San Mateo 10:7 - Bible in Tzeltal Bachajón

⁷ C'alal yaquex ta bahel a, halahic te sc'op Dios, hich me xawalic: Nopolix ay te cuentahinel yu'un te ch'ulchan, xchihanic me.

Nuevo Testamento Tzeltal de Amatenango

⁷ Baanik, alaik bael: “Nopol ya xlijkix ta mantal te jTatik Diose”, xchaex me.

Bible in Tzeltal de Oxchuc y Tenejapa

⁷ Jich me xawalic ta xcholel: “Nopol ya xjajch'ix ta ajwalinel te Dios te ay ta ch'ulchane”, xaex me.

San Mateo 10:7 Referans Kwoze

Hechos 28:31

Jamal la yalbe ya'iyic sc'oblal te cuentahinel yu'un Dios, soc la ya'be snopic bin ut'il ay sc'oblal te Cajwaltic Jesucristo; mayuc mach'a comot yu'un.

San Mateo 3:2

hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

San Lucas 9:60

La yal te Jesús: Ha ac'a smuc te chamen winic te mach'a pajal chamen soque; yan te ha'ate, behenan, puca ta halel sc'oblal te cuentahinel yu'un Dios, xchi.

San Mateo 4:17

Ta hich ora hahch ta yalel sc'op Dios te Jesús, hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

San Lucas 16:16

Te Ley soc te Jalwanejetic la yich'ic halbeyel sc'oblal ha to c'alal ta Juan. Ta hich ora hahch ta yalel te lec yach'il c'op yu'un te cuentahinel yu'un Dios, soc spisilic yac yac'belic fuersa ta ochel tey a.

San Lucas 9:2

La sticonlan bahel ta halbeyel sc'oblal te cuentahinel yu'un Dios soc ta slahmajtesel jchameletic.

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

San Marcos 6:12

Hich loq'uic bahel ta yalel te ac'a suhtes yo'tanic yu'un smulic te ants-winiquetique.

Hechos 10:25

C'alal och ta na te Pedro, tal ta tahel yu'un te Cornelio, la squejan sba ta ye'tal yoc ta yich'el ta muc'.

Hechos 4:2

bayel ilinemic yu'un te yac sp'ijubtesbelic te pueblo soc te yac yalbelic te ta scuenta Jesús ay cha'cuxajel ta yohlil mach'atic chamenic.

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

San Lucas 9:6

Hich loq'uic bahel, la yocliyic spisil te tut pueblohetic ta spuquel te lec yach'il c'op soc ta slecubtesel jchameletic ta bayuc.

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

San Mateo 21:43

Ha yu'un ya calbeyex, ya me awich'ic pojbeyel ta atojolic te cuentahinel yu'un Dios, ha ya x'a'botic te mach'atic ya ya'beyic te site.

San Mateo 21:31

Ta schebalic, ¿mach'a la spas te bin la sc'an yo'tan te state? xchi. La yalic: Ha te mach'a nahil la yalbe, xchihic. Halbotic yu'un te Jesús: Jamal ya calbeyex, te jc'an-patanetic soc te j'antsineletic ha nahil yacalic ta ochel awu'unic ta banti ay te cuentahinel yu'un te Diose;

San Mateo 11:1

C'alal laj yo'tan te Jesús ta snohptesel te lahchaytuhl (12) jnopojeletic yu'une, hahch bahel tey a, baht ya'iy p'ijubteswanej soc yalel sc'op Dios ta yantic pueblohetic yu'unic.

San Mateo 10:8

Ya me alecubteslanic jchameletic soc jc'a'el-chameletic, ya me acha'cuxajtesic mach'a chamenic, soc ya me aloq'ueslanic pucujetic. Ta mahtanil la awich'ic, hich ni me ta mahtanil yac awaq'uic.