San Lucas 7:6 - Bible in Tzeltal Bachajón

⁶ Hich te Jesús baht soc. C'alal nopol ya xc'ohtiquix ta sna a, te capitán-soldado la sticon tal cha'oxtuhl smohloltac, hich c'oht yalic: Cajwal, ma xawac' awocol, ma hichuc ya sc'an te ha'at ya x'ochat ta jna,

Nuevo Testamento Tzeltal de Amatenango

⁶ Jich te Jesuse la soyinlan bael. Te kꞌalal nopol xkꞌotikix a te ba snae, te statal soltaroe la stikon tal chaꞌoxtul yamigotak, tal yalbeyik te Jesuse: —Kajwal, jich a yal tal te statal soltaroe: ma laj me xꞌawakꞌ awokol. Ma la spas te ya xbaat ta snae, porke kꞌax chꞌin laj ya yaꞌi sba ta atojol stukel.

Bible in Tzeltal de Oxchuc y Tenejapa

⁶ Jich te Jesús la sjoin bael. Te c'alal nopol xc'otic ta sna a, jich te centurión la sticun tel cha'oxtul sjo'tac te tal yalbeyic te Jesuse: —Jich la yal tel te centurione: “Ma me xawac' awocol. Ma xju' te ya xbaat ta jnae, melel c'ax peq'uel ya caiy ta atojol.

San Lucas 7:6 Referans Kwoze

Santiago 4:6

Pero c'ax bayel xan yutsil-o'tanil ya yac' te Diose. Ha scuentahil te hich ya yal: Dios ya scontrahin te mach'a ya stoy sba, pero ya sc'uxultay te mach'a peq'uel ay, xchi.

San Marcos 5:24

Hich te Jesús la sjoquin bahel te winique. T'unot bahel yu'un tsobol ants-winiquetic, lats'bil bahel yu'unic.

San Lucas 8:49

Yac to ta c'op a te Jesús, c'oht jtuhl winic te hahchem tal ta sna te principal yu'un te sinagoga, hich hul yalbe: Chamix te awantsil-nich'ane; ma xawa'beyix swocol te Maestro, xchi c'ohel.

Santiago 4:10

Pehc'ana abahic ta stojol te Cajwaltic, ha me ya stohytesbeyex ac'oblalic.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

San Lucas 5:8

C'alal hich la yil te Simón Pedro, la squejan sba ta stojol Jesús, hich la yal: Ihquitayawon, Cajwal, yu'un jmulawilon, xchi.

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

San Mateo 3:11

Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

Proverbios 29:23

Ya xpehc'anot yu'un stoybahil te winique, yan te mach'a peq'uel yac'oj sba ya me x'ich'ot ta muc'.

San Lucas 7:4

Hich talic ta stojol Jesús, la yalbeyic bayel wocol: Mero hich ya sc'an te yac acoltay,

Génesis 32:10

¡peq'uel ayon ya ca'iy yu'un spisil te c'uxultayel awu'un soc te stalel jun awo'tan ta stojol te a'bat awu'une! Ha nax quich'oj jnahbate' te c'alal c'axon bahel ta muc'ul-ha' Jordán, yo'tic cha'tsohb loq'uemonix a.

San Lucas 7:5

como c'ux ta yo'tan te nación cu'untic soc la spasbotic te sinagoga cu'untique, xchihic.

San Lucas 7:7

ha scuentahil te ma ba tal jc'oponat jtuquel. Pero c'opojan, hich ya xlecub a te ca'bate.