San Lucas 9:29 - Bible in Tzeltal Bachajón

²⁹ C'alal yac ta sc'oponel Dios a, c'atp'uj sit yelaw, soc xlipet sacal baht te sc'u' spaq'ue.

Nuevo Testamento Tzeltal de Amatenango

²⁹ Yipal ta skꞌoponel Dios a te Jesuse yanej te site. Te skꞌuꞌ-spakꞌe xlemet bael te sakile.

Bible in Tzeltal de Oxchuc y Tenejapa

²⁹ Te c'alal yac ta sc'oponel Dios a te Jesuse, c'atp'uj sit yelaw. Te sc'u'-spaq'ue xlemet nax xojobil a c'ot.

San Lucas 9:29 Referans Kwoze

San Mateo 17:2

Tey c'atp'uj ta stojolic, hich c'oht sit yelaw te bin ut'il sts'anabul c'ahc'al, soc xlipet sacal baht te sc'u' spaq'ue.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Isaías 53:2

Te ya'bat ha uhnen spuhl te hich ya xmuc'ub bahel ta stojol te bin ut'il slohp' ta taquin q'uinal. Mayuc st'ujbilal o yutsilal yu'un ya jmulantic yilel, mayuc bin mulantic sba ta ilel cu'untic.

Isaías 33:17

Ya me awil ta asit te ajwalil soc te st'ujbilal, ya me yil te lumq'uinal te namal ya slim bahel.

Hechos 6:15

Spisil te mach'atic huhcajtic ta chahpajibal, c'alal la yilbeyic sit yelaw te Esteban, la yilic te sjel ta sit yelaw ch'ul a'bat.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Marcos 16:12

Patil te Jesús yanix yilel la yac' sba ta ilel yu'un cha'tuhlic te yacalic ta behel ta be ta yan lugar.

San Lucas 3:21

Te c'alal yac yich'bel ha' spisil te pueblo, ha nix hich la yich' ha' te Jesús. Yac ta sc'oponel Dios a, jahm te ch'ulchan,

San Lucas 5:16

Pero te Jesús ay ya xbaht ta jochol q'uinal yu'un ya sc'opon Dios.

San Lucas 6:12

Ta hich ora baht ta wits ta sc'oponel Dios te Jesús, sjunal ahc'abal la sc'opon Dios tey a.

San Lucas 9:18

C'alal q'uejel bahem ta sc'oponel Dios a te Jesús, sjoc tey a te jnopojeletic yu'un, hich la sjoc'obe: ¿Mach'a ya scuyonic a te ants-winiquetique? xchi.

San Lucas 9:30

Chicnaj cheb winiquetic te yacalic ta c'op soc, ha te Moisés soc Elías.