San Mateo 10:17 - Bible in Tzeltal Bachajón

¹⁷ Tsahtaya me abahic ta stojol te winiquetic, como ay me ya yaq'uex ta sc'ab mach'atic ay ya'telic ta chahpanwanej, soc ay me ya yaq'uex ta majel ta sinagogahetic yu'unic.

Nuevo Testamento Tzeltal de Amatenango

¹⁷ Ila me abaik yuꞌun te genteetike, yuꞌun ya me yakꞌex ta skꞌab te juꞌeletike, sok ya me awichꞌik majel ta sinagogaetik,

Bible in Tzeltal de Oxchuc y Tenejapa

¹⁷ Tsajtaya me abaic ta stojol te ants-winiquetique, melel ya me yaq'uex ta sc'ab te muc'ul tsobleje, soc ya me yac'beyex castigo ta sinagogaetic,

San Mateo 10:17 Referans Kwoze

San Marcos 13:9

Tsahtaya me abahic; ya me x'ac'otex ta stojol jchahpawanejetic soc yac awich'ic majel ta sinagogahetic; ya xtehc'anotex ta stojol gobernadoretic soc ta stojol ajwaliletic ta ho'on jcuenta, yu'un testigohetic ya xc'ohex cu'un ta stojolic.

San Mateo 23:34

Ha yu'un ya jticombeyex jalwanejetic, p'ijil winiquetic soc jp'ijubteswanejetic; ay me yac amilic, ay me yac ajihpanic ta cruz, ay me yac amajic ta sinagogahetic awu'unic soc ay me yac anutsic bahel ta jujun pueblo.

Hechos 26:11

Bayel buelta la jcac'ticlambe castigo ta spisil sinagogahetic, soc la jsujticlan ta sbohlc'optayel Dios; c'ax c'ahc'ubon ta scontrahinel, ay nix bohon ta yuts'inlanel ta pueblohetic yu'un jyanlumetic.

San Juan 16:2

Ya me stenex loq'uel ta sinagogahetic; soc ya me sta yorahil te ya scuyic te yac spasbelic ya'tel Dios te mach'atic ya smilex.

San Lucas 12:11

Te c'alal ya yiq'uex bahel ta sinagogahetic soc ta stojol ajwaliletic soc mach'atic ay ya'telic, ma me xana'ulan ta awo'tanic bin ut'il yac acoltay abahic o bin yac awalic,

San Mateo 5:22

Pero ho'on ya calbeyex, mach'ayuc a te ya yilintay te yermano, ya me x'ich'ot ta c'op yu'un smul; soc mach'ayuc a te hich ya yalbe te yermano: Bohlat, te xchihe, ya me yich' chahpanel ta stojol te Sanedrín. Soc mach'ayuc a te hich ya yalbe te yermano: Sonsohat, te xchihe, quechel ta bahel ta c'ahc' ta infierno.

Hechos 22:19

La jcalbe: Cajwal, sna'ojic te ta spisil sinagogahetic la jcotseslan ta cárcel soc la jmajticlan te mach'atic sch'uhunejat.

Miqueas 7:5

Ma xach'uhumbe sc'op te apat-axuhc, ma me smuc'ulin awo'tan te mach'a jun awo'tan aba soc; tsahtaya aba ta stojol te mach'a ya xway ta ats'ehl, ma me ayuc bin yac awal.

Hebreos 11:36

Ay yantic la yich'ic bohlc'optayel soc majel; soc xan ay la yich'ic chuquel ta cadena soc otsesotic ta cárcel.

2 Timoteo 4:15

Ha nix hichat tsahtaya me aba ta stojol, como bayel scontrahinej te bin la jcaltique.

Filipenses 3:2

Tsahtaya me abahic yu'un te ts'i'etic, tsahtaya me abahic yu'un te chopol j'a'teletic, tsahtaya me abahic yu'un te mach'atic ya yehchentesic baq'uet.

San Juan 11:47

Ha yu'un te principal sacerdotehetic soc te fariseohetic la stsobic te jchahpanwanejetic, hich la yalic: ¿Bin ya cutic? como bayel señahiletic yac spasticlambel te winique.

San Marcos 13:12

Te banquilal ya me yac' ta milel yihts'in, te tatil ya yac' ta milel te snich'ane; soc ay al-nich'anetic te ya xhahch scontrahinic sme'static soc ya me smilic.

San Mateo 26:59

Te principal sacerdotehetic, te mamaletic soc spisil te Sanedrín la slehic lotil testigo-c'op ta scontra te Jesús yu'un ya yaq'uic ta milel,

Hechos 17:14

Pero te yermanotac ora la sticonic bahel te Pablo ta ti'mar; yan te Silas soc te Timoteo hilic ta Berea.

San Mateo 20:19

Ya ya'beyic ta sc'ab jyanlumetic yu'un ya slabanic, ya smajic soc ya smilic ta cruz; pero ta yoxebal c'ahc'al, ya me xcha'cuxaj, xchi.

San Mateo 10:18

Soc ay ya xtehc'anotex ta stojol gobernadoretic soc ajwaliletic ta jcuenta, scuenta testigo ya xc'ohex cu'un ta stojolic soc ta stojol te jyanlumetique.

Hechos 9:2

la sc'an bahel cartahetic ta sinagogahetic ta Damasco, scuenta yu'un teme ya sta winic o ants te ay ta scuenta te Be ini, ya yic'ticlan talel ta chuquel ta Jerusalén.