San Mateo 10:26 - Bible in Tzeltal Bachajón

²⁶ Ha yu'un ma me xaxi'ic; como mayuc bin mucul te ma ba ya yich' chicnajtesel, mayuc bin muquen te ma ba ya xna'ot.

Nuevo Testamento Tzeltal de Amatenango

²⁶ “Jaꞌ yuꞌun maꞌ me xiꞌanik yuꞌun te genteetike. Jich maꞌyuk tut nakꞌal te ma xchiknaje, sok maꞌyuk tut mukul te ma xꞌakꞌot ta naꞌel sluwarile.

Bible in Tzeltal de Oxchuc y Tenejapa

²⁶ “Jich yu'un ma me x'axi'ic te j'uts'inwanejetique, melel ma'yuc bila nac'al te ma xyich' chicnantesele, soc ma'yuc bila muquen te ma x'ac'ot ta na'el stojole.

San Mateo 10:26 Referans Kwoze

San Lucas 8:17

Como mayuc bin mucul te ma ba ya xchicnaj ta patil; soc mayuc bin nac'al te ma ba ya xna'ot soc te ya xloc' tal ta sacal q'uinal.

Jeremías 1:8

Ma me xiwat ta stojolic, como joquinejat yu'un ya jcoltayat, xchi te Jehová.

San Marcos 4:22

Mayuc bin muquen te ma ba ya yich' chicnajtesel, mayuc bin nac'bil te ma ba ya xloc' ta sacal q'uinal.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

Proverbios 28:1

Te mach'a chopol yo'tan ya x'ahn bahel aunque mayuc mach'a ya xnutsot yu'un; yan te mach'a toj yo'tan, jun yo'tan ay hich te bin ut'il choj.

1 Pedro 3:14

Pero teme ay ya xc'ax awocolic ta scaj te bin stojil yac apasic, bayel me awutsilic yu'un. Ha yu'un ma xaxi'ic te bin ya xhu' ya spasbeyex, soc ma me xna'non awo'tanic yu'un.

Ezequiel 2:6

Pero ha'at snich'anat winic, ma xaxi' soc ma xaxi'be te sc'opique. Aunque ayat ta yohlil ch'ixiletic soc ch'ix, soc aunque nahinemat ta yohlil tsequetic, ma xaxi' te bin ya yalbat soc ma xiwat ta stojolic, como ha toyba pueblo.

Proverbios 29:25

Te xiwel ta stojol ants-winiquetic, ha yaquil c'ohem, yan te mach'a ha smuc'ulinej yo'tan te Jehová, canantaybil stuquel.

Hechos 4:19

Pero la sjaq'uic te Pedro soc Juan: Nopa awa'iyic teme ha toj ta pasel ta stojol Dios teme ya jch'uhuncotic spasel te bin yac awalic te ha'exe o teme ha ya jch'uhuncotic spasel bin ya yal te Diose,

Hechos 1:8

pero ya me awich' awu'elic te c'alal ya xtal ta atojolic te Ch'ul Espíritu; testigo ya xc'ohex cu'un ta Jerusalén, ta spisil Judea, Samaria, soc c'alal ta sti'il bahlumilal, xchi sc'oblalic.

Hechos 4:13

C'alal la yilic te ay bayel yip yo'tan te Pedro soc Juan, xcham yo'tanic yu'un, como sna'ojic te mayuc yich'ojic p'ijubtesel soc hich nax ayic; la sna'ic te la sjoquinic te Jesús.

San Lucas 24:47

soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

Proverbios 10:9

Te mach'a toj ya xbehen, jun yo'tan ya xbehen, yan te mach'a st'unoj chopol be, ya me xpehc'anot.

Eclesiastés 12:14

Como Dios ya sc'ambe cuenta yu'un spisil a'tel, soc ha nix hich spisil bintic muquen pasbil, teme lec o teme ma lecuque.