San Mateo 10:6 - Bible in Tzeltal Bachajón

⁶ ha nax me ya xbahex ta stojol te ch'ayem tuminchijetic yu'un Israel.

Nuevo Testamento Tzeltal de Amatenango

⁶ Teꞌ me xbaex a te ba ay te jꞌisraeletike porke jich kꞌoemik te tutꞌil karneraetik te chꞌayemike.

Bible in Tzeltal de Oxchuc y Tenejapa

⁶ Tey me ya xbaex ta bay te israeletique, melel jich c'oemic te bit'il chijetic te ch'ayemique.

San Mateo 10:6 Referans Kwoze

Jeremías 50:6

Te pueblo cu'un hich ayic te bin ut'il tuminchijetic te ch'ayemic, howiytesotic ta be yu'un te jcanan yu'unique, ac'otic hilel yu'un ta witsiltic. Bayuc behenic bahel ta yantic witsiltic, ch'ay ta yo'tanic te corral yu'unique.

1 Pedro 2:25

Como hichex te bin ut'il tuminchijetic te howiyemic, pero yo'tic suhtemexix tal ta stojol te Jcanantaywanej soc te Mach'a ya scanantaybeyex ach'uhlelique.

Hechos 13:46

Ha yu'un te Pablo soc Bernabé soc yip yo'tanic hich la yalbeyic: La sc'an te nahil la jcalbeyex awa'iyic te sc'op Dios; pero te bin ut'il la ap'ajic soc ma xac'an yac awich'ic te cuxlejal scuenta sbahtel q'uinal, ya xbohotcotic ta stojol te jyanlumetique,

Ezequiel 34:6

Te tuminchijetic cu'un howiyemic ta behel ta spisil te witsiltic soc spisil te toyol tsehletique. Puhquic bahel ta spahmal bahlumilal te tuminchijetic cu'un, mayuc mach'a la sle soc mayuc mach'a la sjoc'oy ta scuenta.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

Salmos 119:176

Howiyemon ta be hich te bin ut'il howiyem tuminchij; leha te a'bat awu'un, como ma ba ch'ayem ta co'tan te mandariletic awu'une.

Hechos 3:26

Te c'alal Dios la scha'cuxajtes te a'bat yu'un, ha nahil la sticon tal ta atojolic yu'un ya ya'beyex bendición scuenta yu'un jujutuhl ya yihquitay hilel te schopolile, xchi te Pedro.

San Mateo 18:10

Tsahtaya me abahic te ma ba yac ap'ajic jtuhluc ha'i alaletic ini; como ya calbeyex, te ch'ul a'batetic yu'unic ta ch'ulchan spisil ora yac yilbelic sit te Jtat ay ta ch'ulchan;

Ezequiel 34:8

Ho'on cuxulon, xchi te Jehová te Ajwalil, te bin ut'il ayic ta elc'anel te jtsohb tuminchijetic cu'un soc te ti'otic yu'un spisil te ti'awal chambahlametic ta scaj te mayuc jcanan yu'unique; te jcanan-tuminchijetic cu'un ma ba la slehic te tuminchijetic cu'un, ha la scanantay sbahic stuquelic;

Hechos 26:20

Ha nahil hahch calbe ya'iyic te mach'atic ayic ta Damasco, patil ta Jerusalén soc ta spahmal sq'uinal Judea, soc te jyanlumetic, te yacuc suhtes yo'tanic yu'un smulic soc te yacuc suhtic tal ta stojol Dios, soc te yacuc yaq'uic ta ilel ta scuenta ya'telic te suhtemix yo'tanique.

Hechos 18:6

Pero te judíohetic la smaquic ta c'op te Pablo soc la yixta'c'optayic, hich te Pablo la slihlin sc'u' spac' te slapoj soc la yalbe: Ac'a c'ohtuc ta ajolic te ach'ich'elique. Mayuquix ta jcuenta; yo'tic ya xbohonix ta stojol te jyanlumetique, la yut.

San Lucas 24:47

soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

Ezequiel 34:16

Ya jle te tuminchij te ch'ayem, ya jsuhtes tal te howiyemic bahel, ya jpotsbe te banti waq'uem soc ya ca'be yip te banti mayuc yip; pero ya jlajin te juhp'en soc te ay yipe. Stojil me ya jcanantay.

Jeremías 50:17

Te Israel ha jtsohb tuminchijetic te puhquemic ta bayuc yu'un chojetic. Ha nahil lajinotic yu'un te ajwalil yu'un Asiria; ta slajibal wac'ticlambot sbaquel yu'un Nabucodonosor ajwalil yu'un Babilonia.

Ezequiel 34:4

Ma ba la awa'beyic yip te mayuc yipic soc ma ba la apoxtayic te ayic ta chamel; ma ba la apotsic te banti waq'uem, ma ba la awiq'uic suhtel tal te howiyemic bahel, ma ba la alehic te ch'ayemique, tulan la acuentahinic soc la awuts'inic.

San Mateo 18:11

como te Nich'anil ay ta scuenta winic ha talem scoltaybel te mach'a ch'ayeme.