San Mateo 11:21 - Bible in Tzeltal Bachajón

²¹ ¡Ay me awocol, Corazín! ¡Ay me awocol, Betsaida! Te ha'uc la yich' pasel ta Tiro soc ta Sidón te jchahp a'teliletic te la yich' pasel ta atojolic, namey la suhtes yo'tanic, la slapiquix pac' yu'un mel-o'tan soc la shuhcanix sbahic ta tan te hichuque.

Nuevo Testamento Tzeltal de Amatenango

²¹ —Te jaꞌat jtejklum Corazin, oꞌol me abaik. Sok te jaꞌat jtejkꞌum Betsaida, oꞌol me abaik euk. Te teꞌuk a yichꞌ pasel a te milagroetik te ba jtejklum Sidon jich tutꞌil te la yichꞌ pasel ta akuentaike, ora me la sujtes yoꞌtanik yuꞌun smulik te jichuke. La me slapik pakꞌ te ya xchꞌixtawane sok la me snajkꞌan sbaik ta tan yuꞌun yajtal yoꞌtanik yuꞌun smulik.

Bible in Tzeltal de Oxchuc y Tenejapa

²¹ —¡Lum Corazín, ya me awil awocolic! ¡Lum Betsaida, ya me awil awocolic uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la slapic ch'ixal pac', soc la snajc'an sbaic ta stanul c'ajc' ta sujt'esel yo'tanic te jichuque.

San Mateo 11:21 Referans Kwoze

Hechos 12:20

Te Herodes ilinem ta stojol te mach'atic ayic ta Tiro soc Sidón; ha yu'un la schap sc'opic, bahtic ta stojol Herodes. Hu' yu'unic te lec c'ohtic ta stojol te Blasto, te tulan ya'tel ta stojol te ajwalil, la sc'anic te yacuc xlahmaj q'uinal, yu'un tey ya sta swe'elic tey ta sq'uinal te ajwalile.

San Juan 12:21

C'oht sc'oponic te Felipe te talem ta Betsaida te ay ta sq'uinal Galilea, hich la yalbeyic wocol: Tatil, ya jc'an ya quilcotic te Jesús, xchihic c'ohel.

San Lucas 9:10

C'alal suhtic tal te jpuc-c'opetic, hul yalbeyic ya'iy te Jesús spisil te bintic la spasique. Hich te Jesús la yic'ticlan bahel ta stuquelic ta jun pueblo, Betsaida sbihil.

San Marcos 6:45

Ora nax te Jesús la sticon ochel ta barco te jnopojeletic, yu'un ya xnahilijic bahel ta jehch ha' ta Betsaida, ya to spaticlambe hilel yo'tanic te ants-winiquetique.

San Mateo 15:21

Loc' bahel tey a te Jesús, baht ta sq'uinal Tiro soc Sidón.

Job 42:6

Ha yu'un ya quihlay jba soc ya jsuhtes co'tan ta ts'u'lum soc ta tan, xchi te Job.

Judas 1:11

¡Ay me swocolic! como st'unojic te be yu'un Caín, howiyemic hich te bin ut'il Balaam ta slehel taq'uin te ma stojiluc; pajal lajic soc te toybahil yu'un Coré.

San Juan 1:44

Te Felipe talem ta Betsaida, jun slumal soc te Andrés soc te Pedro.

San Lucas 6:17

Te Jesús cohic tal soc, c'oht ta jun spamlej, joquimbil yu'un te jnopojeletic yu'un soc bayel winiquetic te talemic ta spahmal sq'uinal Judea, ta Jerusalén, ta ti'ti'mar yu'un Tiro soc Sidón, te talemic ta ya'iybeyel sc'op soc ta yac'bel sbahic ta lecubtesel yu'un schamelic;

San Marcos 8:22

C'ohtic ta Betsaida, la yiq'uic tal jtuhl ts'o'sit, la yalbeyic wocol te Jesús te yacuc spicbe.

San Marcos 7:31

Te Jesús cha'loc' xan bahel ta sq'uinal Tiro, c'ax ta Sidón soc ta sq'uinal Decápolis, c'oht ta Mar yu'un Galilea.

San Marcos 3:8

Jerusalén, Idumea, ta jehch ha' Jordán soc ta sjoyobal Tiro soc Sidón. Tsobol talic ta t'unaw c'alal la ya'iyic te bin muc' yac spasticlambel te Jesús.

San Mateo 18:7

¡Ay me swocol te bahlumilal yu'un te bintic ya x'ac'awan ta yahlel ta mulil! Ay c'ohchinojibaletic, pero ¡ay me swocol te mach'a ya yac' te c'ohchinojibaletique!

San Mateo 11:22

Ha yu'un ya calbeyex te ta yorahil ich'el ta c'op ha peq'uel castigo ya yich' te Tiro soc te Sidón te bin ut'il ya yich' te Corazín soc te Betsaida.

Hechos 27:3

Ta schebal c'ahc'al c'ohotcotic ta Sidón. Te Julio la sc'uxultay te Pablo, la yac' bahel te ya xbaht yil te yermanotac yu'un ya x'a'bot yu'un te bin ya xtuhun yu'une.

San Lucas 4:26

Pero te Elías ma ba ticonot ta stojol yantic antsetic, ha nax ticonot ta stojol jtuhl me'ba' ants ay ta Sarepta ta sq'uinal Sidón.

San Marcos 7:24

Loc' bahel tey a te Jesús, baht ta sq'uinal Tiro soc Sidón. Och bahel ta na tey a, ma ba la sc'an te ya xna'ot banti ay; pero ma ba hu' yu'un te la snac' sbahe.

San Mateo 26:24

Te Nich'anil ay ta scuenta winic hich ya xbaht te bin ut'il ts'ihbabil sc'oblale, pero ¡ay me swocol te winic te ya yac' ta c'abal te Nich'anil ay ta scuenta winic! Ha lec te manchuc ayin te winique, xchi.

Jeremías 13:27

ha te antsiwej awu'un soc te xhilajanat, te schopolil antsiwej awu'un ta sba te tsehletic. La jquil ta aquiltic te bintic ilobtic sba awu'une. ¡Obol aba, Jerusalén! ¿Jayeb xan c'ahc'al te ma ba ya xlecub ac'oblale? xchi te Jehová.

Joel 3:4

¿Bin cochelex a, Tiro, Sidón, soc spisil sq'uinal Filistea? ¿Ya bal ac'an yac asutbonic spacol? Teme yac asutbonic spacol, ho'on ya cac' c'ohtuc ta atojolic ta ora te bin yac apasique.

Amós 1:9

Hich yaloj te Jehová: Ta scuenta oxchahp mulil yu'un Tiro, ta scuenta chanchahp, ma ba ya jcom te castigo yu'une; como la yac' ta sc'ab Edom jun pueblo, ma ba la yich' ta cuenta te chapbil-c'op ta stojol mach'atic yermano sbahic.

Apocalipsis 6:12

La jquil c'alal la sjam te swaquebal sello, tal tulan nihquel. Ihc'ub te c'ahc'al hich te bin ut'il ihc'al ch'ixal pac', tsajub te u hich te bin ut'il ch'ich',

Apocalipsis 11:3

Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.