San Lucas 8:13 - Bible in Tzeltal Bachajón

¹³ Te c'oht ta ba tontiquil, ha sc'oblal te mach'atic tse'el yo'tan ya ya'iyic, pero mayuc slohp'; cheb oxeb nax c'ahc'al ya sch'uhunic, pero ta yorahil te ya xtal tsajel, ya xloq'uic bahel.

Nuevo Testamento Tzeltal de Amatenango

¹³ Te tsꞌunubil te kꞌot ta ba tontikile jaꞌ skꞌoplal te machꞌatik ben jun yoꞌtanik ya xchꞌuunik te skꞌop Diose, pero ma sꞌismaj ta yoꞌtanik. Yal cheꞌoxeꞌ kaal ya xchꞌuunik, te kꞌalal ya xtal ta stojolik te prewae, ora ya xchebaj yoꞌtanik yuꞌun.

Bible in Tzeltal de Oxchuc y Tenejapa

¹³ Te awalil te c'ot ta ba tontiquile, ja' sc'oplal te mach'atic bin nax yo'tanic yu'un te sc'op Diose, ja'uc me to, ma ba c'uben coel yisim c'oem. Ja' nax ya xch'uunic che'oxeb c'aal. Yu'un te c'alal ya xtal ta stojolic te yiljibal yo'tanique, ora ya xchebaj yo'tanic yu'un.

San Lucas 8:13 Referans Kwoze

San Juan 5:35

Te Juan ha c'ahc' te tihl soc te la sacubtes q'uinal; soc la ac'anic te che'oxeb c'ahc'al te tse'el awo'tanic ya x'ayinex ta sacal q'uinal yu'un.

Oseas 6:4

Ya yal te Jehová: ¿Bin ya jpasbat ta atojol, Efraín? ¿Bin ya jpasbat ta atojol, Judá? Te sc'uxul awo'tanic hich c'ohem te bin ut'il tocal ta sab, hich c'ohem te bin ut'il te ts'ujul ta sacubel q'uinal te ya xch'ay bahele.

Ezequiel 33:32

Hich c'ohemat yu'unic te bin ut'il mach'a ya xc'ayojin c'ayojetic scuenta c'ux-o'tanil, te buen t'ujbil ac'op soc ya xc'ayojinat ta lec. Ya ya'iybat ac'op, pero ma ba ya sch'uhunic spasel.

Proverbios 12:12

Te mach'a chopol yo'tan ya xbic'taj yo'tan yu'un te yaquil yu'un te mach'atic chopol yo'tanic, yan te slohp' te mach'atic toj yo'tanic ya yac' sit stuquel.

Judas 1:12

Ha awabaquilic ta q'uin yu'un c'uxul-o'tanil awu'unic, mayuc sq'uexlalic a ya sjoquinex ta we'el, ha nax ya scanantay sbahic stuquel. Ha tocaletic te mayuc ya'lel, bayuc ya xtenotic yu'un te iq'ue; ha te'etic ta yorahil shahchel scomil c'ahc'al te mayuc sit soc bulbilic, cheb buelta lajemic.

2 Pedro 2:22

Hich c'oht ta stojolic te bin ya yal te tsahbil c'op ini: Te ts'i'e ya xcha'suht xan ta banti ay te xe, soc te me'chitam te pocbil ya scha'bal xan sba ta ahch'al, xchi.

2 Pedro 2:20

Teme ahnemiquix loq'uel ta stojol te sbohlil te bahlumilal ta scuenta te ya sna'beyic sba te Jesucristo te Cajwaltic soc Jcoltaywanej cu'untic, teme ya xchuc xan sbahic soc ya xtsalotic yu'un, c'ax chopol ya xc'ohtic a te bin ut'il ta nahil to.

Hebreos 10:39

Pero te ho'otique, ma ho'ucotic te ya suhtotic ta jpatic yu'un ya xch'ayotic, ho'otic ay sch'uhunel co'tantic yu'un hich ya xcol jch'uhleltic.

Efesios 3:17

soc te yacuc xnahin ta awo'tanic te Cristo ta scuenta sch'uhunel awo'tanic, scuenta yu'un, te bin ut'il lop'inemex soc awich'oj awipic tey ta c'uxul-o'tanil,

Isaías 58:2

Jujun c'ahc'al ya slehonic, yo'tanuc yilel te ya sna'be sba te behetic cu'un, hich c'ohemic te bin ut'il jun pueblo te ya spas te bin stojil ta pasel soc te ma ba hilem yu'unic te ley yu'un te Dios yu'unique. Ya sc'ambonic stojil chahpanel, soc ya sc'anic yilel te ya xnohpojic ta stojol Dios.

Santiago 2:26

Hich te bin ut'il chamen baq'uet teme mayuc sch'uhlel, ha nix hich chamen te sch'uhunel-o'tanil teme mayuc ya'telule.

1 Timoteo 1:19

te ma xch'ay te sch'uhunel awo'tan soc mayuc bin ya xhalbotat ta awo'tan a. Ay mach'atic la yihquitayic ini, hich jihn te sch'uhunel yo'tanic.

1 Tesalonicenses 3:5

Ha yu'un te bin ut'il ma ba cuhchix cu'un la jca'iy, la jticon ta joc'oyel bin ut'il ay te sch'uhunel awo'tanic, yu'un la jxi' te ay wan yac ach'uhunic sujel yu'un te jsujawal, hich tojol ya xc'oht te ca'telcotique.

Colosenses 2:7

c'uhbenuc ochel alohp'ic, soc ts'ahcubiluquex hahchel ta stojol soc yich'ojuc yip te sch'uhunel awo'tanic, hich te bin ut'il a'bilex anopic, soc bayeluc xawalbeyic wocol.

Gálatas 3:4

¿Tojol bal te c'axix bayel awocolic yu'une? teme melel tojol aye.

Gálatas 3:1

¡Galaciahetic, ma xana'ic q'uinal! ¿Mach'a la smombeyex awo'tanic scuenta yu'un ma ba yac ach'uhuniquix te smelelil c'op, te ha'ex te jamal a'botex awil ta asitic bin ut'il laj ta cruz te Jesucristo?

1 Corintios 15:2

Ta scuenta te lec yach'il c'op ini te colemexix, teme jc'axel yac awac' ta awo'tanic te c'op la jcalbeyexe; teme ma'uque tojol ach'uhunejic.

San Juan 15:6

Te mach'a ma ba jc'axel ya yac' sba ta jtojol, hich c'ohem te bin ut'il sc'ab te ya yich' ch'ayel loq'uel soc ya xtaquij; ya yich' tsobel ochel ta c'ahc', ya xlaj ta c'ahq'uel.

San Juan 15:2

Spisil sc'ab te ay ta jtojol te ma ba ya yac' sit, ya set' loq'uel; spisil te ya yac'ticlan sit, ya spasticlan ta lec scuenta yu'un c'ax to xan hich ya sitin a.

Proverbios 12:3

Ma xhu' ya yich' yip te winic ta scuenta spasel bin chopol, yan te slohp' te mach'a toj yo'tan, ma xhu' ta bulel.

Job 19:28

Teme hich yac awalic: ¿Bin ut'il ya jnutstic, como tey nix ta scuenta te hahchem tal te swocole? teme xchihexe,

Colosenses 1:23

Pero ya sc'an te spisil ora ay yip te sch'uhunel awo'tanic, te ma ba ya xhil awu'unic te smuc'ul awo'tanic yu'un te lec yach'il c'op te awa'iyejic, te ha ya yich' halel ta stojol spisilic te ayic ta ye'tal ch'ulchan, te ho'on, Pablohon, quich'oj ca'tel ta yalel.

1 Corintios 13:2

Teme ya cal sc'op-jalwanej soc na'bil cu'un spisil bintic wocol ta na'el soc spisil bintic ay ta na'el, teme ay bayel sch'uhunel co'tan te ha ya sjelbe yawil witsiltic ta scuenta, pero teme mayuc sc'uxul co'tan, tojol ayon.

San Marcos 6:20

como te Herodes xi'oj te Juan, yu'un sna'oj te toj ta winiquil soc ch'ultesbil, hich la scanantay. C'alal la ya'iybe sc'op te Juan, ma ba la sna' bin ya spas yu'un, pero bayel la smulan te ya ya'iybe te sc'ope.

1 Juan 2:19

Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.

San Lucas 8:12

Te c'oht ta ti'be, ha sc'oblal te mach'atic ya ya'iyic, pero ora ya xtal te pucuj, ya sloq'uesbe ta yo'tanic te c'op scuenta yu'un ma ba ya sch'uhunic soc ma ba ya xcolic yu'un.

San Lucas 8:14

Te c'oht ta yohl ch'ixileltic, ha sc'oblal te mach'atic ya ya'iyic, pero c'alal ya xc'ax c'ahc'al ya xtenotic yu'un te bintic ya xmacotic yu'un, ha te c'uhlejalil soc te yac'oltayel scuxlejal, hich ma xyijub sit.