San Mateo 10:22 - Bible in Tzeltal Bachajón

²² Ya me yihlayex spisilic ta scaj te jbihile, pero te mach'a jun yo'tan ya xhil c'alal ta slajibal, ya me xcol stuquel.

Nuevo Testamento Tzeltal de Amatenango

²² Ya me spꞌajex spꞌejel te genteetike yuꞌun te achꞌuunejikone. Te machꞌa ya xkujch yuꞌun kꞌalal ta slajibal kꞌaale, ya me xkol.

Bible in Tzeltal de Oxchuc y Tenejapa

²² Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

San Mateo 10:22 Referans Kwoze

San Mateo 24:13

Pero te mach'a ya xcuhch yu'un c'alal ta slajibal, ha me ya xcol stuquel.

Santiago 1:12

Bayel me yutsil te mach'a ya xcuhch yu'un swocol ta tsajel, como teme cuhch yu'une, ya me x'a'bot yich' te corona yu'un cuxlejal te yaloj Dios ya yich'ic te mach'atic c'ux ya ya'iy ta yo'tanic.

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

San Marcos 13:13

Ya me yil-o'tantayex spisil ants-winiquetic ta jcuenta; pero te mach'a ya xcuhch yu'un c'alal ta slajibal, ya me xcol.

San Mateo 10:39

Te mach'a c'ux ya ya'iy te scuxlejal, ya me xch'ay scuxlejal; yan te mach'a ya xch'ay te scuxlejal ta jcuenta, ha me ya sta stuquel.

1 Juan 3:13

Quermanotac, ma me jchahpuc xawa'iyic a teme ya yil-o'tantayex te mach'atic ayic ta scuenta te bahlumilale.

San Mateo 24:9

Ya me yaq'uex ta c'abal scuenta uts'inel, ya smilex soc yac awich'ic ihlayel yu'un spisil ants-winiquetic ta scaj te jbihile.

Romanos 2:7

ya x'a'bot scuxlejalic scuenta sbahtel q'uinal te mach'atic yo'tantayejic spasel bintic lec ta pasel yu'un yac slehbelic yutsilalic soc yich'elic ta muc' soc te ma xlajique;

Hebreos 6:11

Pero ha ya jc'ancotic te tuhlutuhlex hich nix yac awo'tantayic spasel c'alal to ta slajibal ora, scuenta yu'un hich me ya xc'oht ta acuentahic a te bin jun awo'tanic yac amahlibelic,

San Juan 17:14

La jcalbeyiquix te ac'ope, pero p'ajotic yu'un te bahlumilal, como ma ba ayic ta scuenta bahlumilal, hich te bin ut'il ma ba ayon ta scuenta te bahlumilale.

Gálatas 6:9

Ha yu'un ma me xluhbotic ta spasel te bin lec ta pasele, como ya me sta yorahil te ya jtsobetic sit, teme ma ba ya xpehc'aj co'tantique.

San Lucas 6:22

Bayel me awutsilic c'alal ya sp'ajex te ants-winiquetic, ya stenex loq'uel, ya yixta'c'optayex, soc ya yihlaybeyex abihilic ta scaj te Nich'anil ay ta scuenta winic.

2 Corintios 4:11

Como ho'otcotic te cuxulotcotic, spisil ora ac'bilotcotic ta lajel ta scaj te Jesús, scuenta yu'un ha nix hich ya xchicnaj te scuxlejal Jesús ta jbaq'uetalcotic te ay ta scuenta lajel.

San Mateo 5:11

Bayel me awutsilic teme ho'on ta jcuenta te ya yixta'c'optayex, ya yuts'inex, soc ya yalic spisil ta chahp c'opetic ta lot ta atojolic.

Apocalipsis 2:17

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be swe' te maná nac'bil, soc ya ca'be tut saquil ton te ts'ihbabil tey a te yach'il sbihil te mayuc mach'a ya sna', ha nax ya sna' stuquel te mach'a ya yich'e, xchi.

San Juan 7:7

Ma xhu' ya sp'ajex te mach'atic ayic ta bahlumilal, yan te ho'one ya sp'ajonic, yu'un jamal ya cal te ha chopol te ya'telique.

San Lucas 8:15

Yan te c'oht ta lequil lum, ha sc'oblal te mach'atic lec soc toj yo'tanic te ya sq'uej ta yo'tanic soc spisil ora ya yaq'uic sit.

Apocalipsis 3:21

Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Hebreos 3:14

como jun c'ohemotic soc Cristo teme quich'ojtic c'alal ta slajibal c'ahc'al te smuc'ul co'tantic te ay cu'untic ta shahchibal.

Apocalipsis 2:26

Te mach'a ya ya'iy tsalaw soc te ya ya'telin spasel te ca'tel c'alal ta slajibal, ya ca'be yich' ya'tel ta stojol te nacionetic;

Hechos 9:16

Ya ca'be sna' te ya me xc'ax bayel swocol ta scuenta te jbihile, xchi.

Apocalipsis 2:3

C'axem awocol soc cuhchem awu'un, tulan a'tejemat ta scuenta jbihil, soc ma ba luhbenat.

Proverbios 29:27

Te mach'a toj yo'tan ya yihlay te mach'a ma ba toj yo'tan, te mach'a chopol yo'tan ya yihlay te mach'a toj yo'tan.

San Lucas 21:17

Ya me awich'ic p'ajel yu'un spisilic ta scuenta jbihil,

San Lucas 21:19

Ta scuenta bin ut'il ya xcuhch awu'unic, hich ya xcol ach'uhlelic yu'un.