San Lucas 9:48 - Bible in Tzeltal Bachajón

⁴⁸ hich la yalbe ya'iyic: Mach'ayuc a te ya yic' ha'i alal ini ta scuenta jbihil, ho'on me la yic'on abi; soc mach'ayuc a te ya yic'on te ho'one, ha me la yic' a te Mach'a sticonejon tale. Como te mach'a peq'uel ay awu'unic ta apisilic, ha me muc' stuquel, xchi.

Nuevo Testamento Tzeltal de Amatenango

⁴⁸ Jich a yaltalanbe: —Te machꞌa ya yikꞌ ta sna jich tut alal to, teme joꞌon ta jkuentae, joꞌon a yikꞌon abi. Y te machꞌa ya yikꞌon ta snae, jaꞌ a yikꞌix ta sna euk te machꞌa la stikonon tale. Jaꞌ yuꞌun te machꞌa chꞌin ay ta awolilike, jaꞌ me mukꞌ stukel —xchi te Jesuse. Te machꞌa makꞌ skontrainotike, joytik me abi —xchi.

Bible in Tzeltal de Oxchuc y Tenejapa

⁴⁸ Jich la yal: —Te mach'a jo'on ta jwenta te ya yic' ta stojol jtuluc alal jich bit'il in to, jo'on la yic'onix abi. In te mach'a ya yic'on ta stojole, ja' la yiq'uix uuc te mach'a la sticunon tele. Jich yu'un te mach'a peq'uel ay ta awolilique, ja' me muc' stuquel —xi' te Jesuse.

San Lucas 9:48 Referans Kwoze

San Lucas 14:11

Como spisil te mach'a ya yac' sba ta ich'el ta muc', ya me yich' pehc'anel, yan te mach'a peq'uel ya yac' sba, ha me ya xtohytesbot sc'oblal stuquel, xchi.

1 Pedro 5:6

Ha yu'un pehc'ana me abahic ta stojol sc'ab Dios te bayel yu'el, scuenta yu'un ha ya stoybeyex ac'oblalic te c'alal ya sta yorahil yu'une.

San Lucas 22:26

Pero ma me hichuquex te ha'exe; te mach'a muc' ta awohlilic, hichuc me te bin ut'il ihts'inal, soc te mach'a jpasaw ta mandar, hichuc me te bin ut'il mach'a ay ta a'batinel.

San Juan 13:20

Tulan sc'oblal ya calbeyex, te mach'a ya yich' ta cuenta te mach'a ticombil cu'une, ho'on me la yich'on ta cuenta abi; soc te mach'a la yich'on ta cuenta, ha la yich' ta cuenta te mach'a la sticonon tale, xchi.

San Lucas 10:16

Te mach'a ya ya'iybeyex ac'opic, ho'on me ya ya'iybon jc'op abi; te mach'a ya sp'ajex, ho'on me ya sp'ajon; soc te mach'a ya sp'ajon, ha ya sp'aj te mach'a la sticonon tale, xchi.

Apocalipsis 3:21

Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

San Juan 14:21

Te mach'a yich'oj te mandariletic cu'un soc te ya sch'uhun spasel, ha me te c'uxon ta yo'tan abi. Te mach'a c'uxon ta yo'tan, c'ux me ya x'a'iyot yu'un te Jtate, soc ha nix hichon, c'ux me ya ca'iy ta co'tan soc ya cac' jba ta na'el yu'un, xchi.

San Lucas 22:30

scuenta yu'un ya xwe' x'uch'ex ta mesa cu'un ta banti ayon ta cuentahinwanej soc ya xhuhcajex ta muc'ul huctajibaletic ta schahpanel te lahchaychahp yu'un Israel, xchi.

San Lucas 7:28

Ya calbeyex, ta spisil te mach'atic alataybilic yu'un antsetic, mayuc muc' xan jalwanej te bin ut'il Juan J'ac'-ich'-ha'. Pero te mach'a peq'uel ay ta banti ay te cuentahinel yu'un Dios, ha toyol yu'un, xchi.

San Marcos 9:37

Te mach'a ho'on ta jcuenta te ya yic' jtuhluc alal hich te bin ut'il ha'i alal ini, ho'on ya yic'on abi; soc te mach'a ya yic'on te ho'one, ma ho'ucon ya yic'on, ha ya yic' te mach'a la sticonon tale, xchi.

San Mateo 25:45

Hich me ya xhalbotic: Jamal ya calbeyex, te bin ut'il ma ba la apasbe te mach'a mero peq'uel ay, ho'on ma ba la apasbonic abi, xchi me sc'oblalic.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Mateo 19:28

Halbotic yu'un te Jesús: Jamal ya calbeyex, te c'alal ya yich' ach'ubtesel spisil, te c'alal ya xhuhcaj te Nich'anil ay ta scuenta winic ta smuc'ul-huctajib yu'un te yutsilal, ha'ex te at'unojonic ya me xhuhcajex ta lahchayeb (12) huctajibaletic yu'un yac achahpanic te lahchaychahp (12) sts'umbal Israel.

San Mateo 18:14

Ha nix hich te Atatic ay ta ch'ulchan ma sc'an te ya xch'ay jtuhluc ha'i alaletic ini.

San Mateo 18:10

Tsahtaya me abahic te ma ba yac ap'ajic jtuhluc ha'i alaletic ini; como ya calbeyex, te ch'ul a'batetic yu'unic ta ch'ulchan spisil ora yac yilbelic sit te Jtat ay ta ch'ulchan;

Proverbios 18:12

Stoyoj sba te winic te c'alal ma to ba pehc'ambil, pero nahil ay te peq'uel-o'tanil, patil te ich'el ta muc'.

Apocalipsis 21:14

Ay lahchayeb yich'o-ip te ts'ahc yu'un te muc'ul pueblo, tey ts'ihbalambil sbihilic a te lahchaytuhl jpuc-c'opetic yu'un te Jcolel Tuminchije.