San Lucas 8:54 - Bible in Tzeltal Bachajón

⁵⁴ Te Jesús la snit hahchel ta sc'ab te ach'ix, tulan la yal: Hahchan, tut ach'ix, xchi.

Nuevo Testamento Tzeltal de Amatenango

⁵⁴ Jich te Jesuse la xchechbe skꞌab y tulan a kꞌopoj: —Achꞌix, jajchan tal —xyut.

Bible in Tzeltal de Oxchuc y Tenejapa

⁵⁴ Te Jesús la stsacbey sc'ab. Tulan c'opoj: —Ach'ix, jajch'an tel —la yut.

San Lucas 8:54 Referans Kwoze

Jeremías 31:32

Ma hichuc te bin ut'il te chapbil-c'op la jpas soc te sme'static c'alal la jnit loq'uel ta sc'abic ta sq'uinal Egipto; como la sc'axuntaybonic te chapbil-c'op cu'un, aunque ha smamalal c'ohon, xchi te Jehová.

Hechos 9:40

Te Pedro la sticon loq'uel spisilic, la squejan sba soc la sc'opon Dios; la sut sba ta stojol te chamen baq'uet soc hich la yal: Hahchan, Tabita, xchi. La swic' sit te Tabita, c'alal la yil te Pedro, la shuhcan hahchel sba.

San Juan 11:43

C'alal laj yalbel a te Jesús, tulan c'opoj: ¡Lázaro, loc'an talel! xchi.

San Juan 5:21

Como hich te bin ut'il te Tatil ya scuxajtes te mach'atic chamenic soc ya yac'ticlambe scuxlejalic, ha nix hich te Nich'anil ya ya'be scuxlejal te mach'a ya sc'an ya ya'be.

San Lucas 8:51

C'alal c'oht ta sna Jairo te Jesús, mayuc mach'a yan la yic' ochel, ha nax te Pedro, Jacobo, Juan soc te sme'stat te tut ach'ixe.

San Marcos 9:27

Pero te Jesús la snit hahchel ta sc'ab, hich tehc'aj te quereme.

San Marcos 8:23

Te Jesús la snit bahel ta sc'ab te ts'o'sit, la yic' loq'uel ta ti'pueblo; la stuhbataybe sit, la scajambe sc'ab ta sba soc la spicbe sit, la sjoc'obe ya'iy teme ay bin ya yile.

San Marcos 1:31

Hich te Jesús nopoj tal ta stojol, la snit hahchel ta sc'ab, ora quehchaj te c'ahq'ue, och yac' sba ta a'batinel yu'unic.

San Mateo 9:25

C'alal loq'uic bahel ta fuera te mach'atic tey ayic a, och bahel te Jesús, la stsac hahchel ta sc'ab, hich hahch te ach'ixe.

Romanos 4:17

hich te bin ut'il ts'ihbabil: La jcac' te tatil ya xc'ohat yu'un tsobol nacionetic, xchi. Ha yu'un ha tatil cu'untic ta stojol Dios, te ha sch'uhunej, ha te Dios te ya ya'be scuxlejal te mach'atic chamenic soc te ya yic'ticlan tal te bintic mayuc te sjel ta aye.

San Lucas 8:53

La slabanic te Jesús, como sna'ojic te chamenixe.

San Lucas 8:55

Hich suht tal sch'uhlel, ora la stehc'an sba. La spas ta mandar te Jesús te ac'a ya'beyic swe'el.