San Mateo 1:23 - Bible in Tzeltal Bachajón

²³ Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

Nuevo Testamento Tzeltal de Amatenango

²³ “Ay jtul soltera achꞌix ay me tut ya sta, ya me xꞌayin chꞌin yal. Te sbiil ya xkꞌot awuꞌunike: Emanuel”, xchi me. Te tutꞌil Emanuel xchi te sbiile, “Sjoyinejotik te Diose”, xchi kꞌoem.

Bible in Tzeltal de Oxchuc y Tenejapa

²³ “Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

San Mateo 1:23 Referans Kwoze

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

Salmos 46:11

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

Isaías 12:2

Ha jcoltaywanej te Diose; ha smuc'ulinej co'tan, ma xiwon; como ha ahnibal cu'un soc ha c'ayojil cu'un te Jehová, ha jcoltaywanej cu'un, xchihex.

Salmos 46:7

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

2 Timoteo 4:22

Te Cajwaltic Jesucristo ac'a sjoquimbat te espíritu awu'un. Ac'a sjoquinex te yutsil-o'tanil. Hichuc.

Romanos 9:5

Ha yu'unic te namey tatiletic, soc ta scuenta ch'ich'-baq'uet tey talem a te Cristo, te ha Dios yu'un spisil bintic ay, te stalel ay ta ich'el ta muc'. Hichuc.

2 Corintios 5:19

Como te Dios, ta scuenta Cristo, la yac' te junuc yo'tan sbahic ya xc'oht soc Dios te ants-winiquetic, ma ba ich'bot ta cuenta te smulique, soc la ya'botic ca'teltic ta yalel bin ut'il jun yo'tan sbahic ya xc'ohtic soc Dios.

Hechos 18:9

Ta ahc'abal te Pablo hich halbot yu'un Cajwaltic ta snahalsit: Ma me xiwat, c'opojan, ma me xacom aba,

2 Timoteo 4:17

Pero ay ta jts'ehl te Cajwaltic soc la ya'bon quip, scuenta yu'un hich ts'acal la yich' halel te Sc'op Dios ta jcuenta, yu'un hich me ya ya'iyic spisil a te jyanlumetique. Hich colon ta ye jti'awal choj.

San Mateo 1:24

Te José, c'alal cux yo'tan yu'un te swayich, hich la spas te bin ut'il halbot yu'un te ch'ul a'bat yu'un te Cajwaltic, la yic' yihnamin te María.

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

San Lucas 20:44

Te David ya yal: Cajwal, xchi; ha yu'un ¿bin ut'il ay a te ha snich'an? xchi te Jesús.