San Lucas 8:27 - Bible in Tzeltal Bachajón

²⁷ C'alal loc' ta barco ta ti'ha' te Jesús, tal ta tahel yu'un jtuhl winic loq'uem tal ta pueblo, te ayix ora yochel pucuj ta yo'tan. Ma sc'an ya slap sc'u', soc ma ba ya xnahin ta na, ha snahinej te muquenaletic.

Nuevo Testamento Tzeltal de Amatenango

²⁷ Te kꞌalal kojtal ta barko te Jesuse, tijilaj tal te ba ay Jesus te jtul winik yuꞌun te jtejklume. Ayix bayal kꞌaal a te ay pukuj ta yoꞌtane. Makꞌ ya slapix skꞌuꞌ-spakꞌ, sok maꞌyukix ta sna. Jaꞌ snainejix te kampusanoe.

Bible in Tzeltal de Oxchuc y Tenejapa

²⁷ C'alal loq'uemix ta barco a te Jesuse, noptsaj tel ta stojol jtul winic te loq'uem tel ta lume. Ayix bayal c'aal te ay pucujetic ta yo'tan, soc te ma'yuquix sc'u'-spac' ya xbeene, soc te ma'yuc bay ya x'ainix ta snae. Ja' snainejix te muquenaletique.

San Lucas 8:27 Referans Kwoze

1 Samuel 19:24

La schol loq'uel sc'u' spac', ha nix hich c'opoj ta sc'op-jalwanej ta stojol Samuel, mayuc sc'u' spac' sjunal c'ahc'al soc sjunal ahc'abal. Tey chicnaj a te c'op: ¿Ha ni bal jalwanej yu'un Dios te Saúl? te xchihe.

Números 19:16

Teme ay mach'a ya spic mach'a milot ta espada ta yohl q'uinal o mach'a hich nax cham, o teme ya spic chamen baq'uet o sbaquel chamen ants-winic o muquenal, huqueb c'ahc'al bohloben sc'oblal ya xhil.

Isaías 65:4

ya shuhcan sbahic ta yohlil te muquenaletic soc ya xc'ax ahc'abal yu'unic ta banti muquen ay; ya sti'ic chitam, soc ay ta oxom yu'unic ya'lel te bin bohloben sc'oblal;

San Mateo 4:24

Puhc sc'oblal ta spisil sq'uinal Siria; la yiq'uic tal ta stojol spisil mach'atic ay banti c'ux ya ya'iyic soc te yich'ojic bayel ta chahp chamel soc te bayel swocolic, soc te mach'atic ay pucuj ta yo'tanic, te mach'atic ya xtup' yiq'uic, soc mach'atic chamen schihalic; la slecubteslan te Jesús.

San Marcos 5:15

C'alal c'ohtic ta banti ay te Jesús, la yilic te winic te ay tsobol pucuj ta yo'tan, huculix, slapojix sc'u' spac', soc ya sna'ix q'uinal; hich xiwic yu'un.

San Lucas 8:26

C'ohtic ta loq'uel ta barco ta sq'uinal gadarenohetic, te snuhp'usitayej sba soc te sq'uinal Galilea.

San Lucas 8:28

C'alal la yil te Jesús, tulan awon, c'oht squejan sba ta ye'tal yoc te Jesús, hahch ta aw: ¿Bin awochelon a, Jesús, Snich'anat te Dios te mero toyol ay? Awocoluc, ma me xawuts'inon, xchi.