San Mateo 10:14 - Bible in Tzeltal Bachajón

¹⁴ Teme ay mach'a ma ba ya yiq'uex ochel soc teme ma ba ya sc'an ya ya'iybeyex te ac'opique, loc'anic bahel ta na o ta pueblo tey a, soc tihtina hilel slumil awoquic.

Nuevo Testamento Tzeltal de Amatenango

¹⁴ Teme maꞌ skꞌan a snajkanexe, sok teme maꞌ skꞌan a yaꞌiybeyex sluwar te akꞌopike, lokꞌanik tel te ba snae, o lokꞌanik bael te ba jtejklume. Tijtina jilel te stanil awokike.

Bible in Tzeltal de Oxchuc y Tenejapa

¹⁴ Teme ay mach'a ma la sc'an yiq'uex ta snae, soc teme ma la sc'an yaiybeyex stojol ac'opique, loc'anic tel ta sna, o ja' te lume. Tijt'ana jilel te stanul awacanique.

San Mateo 10:14 Referans Kwoze

Hechos 18:6

Pero te judíohetic la smaquic ta c'op te Pablo soc la yixta'c'optayic, hich te Pablo la slihlin sc'u' spac' te slapoj soc la yalbe: Ac'a c'ohtuc ta ajolic te ach'ich'elique. Mayuquix ta jcuenta; yo'tic ya xbohonix ta stojol te jyanlumetique, la yut.

Nehemías 5:13

Soc la jlihlin jc'u', hich la jcal: Hich ac'a yich' lihlinel loq'uel yu'un Dios ta sna soc ta ya'tel te mach'atic ma ba ya yac' c'ohtuc ta pasel ini; hich ac'a yich' lihlinel soc jocholuc ya xhil, xchihon. Hichuc, xchihic spisil te pueblo. Hich la yalbeyic yutsil sc'oblal te Jehová; soc te pueblo la spasic te bin la yalic ta jamal.

Hechos 13:51

Ha yu'un la stihtinic hilel slumil yoquic ta scontrahic, bahtic ta Iconio.

San Lucas 9:5

Te banti ma ba ya x'ic'otex, loc'anic bahel ta pueblo tey a soc tihtinahic hilel slumil awoquic scuenta testigo ya xc'oht ta stojolic, xchi.

San Marcos 6:11

Teme ay banti ma sc'an ya yiq'uex soc te ya ya'iybeyex ac'opic, loc'anic bahel tey a, tihtinahic hilel slumil awoquic scuenta testigo-c'op ta stojolic. Jamal ya calbeyex, ta yorahil ich'el ta c'op yu'un mulil, c'ax hich castigo ya yich' a te pueblo te bin ut'il te castigo ya yich' te Sodoma soc Gomorra, xchi.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

San Juan 13:20

Tulan sc'oblal ya calbeyex, te mach'a ya yich' ta cuenta te mach'a ticombil cu'une, ho'on me la yich'on ta cuenta abi; soc te mach'a la yich'on ta cuenta, ha la yich' ta cuenta te mach'a la sticonon tale, xchi.

San Marcos 9:37

Te mach'a ho'on ta jcuenta te ya yic' jtuhluc alal hich te bin ut'il ha'i alal ini, ho'on ya yic'on abi; soc te mach'a ya yic'on te ho'one, ma ho'ucon ya yic'on, ha ya yic' te mach'a la sticonon tale, xchi.

San Mateo 18:5

Soc mach'ayuc a te ta scuenta jbihil ya yic' jtuhluc alal hich te bin ut'il te alal ini, ho'on me la yic'on abi.

San Lucas 9:48

hich la yalbe ya'iyic: Mach'ayuc a te ya yic' ha'i alal ini ta scuenta jbihil, ho'on me la yic'on abi; soc mach'ayuc a te ya yic'on te ho'one, ha me la yic' a te Mach'a sticonejon tale. Como te mach'a peq'uel ay awu'unic ta apisilic, ha me muc' stuquel, xchi.

San Mateo 10:13

Teme lec yo'tan te yajwal na, ya me xc'oht ta stojol te lamal q'uinal awu'unique; yan teme ma ba lec yo'tan, ya me suht tal ta atojolic te lamal q'uinal awu'unique.