San Mateo 11:23 - Bible in Tzeltal Bachajón

²³ Soc ha'at, Capernaum, te awich'oj tohytesel c'alal ta ch'ulchan, ya me awich' ch'ojel bahel c'alal ta stsobojibal mach'atic chamenic. Te teyuc la yich' pasel ta Sodoma te jchahp a'teliletic te la yich' pasel ta atojol, cuxul c'alal ora te hichuque.

Nuevo Testamento Tzeltal de Amatenango

²³ Y jaꞌat jtejklum Capernaum, akuyojik te aꞌbilex ta jkuenta ya kꞌoex ta chꞌulchane. Jaꞌ tsꞌin to ya me awichꞌik chꞌojel ochel kꞌalal ta infierno. Te teꞌuk la yichꞌ pasel a te milagroetike te ba ay jtejklum Sodomae jich tutꞌil te la yichꞌ pasel ta awolilike, chikan to ta balmilal ta ora to te jichuke.

Bible in Tzeltal de Oxchuc y Tenejapa

²³ Jichat uuc lum Capernaúm te atoyoj abaic c'alal ta ch'ulchan, ja'uc me to, c'alal ta infierno ya xch'ojotat coel. Melel te jichuc la yich' pasel jchajp at'eliletic ta banti lum Sodoma jich bit'il te la yich' pasel ta awolilique, chican to ta q'uinal ta ora to te jichuque.

San Mateo 11:23 Referans Kwoze

San Mateo 4:13

La yihquitay hilel te Nazaret, baht ta nahinel ta Capernaum ay ta ti'mar yu'un Galilea, te ay ta sq'uinal Zabulón soc Neftalí,

Génesis 13:13

Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Apocalipsis 11:8

Pujul ya xhil sbaq'uetalic ta calle yu'un te muc'ul pueblo, ha te Sodoma soc Egipto sbihil, tey nix ta banti laj ta milel ta cruz te Cajwaltique.

Judas 1:7

Hich te bin ut'il te Sodoma soc Gomorra soc te pueblohetic ta sjoyobal, ha nix hich la ya'iyic chijil-o'tanil soc la spasic te bin ya scontrahin te stalel te baq'uete. Yich'oq'uehlic c'oht te bin ut'il c'ax swocolic yu'un castigo ta c'ahc' sbahtel q'uinal.

Hechos 2:27

como ma ba yac awac' hiluc ta muquenal te jch'uhlel, soc ma ba yac awac' c'a'uc sbaq'uetal te Mach'a ch'ultesbil awu'une.

San Lucas 14:11

Como spisil te mach'a ya yac' sba ta ich'el ta muc', ya me yich' pehc'anel, yan te mach'a peq'uel ya yac' sba, ha me ya xtohytesbot sc'oblal stuquel, xchi.

San Mateo 16:18

Soc ho'on ya calbat te ha'at Pedrohat, ta sba ha'i muc'ul ton ini ya jpas te iglesia cu'un, soc te ochibaletic yu'un te tsobojibal mach'atic chamenic ma xhu' stsalbel.

San Mateo 8:5

C'alal och ta Capernaum te Jesús, tal ta c'oponel yu'un jtuhl capitán-soldado, hul ta sc'anel coltayel,

Abdías 1:4

Aunque ya xwihlat mohel hich te bin ut'il jxic soc yac apas apechech ta yohlil te eq'uetic, tey ya jinat cohel tal a, xchi te Jehová.

Lamentaciones 2:1

¡Ilawil bin ut'il te Cajwaltic la smuc ta yaxinal yilimba te yantsil-nich'an Sión! La sjin cohel ta ch'ulchan c'alal ta bahlumilal te yutsilal Israel; ma ba la sna'ix te scajtajib yoc ta yorahil yilimba.

San Lucas 16:23

Ta stsobojibal mach'atic chamenic, te banti ay ta wocol, la shach sit, la yil namal ay te Abraham soc te ay ta sts'el te Lázaro.

San Lucas 4:23

Hich halbotic yu'un te Jesús: Ay yac awalbonic te hich ay ta halel: Jpoxtaywanej, poxtaya aba. Te bintic la apas ta Capernaum ya ca'iycotic, hich ni me xapas li' ta alumali, xchi.

San Mateo 17:24

C'alal c'ohtic ta Capernaum talic ta stojol Pedro te mach'atic yac sc'ambelic te cheb dracma patanil, hich halbot yu'unic: ¿Ma bal yacuc yac' te cheb dracma patanil te maestro awu'unique? xchihic.

Ezequiel 26:20

Ya cac' te pajal ya xcohat bahel soc te mach'atic ya xcohic bahel ta muquenal, ha te mach'atic c'axic ta namey; ya cac' x'ayinat ta sc'ubulil te lumq'uinal, hich te bin ut'il q'uinal te nameyix jimbil, soc te mach'atic ya xcohic bayel ta muquenal, scuenta yu'un mayuquix bin ora ay mach'a ya xnahin ta awohlil. Soc ya cac' utsilal ta q'uinal yu'un mach'atic cuxulic.

Ezequiel 31:14

scuenta yu'un spisil te te'etic ta ti'ha'etic ma ba ya stoy sbahic yu'un te stoyolil, ma ba ya stoy sni'ilic ta yohlil te tocaletic, soc spisil te te'etic te ya yuch'ic ha' ma ha'uc ya smuc'ulin yo'tanic te stoyolile; como spisilic ya xbahtic ta lajel, ta sc'ubulil te lumq'uinal, ta yohlil te yal-snich'nab ants-winiquetic, ya sjoquinic te mach'atic ya xcohic bahel ta hotbil ch'en.

Ezequiel 32:18

Snich'anat winic, c'ayojtaya c'ayoj yu'un mel-o'tan ta stojol tsobolic yu'un Egipto; ac'a cohuc bahel ta sc'ubulil te lumq'uinal soc te yal-snich'nab te nacionetic te ay yipic, te ya sjoquinic te mach'atic ya xcohic bahel ta muquenal. Hich yac awalbe:

Ezequiel 32:24

Tey ay a te Elam soc spisil te yipal ants-winiquetic yu'un ta sjoyobal te smuquenale. Spisilic lajic ta espada, ma ba yich'ojic circuncisión a cohic bahel ta sc'ubulil te q'uinal, yu'un la yaq'uic xiwel ta stojol te mach'atic cuxulic. Pajal ya yich'ic bahel sq'uexlalic soc te mach'atic ya xcohic bahel ta muquenal.

San Mateo 10:15

Jamal ya calbeyex, ta yorahil ich'el ta c'op peq'uel xan castigo ya yich' te Sodoma soc Gomorra te bin ut'il ya yich' ha'i pueblo ini.

San Lucas 10:15

Soc ha'at, Capernaum, te awich'oj tohytesel c'alal ta ch'ulchan, ya me awich' ch'ojel bahel c'alal ta stsobojibal mach'atic chamenic.

Hechos 2:31

Te bin ut'il nahil la yil, hich la yalbe sc'oblal te ya xcha'cuxaj te Cristo, te ma ba ya x'ihquitayot hilel ta muquenal te sch'uhlel soc te ma x'ac'ot c'a'uc te sbaq'uetale.

Apocalipsis 1:18

te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

Apocalipsis 6:8

Hich la jquil ay jcoht c'anal cawu. Te mach'a cajal tey a, Lajel te sbihile, ha t'umbil yu'un te Yawil mach'atic chamenic. A'bot ta scuenta jun ta schanxeht'el te bahlumilal yu'un ya smil ta espada, ta wi'nal, ta tulan chamel soc ta ti'awal chambahlametic.

Apocalipsis 20:13

Te mar la yac' loc'uc tal te mach'atic lajemic tey a, soc te lajel soc te stsobojibal mach'atic chamenic la yaq'uic loq'uel tal te mach'atic ayic tey a. Tuhlutuhl ochic ta ich'el ta c'op, ha chican bin la spasic.