta talel ta atojolic te Ajwalil awu'unic, ha manso soc cajal ta burra, cajal ta yal burra, ha yal j'ihcatsijel chambahlam, te xchihe.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

Hageo 2:7

ya cac' nihcuc spisil te nacionetic; ya xtal te mach'a c'ambil yu'un spisil te nacionetic soc ya jnojes ta yutsilal te Na ini, xchi te Jehová te scuentahinej spisil.

Abdías 1:21

Te jcoltaywanejetic ya xmohic bahel ta wits Sión yu'un ya scuentahinic te wits yu'un Esaú. ¡Yu'un Jehová ya xc'oht te ban c'alal ay ta cuentahinele!

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

Salmos 118:26

¡Bayel yutsil te mach'a ya xtal ta scuenta te sbihil Jehová! C'alal ta sna Jehová ya ca'beyex bendición.

Números 24:17

Ha ya quil, pero ma ta orahuc; ha ya jna'ulan, pero ma nopoluc ay; ya xloc' tal ec' ta Jacob, ya xchicnaj bastón ta yohlil Israel; ya me swuybe sti'ba te Moab, soc ya me slajinlan spisil te sts'umbal Set.

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Génesis 12:3

Ya ca'be bendición te mach'a ya ya'bat bendición, soc ya jbohlobtesbe sc'oblal te mach'a ya sbohlobtesbat ac'oblal. Soc ha'at ta acuenta ya me yich' bendición spisil ants-winiquetic ta bahlumilal, xchi sc'oblal.

San Mateo 11:4

Hich la sjac' te Jesús: Bahanic, a'beyahic sna' te Juan te bintic yac awa'iybelic soc te bintic yac awilbelique:

San Mateo 11:10

como ha nix sc'oblal ini te bin ts'ihbabil hilel: Ya jticon te jal-c'op cu'un te nahil ya xbaht awu'un, te ha ya schahpambat abe ta atojol, te xchihe.