San Mateo 11:17 - Bible in Tzeltal Bachajón

¹⁷ La jcoq'uesimbeyexcotic amay, pero ma ba ahc'otajex; la jc'ayojtaybeyexcotic c'ayoj yu'un mel-o'tan, pero ma ba oq'uex, xchihic;

Nuevo Testamento Tzeltal de Amatenango

¹⁷ “La kokꞌesintik kamaytik, maꞌ ajkꞌotajex yuꞌun. La jkꞌayojintik te ben triste kꞌayojetik, maꞌ okꞌex yuꞌun”, te xchiike.

Bible in Tzeltal de Oxchuc y Tenejapa

¹⁷ “La coq'uesin camaytic, ma ba ajc'otajex yu'un. La jc'ajintaytic mel-o'tan c'ayoj, ma ba oq'uex yu'un”, te xiique.

San Mateo 11:17 Referans Kwoze

Isaías 30:29

Yan te ha'exe ya me xc'ayojinex hich te bin ut'il ta ahc'abal te ya yich' pasel te q'uin Pascua; soc hich stse'elil awo'tanic te bin ut'il mach'a ya xbehen ta scuenta sc'op amay, te ya xbaht ta wits yu'un Jehová, ta Muc'ul Ton yu'un Israel.

San Mateo 9:15

Halbotic yu'un te Jesús: ¿Ya bal smel yo'tanic te mach'atic yacalic ta pas-q'uin scuenta nuhpunel teme sjoquic to te jnuhpunele? Pero ya me sta yorahil te ya xloq'uesbot te jnuhpunel, ha to me ya xhahch scom swe'elic a.

Jeremías 31:4

Ya jcha'pasat xan ta yach'il, hich yac awich' pasel, ha'at ach'ix Israel. Ya me acha'ich' xan te panderohetic awu'unic soc ya xloc'at bahel ta ahc'ot soc yutsil q'uinal.

San Mateo 9:23

C'alal och bahel Jesús ta sna te principal winic soc la yil te mach'atic yac yoq'uesimbelic amay soc sts'otetic te mach'atic tey ayic a,

1 Reyes 1:40

Patil spisil te pueblo la st'unic mohel, yacalic ta yoq'uesinel bahel flautas; bayel yutsil yo'tanic, hich ya'iyel te ya snic sba te lumq'uinal yu'un te yawique.

San Lucas 15:25

Te banquilal, bahem ta sq'uinal a. Te c'alal suht tal, nopol ya xc'ohtix ta sna a, la ya'iy ay q'uin soc noc'ol ahc'ot;

Génesis 50:10

C'alal c'ohtic ta sq'uiyojibal trigo yu'un Atad, te ay ta sjehchelul te Jordán, mero tulan la yoq'uetayic soc mel-o'tan tey a. Te José huqueb c'ahc'al la yoq'uetay te state.

San Mateo 11:16

¿Bin ya jpaj soc a te mach'atic cuxajtic ta ora ini? Ha pajal ayic soc te queremetic te huhcajtic ta plaza te hich ya yawtayic te smohloltac:

San Mateo 11:18

yu'un tal te Juan te ma ba we' uch', hich ya yalic: Ay pucuj ta yo'tan, xchihic.

San Lucas 7:32

Ha pajalic soc queremetic huculic ta plaza te hich ya yawtay sbahic: La jcoq'uesimbeyexcotic amay, pero ma ba la awahc'otanic. La jca'iycotic sc'ayojil chamen winiquetic, pero ma ba oq'uex yu'un, te xchihique.

San Lucas 8:52

Spisilic yacalic ta oq'uel soc ta mel-o'tan yu'un. Pero la yal te Jesús: Ma x'oq'uex; ma ba chamen te ach'ixe, wayal nax, xchi.

San Lucas 23:27

Tsobol swinquilel te pueblo la st'unic bahel, soc ay antsetic yac yoq'uetaybelic te Jesús soc bayel smeloj yo'tanic yu'un.