San Mateo 10:4 - Bible in Tzeltal Bachajón

⁴ Simón te cananeo, soc Judas Iscariote, ha te la yac' ta c'abal te Jesús.

Nuevo Testamento Tzeltal de Amatenango

⁴ sok te Simone te ay ta skuenta te jkananistaetike, sok te Judas Iscariote te ta patil la yakꞌ entregal te Jesuse.

Bible in Tzeltal de Oxchuc y Tenejapa

⁴ soc te Simón te cananistae, soc te Judas Iscariote te la yac' ta c'abal ta patil te Jesuse.

San Mateo 10:4 Referans Kwoze

San Mateo 26:14

Ay jtuhl ta yohlil te lahchaytuhl, Judas Iscariote sbihil, hich baht schap soc te principal sacerdotehetic,

San Juan 13:2

C'alal ayic ta we'el a, te Judas Iscariote snich'an Simón halbotix ta yo'tan yu'un a te pucuj te ya yac' ta c'abal te Jesús.

San Juan 6:71

Ha la yalbe sc'oblal te Judas Iscariote snich'an Simón, como ha te jtuhl ta slahchaytuhlulic te ya yac' ta c'abal te Jesús.

San Marcos 14:43

Yac to ta c'op a te Jesús, tal te Judas te ha jtuhl ta slahchaytuhlulic, sjoquinej tal tsobol winiquetic te yich'ojic espada soc te', ticombilic tal yu'un te principal sacerdotehetic, escribanohetic soc te mamaletique.

San Mateo 26:47

Yac to ta c'op a te Jesús, c'oht te Judas te ha slahchaytuhlul a te jnopojeletic, sjoc talel bayel winiquetic soc espadahetic soc ste'ic, ticombilic tal yu'un te principal sacerdotehetic soc mamaletic yu'un te pueblo.

San Lucas 22:47

Yac to ta c'op a te Jesús, hulic ta tahel yu'un bayel winiquetic. Ha j'ic'aw yu'unic te Judas sbihil, te jtuhl ta slahchaytuhlul te jnopojeletic; nohpoj tal ta stojol Jesús yu'un ya yuhts'uy.

San Lucas 22:3

Och Satanás ta yo'tan te Judas, te Iscariote yan sbihil, te ha jtuhl ta slahchaytuhlulic;

San Marcos 14:10

Te Judas Iscariote, te ha jtuhl ta slahchaytuhlulic, baht ta stojol te principal sacerdotehetic yu'un ya yac' ta c'abal te Jesús.

San Mateo 27:3

Hich te Judas, te ac'awan ta c'abal, c'alal la yil te chapalix sc'oblal ta milel te Jesús, la sut sc'op, baht sutbe hilel te lajuneb scha'winic (30) ta sehp plata te a'bot yu'un te principal sacerdotehetic soc te mamaletic,

Hechos 1:25

scuenta yu'un ya yich' ya'tel ta jpuc-c'op awu'un, te ha ch'ay yu'un te Judas ta scaj smul, yu'un ya xbaht ta lugar yu'un, xchihic.

Hechos 1:13

C'alal c'ohtic tey a, mohic bahel ta scha'cajal na ta banti ohlanemic te Pedro, Jacobo, Juan, Andrés, Felipe, Tomás, Bartolomé, Mateo, Jacobo te snich'an Alfeo, Simón te Zelote, soc Judas te snich'an Jacobo.

San Mateo 26:2

Ana'ojic te cha'bejix ay te Q'uin Pascua, soc ya x'ac'otix ta c'abal te Nich'anil ay ta scuenta winic yu'un ya yich'ix milel ta cruz, xchi.

San Mateo 26:15

hich la yal: ¿Bin yac awa'bonic a teme ya ca'beyex ta ac'abic te Jesús? xchi c'ohel. La yahtaybeyic lajuneb scha'winic ta sehp plata.

San Juan 6:64

Pero ay cha'oxtuhlex te ma ba yac ach'uhunic, xchi (como ta shahchibal to tal sna'oj te Jesús mach'atic a te ma ba ya sch'uhunic soc mach'a a te ya x'ac'ot ta c'abal yu'une).