San Mateo 10:20 - Bible in Tzeltal Bachajón

²⁰ como ma ha'uquex te ya xc'opojex, ha ya xc'opoj ta acuentahic te Espíritu yu'un te Atatique.

Nuevo Testamento Tzeltal de Amatenango

²⁰ Jich te tut ya awale ma jaꞌukat akꞌop, jaꞌ ya xkꞌopoj ta awoꞌtanik te Espíritu yuꞌun te jTatike.

Bible in Tzeltal de Oxchuc y Tenejapa

²⁰ Melel ma ja'uc ya xc'opojex te ja'exe, ja' ya xc'opoj ta awo'tanic te Espíritu yu'un te Jtatique.

San Mateo 10:20 Referans Kwoze

Hechos 6:10

Pero ma ba hu' yu'unic stsalbeyel te sp'ijil yo'tan soc te Espíritu te ha c'opoj ta scuenta.

San Lucas 21:15

como ho'on ya ca'beyex sp'ijil awo'tanic ta c'op, te ma xhu' yu'un ya scomex soc te ya scontrac'optayex spisil te acontrataque.

San Lucas 12:12

como te Ch'ul Espíritu ya me ya'beyex ana'ic ta mero yorahil te bin ya sc'an yac awalique, xchi.

2 Samuel 23:2

Te espíritu yu'un Jehová c'opoj ta jcuenta, ay ta que te sc'ope.

2 Pedro 1:21

como te sc'op-jalwanejetic ma ba talem ta scuenta sc'anojel yo'tan ants-winic, ha cuentahinotic yu'un te Ch'ul Espíritu te winiquetic te hich c'opojic ta scuenta Dios.

Hechos 4:8

Te Pedro, nojel ta yo'tan te Ch'ul Espíritu, hich la yal: Jcuentahinwanejex yu'un te pueblo soc mamalex yu'un Israel:

Hechos 2:4

Ta spisilic noj ta yo'tanic te Ch'ul Espíritu, hahchic ta c'op ta yantic c'opiletic, ha chican bin c'opil ac'otic ta c'op yu'un te Espíritu.

2 Corintios 13:3

Hich yac awilic a teme melel ha nix te Cristo te yac ta c'op ta jcuenta, soc te ma ba peq'uel te yip ta atojolic, ay bayel yu'el ta atojolic.

1 Pedro 1:12

A'bot sna'ic te ma ha'uc ya xc'oht ta scuentahic, ha ya xc'oht ta acuentahic te ha'exe. La yalbeyic sc'oblal te bintic la awa'iyiquix yu'un te mach'atic la yalbeyex te lec yach'il c'op ta scuenta te Ch'ul Espíritu ticombil tal ta ch'ulchan. Ha nix hich te ch'ul a'batetic, yo'tanuc xyilic te bin yac ta halbeyel sc'oblale.

Hechos 28:25

Te bin ut'il ma ba jun sc'opic, c'alal hahchic bahel hich halbotic yu'un te Pablo: Melel nix a te bin halbot te jme'jtatic yu'un te Ch'ul Espíritu ta scuenta te jalwanej Isaías:

Hechos 13:9

Ha yu'un te Saulo, te Pablo yan sbihil, nojel ta yo'tan te Ch'ul Espíritu, la st'ojan sit yilbel,

San Lucas 11:13

Te ha'ex te chopol awo'tanic, teme yac ana'ic ya'beyel lequil mahtanil te awal-anich'anic, ¿ha'uc to balix a te Atatic ay ta ch'ulchan ya ya'be te Ch'ul Espíritu te mach'atic ya xc'ambot yu'une? xchi.

San Marcos 12:36

Como ha nix te David te hich la yal ta scuenta te Ch'ul Espíritu: Te Cajwaltic la yalbe te Cajwal: Huclan ta jwa'el-c'ab ha to c'alal ya ca'bat ta ye'tal awoc te acontrataque, xchi.

San Mateo 6:32

como ha ya slehic spisil ini te jyanlumetique, pero te Atatic te ay ta ch'ulchan sna'oj te ya xtuhun awu'unic spisil ini.

Éxodo 4:12

Ha yu'un bahan hiche, tey ayon a te ya xc'opojat soc ya ca'bat anop te bin yac awale, xchi.

1 Tesalonicenses 2:13

Ha yu'un spisil ora ya calbecotic wocol Dios, como te c'alal la awich'ic ta muc' te sc'op Dios te la jcalbeyexcotic, ma ba la awich'ic hich te bin ut'il sc'op winiquetic, hich la awich'ic te bin ut'il sc'op Dios, te melel ha nix a, te ha ya x'a'tej ta awo'tanic ha'ex te ach'uhunejique.