San Mateo 10:15 - Bible in Tzeltal Bachajón

¹⁵ Jamal ya calbeyex, ta yorahil ich'el ta c'op peq'uel xan castigo ya yich' te Sodoma soc Gomorra te bin ut'il ya yich' ha'i pueblo ini.

Nuevo Testamento Tzeltal de Amatenango

¹⁵ Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

Bible in Tzeltal de Oxchuc y Tenejapa

¹⁵ Jamal ya calbeyex, ya me sta yorail yu'un Dios te ya yilbey te yat'elique. C'ax jich castigo ya x'ac'bot yich' stuquelic a te bit'il castigo la yich' te lum Sodoma soc te lum Gomorrae.,

San Mateo 10:15 Referans Kwoze

2 Pedro 2:6

Soc la ya'be castigo te pueblohetic Sodoma soc Gomorra, jc'axel la yac' tanubuc ta c'ahq'uel, ha yich'oq'uehl c'oht te mach'atic ya spasulanic te bintic chopole.

1 Juan 4:17

Ts'acal c'ohem ta co'tantic te c'uxul-o'tanil scuenta yu'un ay smuc'ul co'tantic ta yorahil ich'el ta c'op, como li' ta bahlumilal hich ayotic te bin ut'il ay stuquel te Diose.

2 Pedro 3:7

Yan te ch'ulchan soc bahlumilal te ay ta ora ini, ha nix ta scuenta te sc'op Dios quechel te ya xlajic ta c'ahc', ha quechelic yu'un te yorahil ich'el ta c'op soc sjinel te chopol ants-winiquetique.

2 Pedro 2:9

Te Cajwaltic ya sna' scoltayel loq'uel ta sujel te mach'atic jun yo'tanic ta stojol Dios, soc ya sna' sq'uejel te mach'atic ma tojuc bin ya spasic yu'un ya yich'ic castigo c'alal ya sta yorahil ich'el ta c'op;

San Marcos 6:11

Teme ay banti ma sc'an ya yiq'uex soc te ya ya'iybeyex ac'opic, loc'anic bahel tey a, tihtinahic hilel slumil awoquic scuenta testigo-c'op ta stojolic. Jamal ya calbeyex, ta yorahil ich'el ta c'op yu'un mulil, c'ax hich castigo ya yich' a te pueblo te bin ut'il te castigo ya yich' te Sodoma soc Gomorra, xchi.

San Mateo 12:36

Ya calbeyex te spisil c'op te mayuc stuc te ya yalic te ants-winiquetic ya me xc'ohtic ta ich'el ta c'op yu'un ta yorahil chahpanel.

San Mateo 5:18

Como jamal ya calbeyex, ha to teme ya xch'ay bahel te ch'ulchan soc te bahlumilal, ma ba ya xch'ay ta Ley junuc jota o junuc punto ha to c'alal ts'acal ya xc'oht ta pasel spisil.

San Mateo 7:22

Ta hich ora ay me tsobol mach'atic hich ya yalbonic: Cajwal, Cajwal, ¿yu'un bal ma ba la jpucbatcotic ta halel ac'op ta scuenta abihil, soc ta scuenta abihil la jloq'ueslancotic pucujetic, soc ta scuenta abihil la jpasticlancotic jchahp a'teliletic? xchihic me ta jtojol.

San Juan 6:39

Te bin ya sc'an yo'tan te Jtat te la sticonon tal, ha te spisil mach'a ya ya'bon ta jcuenta ma me xch'ay cu'un jtuhluc, ha ya jcha'cuxajtes ta slajibal c'ahc'al.

San Juan 6:40

Hich ay te bin ya sc'an yo'tan te mach'a la sticonon tal: ha te ayuc scuxlejal sbahtel q'uinal spisil te mach'a ya yil te Nich'anil soc ya sch'uhun; soc ya jcha'cuxajtes ta slajibal c'ahc'al, xchi.

San Juan 12:48

Te mach'a ya sp'ajon soc te ma ba ya yich'bon ta cuenta te jc'ope, ay bin ya x'ich'ot ta c'op yu'un: ha te jc'op te caloje, ha ya x'ich'bot sc'op yu'un ta slajibal c'ahc'al.

Hechos 17:31

yu'un schapoj jun c'ahc'al te stojil ya yich' ta c'op te bahlumilal ta scuenta te winic te tsahbil yu'une. Ha la ya'be sna'ic spisil ants-winiquetic ta scuenta te la scha'cuxajtes tal ta lajel, xchi.

1 Corintios 3:13

ya me xchicnaj bin yilel ya'tel ta jujutuhl, como ya me xchicnaj ta yorahil, ta scuenta c'ahc' ya xchicnaj; ya me yich' tsajel ta c'ahc' te ya'tel jujutuhl.

1 Tesalonicenses 5:4

Yan te ha'exe, quermanotac, ma ba ayex ta yihc'al q'uinal, yu'un te ch'ayal awo'tanic a ya xtal sc'ahc'alel hich te bin ut'il j'elec'.

Hebreos 10:25

ma me jquehchantic te ya jtsobilan jbahtic, hich te bin ut'il ay c'ahyemic ta spasel, talel c'axel ac'a jtsits jbahtic; soc c'axuc hich ay sc'oblal awu'unic a, te bin ut'il yac awilic te yac ta talel te yorahil ya xtal te Cajwaltique.

Judas 1:6

Ha nix hich te ch'ul a'batetic te ma ba la scanantayic te ya'tel yich'ojic, la yihquitayic hilel te yawilic, ha q'uejbilic yu'un Dios ta yihc'al q'uinal, stalel chuculic ha to ta yorahil ich'el ta c'op ta smuc'ul c'ahc'alel.

Judas 1:7

Hich te bin ut'il te Sodoma soc Gomorra soc te pueblohetic ta sjoyobal, ha nix hich la ya'iyic chijil-o'tanil soc la spasic te bin ya scontrahin te stalel te baq'uete. Yich'oq'uehlic c'oht te bin ut'il c'ax swocolic yu'un castigo ta c'ahc' sbahtel q'uinal.