San Lucas 9:33 - Bible in Tzeltal Bachajón

³³ C'alal yacaliquix ta bahel a te cheb winiquetic, te Pedro la yalbe te Jesús: Maestro, ha lec te li' ayotique. Ya jpascotic oxeb yaxna, jun awu'un, jun yu'un Moisés soc jun yu'un Elías, xchi. Yu'un ma ba la sna' bin yac ta yalel.

Nuevo Testamento Tzeltal de Amatenango

³³ Te kꞌalal la spit sbaik bael te cheb winketike, te jPedroe la yal: —Maestro, ben tsaꞌam te liꞌ ayotike. Ya jpastik oxwol yaxna: jun awuꞌun, jun yuꞌun te jMoisese, sok jun yuꞌun te jꞌEliase —xchi te jPedroe. Yuꞌun te jPedro maꞌ snaꞌ tut ya yal.

Bible in Tzeltal de Oxchuc y Tenejapa

³³ Te c'alal yacaliquix ta bael a te cheb winiquetique, te Pedro la yal: —Maestro bin nax yutsil te li' ayotic to. Ja' lec jpastic oxwol nailwamal. Jun awu'un te ja'ate, jun yu'un te Moisese, soc jun yu'un te Eliase —xi' te Pedroe. Yu'un ma la sna' te bila ya yal yu'une.

San Lucas 9:33 Referans Kwoze

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

San Juan 14:8

La yal te Felipe: Cajwal, ac'a quilcotic te Tatil, tey ya xlaj co'tancotic a, xchi.

San Lucas 5:5

La sjac' te Simón: Maestro, sjunalix ahc'abal a'tejotcotic, mayuc chay la jtsaccotic. Pero te bin ut'il ha'at hich la awal, ya cotses te jtsaco-chaye, xchi.

San Marcos 10:38

Hich halbotic yu'un te Jesús: Ma xana'ic te bin yac ac'anique. ¿Ya bal xhu' yac awuch'ic te vaso te ho'on ya cuch', o ya bal xcuhch awu'unic teme hich ya xc'oht ta acuentahic te bin ya xc'oht ta jcuenta te ho'one? xchi.

San Mateo 17:14

C'alal c'ohtic ta banti ay te bayel ants-winiquetic, tal jtuhl winic, la squejan sba ta stojol te Jesús, hich la yal:

Salmos 73:28

Pero te ho'one, lec te nopol ayon ta stojol Dios. La jcac' te ha smuc'ul co'tan te Cajwaltic Jehová, ya calbe sc'oblal spisil bintic apasoj.

Salmos 27:4

Junax te bin jc'ambeyej te Jehová, te ha ya jle: ha te ya x'ayinon ta sna Jehová te jayeb c'ahc'al cuxulon, yu'un ya quilbe st'ujbilal te Jehová soc yu'un ya jle ta Templo yu'un.

San Mateo 17:4

Ha yu'un te Pedro la yalbe te Jesús: Cajwal, lec te li' ayotique. Teme yac ac'an, ya jpascotic oxeb yaxna, jun awu'un, jun yu'un Moisés soc jun yu'un Elías, xchi.

San Lucas 9:34

Hich yac ta yalel a, talic ta potsel ta tocal; bayel xiwic yu'un te potsotic yu'un te tocale.

San Lucas 9:49

La sjac' te Juan: Maestro, ay la jquilcotic mach'a yac ta sloq'uesel pucujetic ta scuenta abihil. La jcomcotic, como ma ba st'unojotic, xchi.