San Mateo 1:20 - Bible in Tzeltal Bachajón

²⁰ Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

Nuevo Testamento Tzeltal de Amatenango

²⁰ Te kꞌalal jich snopoj spasix ae, ta xwayuch la yil jtul chꞌul ángel yuꞌun te Kajwaltike. Jich a albot yuꞌun: —Jose, te stsꞌumbalat te jDavide, ma me xiꞌan te ya awikꞌ awinamin te xMariae. Yuꞌun te xchꞌin yal te yikꞌoje jaꞌ ta skuenta te Chꞌul Espiritue.

Bible in Tzeltal de Oxchuc y Tenejapa

²⁰ Te c'alal jich snopojix a te jich c'an spase, ta swaich chicnaj la yil jtul ch'ul abat yu'un te Cajwaltique. Jich albot yu'un: —José, te sts'umbalat Davide, ma x'axi' te ya awic' awinamin te Mariae, melel te bit'il ay yale, ja' ta swenta te Ch'ul Espiritue.

San Mateo 1:20 Referans Kwoze

San Lucas 1:19

La sjac' te ch'ul a'bat: Ho'on Gabrielon te teq'uelon ta stojol te Diose, soc ticombilon yu'un ya calbat te lequil ach' c'op ini.

San Mateo 1:18

Te bin ut'il ayin te Jesucristo, hich ay: C'alal macbil yu'un José te María te snan te Jesús, c'alal ma to ba yic'oj a, chicnaj te hahchemix yal ta scuenta te Ch'ul Espíritu.

San Mateo 2:19

C'alal chamix a te Herodes, te ch'ul a'bat yu'un Cajwaltic la yac' sba ta ilel ta swayich te José ta Egipto,

Joel 2:28

Ta patil ya jmal cohel te Espíritu cu'un ta stojol spisil ants-winiquetic, ya me yalic sc'op-jalwanej te aquerem-nich'nabic soc te awantsil-nich'nabic; te mamaletic awu'unic ay bin ya swayichtayic, soc te queremetic awu'unic ya me yilic nahalsitiletic.

San Lucas 2:4

Hich te José loc' hahchel ta Nazaret ta sq'uinal Galilea, mo bahel ta Judea, ta pueblo yu'un David, te Belén sbihil, como ha sts'umbal soc ha patil al-nich'anil yu'un David.

San Mateo 28:5

Pero te ch'ul a'bat hich la yalbe te antsetic: Ma xiwex, jna'oj te yac alehic te Jesús te laj ta cruz.

Isaías 26:3

Ha'at yac awac' te lamal q'uinal ya ya'iy te mach'a spisil ora yac sna'belat, como ha smuc'ulinejat yo'tan.

Jueces 13:3

Chicnaj ch'ul a'bat yu'un Jehová ta stojol te ants, hich la yalbe: Te ha'ate, jma'alat, mayuc ayinem awal; pero ya me xhahch awal, ya me x'ayin aquerem-al.

Génesis 31:11

Ta jwayich la sc'oponon te ch'ul a'bat yu'un Dios: Jacob, xchi. Hich la jac'be sc'op: Li' ayoni, xchihon.

San Mateo 2:22

Pero te c'alal la ya'iy te ha Arquelao te la sjelolin ta ajwalil ta Judea te Herodes te state, la xi' te ya xbaht tey a. Pero ta swayich a'bot sna', hich baht ta sq'uinal Galilea,

Salmos 143:8

A'bon ca'iy ta sahb te sc'uxul awo'tan, como ha'at smuc'ulinejat co'tan. A'bon jna' te be te banti ya sc'an ya xbehenon, yu'un ya jtoy mohel jch'uhlel ta atojol.

Salmos 119:125

Ho'on a'baton awu'un, a'bon sp'ijil co'tan yu'un hich ya jna' te mandariletic awu'une.

Salmos 94:19

Te c'alal ay bayel bintic ya xc'opoj co'tan yu'un, te smuc'ubtesel-o'tanil awu'un la ya'bon stse'elil co'tan.

San Mateo 2:13

Te c'alal suhtemiquix bahel a te p'ijil winiquetic, te ch'ul a'bat yu'un Cajwaltic chicnaj ta swayich te José, hich la yalbe: Hahchan, ic'a bahel te alal soc te snan, ahnan bahel ta Egipto. Tey me ya x'ayinex a ha to c'alal ya calbat. Como te Herodes ya me sle te alal yu'un ya smil, xchi sc'oblal.

Jeremías 33:26

hich ya sp'aj co'tan te sts'umbal Jacob soc David te a'bat cu'un, yu'un ma ba ya jtsa te sts'umbal David te ha ya scuentahin te sts'umbal Abraham, Isaac soc Jacob. Ya me cac' suhtuc te jchuqueletic yu'unic soc ya me jc'uxultay, xchi.

Isaías 30:21

Teme ya xbahat ta wa'el o ta q'uexam, ya me awa'iy c'op ta apat te hich ya yalbat: Ha te be ini, t'una me, xchi.

Proverbios 12:5

Te mach'a toj yo'tan, ha toj te bin snopoj ta yo'tan, pero ha lo'loywanej te bin ya yac' ta na'el te mach'atic chopolic.

1 Reyes 17:13

Hich halbot yu'un te Elías: Ma xiwat. Bahan, chahpana te bin la awalixe. Pero ha nahil pasbon jpehchuc tut pimil pan a te harina ay awu'un, ich'bon tal, patil yac apas te awu'un soc yu'un te awale.

Jeremías 40:9

Te Gedalías snich'an Ahicam, snich'an Safán, hich la yal ta jamal ta stojolic soc te swinictac: Ma me xaxi' te yac awac' abahic ta a'batinel yu'un te caldeohetique. Nahinanic ta lumq'uinal, ac'a abahic ta a'batinel yu'un te ajwalil yu'un Babilonia, hich me lec ya xc'ohex a.

Jeremías 31:22

¿Jayeb xan c'ahc'al te ya xhowiyat ta behel, ach'ix te ma junuc awo'tan? Como te Jehová spasojix te bin yach'il ta bahlumilal: jtuhl ants ya smac jtuhl winic, xchi.

Isaías 51:7

A'iybon awa'iyic, ha'ex te yac ana'ic te bin stojil ta pasel, pueblohex te ay ta awo'tanic te ley cu'une. Ma me xaxi'ic te bin ya yalbeyex ta utel te ants-winiquetic, ma me xpehc'aj awo'tanic yu'un te labanel yu'unique.

Números 12:6

Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

Génesis 46:3

La yal te Diose: Ho'on Dioson, te Dioson yu'un te atate. Ma me xaxi' te ya xcohat bahel ta Egipto, yu'un tey ya cac' a te muc'ul nación ya xc'ohat.

Isaías 7:2

C'oht c'op ta stojol te sts'umbal David, hich halbot: Te Siria schapoj sc'op soc Efraín, xchi. Ha yu'un te ajwalil soc te pueblo yu'un hahchic ta nihquel hich te bin ut'il ya xyuc'ot ta ic' te te'etic ta ha'mal.

Isaías 7:13

Ha yu'un hich la yal te Isaías: A'iya me awa'iy ta ora, sna David: ¿Ma bal tic'uc yac awa'iy a te yac awuts'in te ants-winiquetic, ya bal awuts'in ec te Dios cu'une?

1 Reyes 3:5

Ay jun ahc'abal ta Gabaón te chicnaj Jehová ta stojol Salomón ta swayich, hich halbot yu'un: C'ambon te bin yac ac'an, ho'on ya ca'bat, xchi sc'oblal.

San Mateo 2:12

Pero a'bot sna'ic ta swayichic te manchuc ya suhtic ta stojol Herodes. Ha yu'un yanix be a te banti suhtic bahel ta slumalique.

San Mateo 27:19

Te c'alal hucul ta chahpajibal te Pilato, ticombot ta halbeyel yu'un te yihnam: Ma me ayuc bin xapasbe te mach'a toj yo'tan, como te naxe c'ax bayel jwocol la jca'iy ta jwayich ta scuenta te winique, xchi.

Hechos 5:19

Pero te ch'ul a'bat yu'un te Cajwaltic la sjam ta ahc'abal te puertahetic yu'un te cárcel, la yic'ticlan loq'uel, hich la yalbe:

Apocalipsis 19:7

Bayeluc me yutsil co'tantic, tse'eluc me co'tanic soc ac'a calbetic yutsil sc'oblal, como c'ohtix yorahil te ya xnuhpun te Jcolel Tuminchij, soc la schahpanix sba te mach'a ya xnuhpun soque.