San Lucas 7:47 - Bible in Tzeltal Bachajón

⁴⁷ Ha yu'un ya calbat te pasbotix perdón yu'un bayel smul, como bayel sc'uxul yo'tan. Yan te mach'a mayuc bayel smul ya yich' pasbeyel perdón yu'un, mayuc bayel sc'uxul yo'tan, xchi.

Nuevo Testamento Tzeltal de Amatenango

⁴⁷ Jaꞌ yuꞌun ya kalbeyat awaꞌi: Jaꞌ bayal kꞌuxon ta yoꞌtan yuꞌun te tutꞌil bayal smul a chꞌaybotixe. Yan te machꞌa chꞌin nax smul ya xchꞌaybote, chꞌin nax ay xkꞌuxul yoꞌtan yuꞌun —xchi.

Bible in Tzeltal de Oxchuc y Tenejapa

⁴⁷ Jich yu'un ya calbat awaiy: Ja' bayal c'uxon ta yo'tan yu'un te bit'il bayal smul la jpasbeyix perdón yu'une. Yan te mach'a jteb nax smul la jpasbey perdón yu'une, jteb nax c'uxon ta yo'tan yu'un —xi'.

San Lucas 7:47 Referans Kwoze

1 Juan 4:19

C'ux ya ca'iy ta co'tantic te Dios como ha nahil c'ux la ya'iyotic ta yo'tan stuquel.

1 Juan 3:18

Cal-jnich'nab, ma me ta c'opuc nax o ta sbahuc nax quetic ya caltic te c'ux ya ca'iy jbahtic, smeleliluc me te c'ux ya ca'iy jbahtic soc ac'a me chicnajuc ta ca'teltic.

Isaías 1:18

La'ic, xchi te Jehová, ya jchahpantic te c'op ini: aunque hich amulic te bin ut'il buen tsaj, buen sac ya xhilic hich te bin ut'il me'sic; aunque hich ayic te bin ut'il c'ax tsaj, hich sac ya xc'ohtic te bin ut'il sac stsotsel tuminchij.

Gálatas 5:6

como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

Romanos 5:20

Och te Ley scuenta yu'un ya xp'ohl te mulile; pero te c'alal bayel p'ohlix a te mulil, c'ax to xan hich p'ohl a te yutsil yo'tan Dios,

Efesios 6:24

Ac'a c'ohtuc te yutsil yo'tan Dios ta stojol spisil mach'atic c'ux ta yo'tanic te Cajwaltic Jesucristo soc sc'uxul-o'tanil te ma xch'aye. Hichuc.

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

1 Juan 5:3

yu'un chican te c'ux ta co'tantic te Dios teme ya jch'uhumbetic te mandariletic yu'une. Ma ba wocol ta ch'uhunel te mandariletic yu'une,

1 Timoteo 1:14

C'ax bayel yutsil yo'tan te Cajwaltic c'oht ta jtojol soc sch'uhunel-o'tanil soc sc'uxul-o'tanil te ayic ta stojol te Cristo Jesús.

Filipenses 1:9

Ha ya jc'opombeyex Dios yu'un te behbehuc yac ta p'ohlel te sc'uxul awo'tanic yu'un te bintic ay ta na'el soc sna'beyel scuentahil,

Hechos 5:31

Dios la yaq'uix ta ich'el ta muc' ta swa'el-c'ab scuenta Jtsobaw soc Jcoltaywanej, scuenta yu'un ya ya'be suhtes yo'tan te Israel soc yu'un ya spasbe perdón yu'un smulic.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

San Lucas 7:39

C'alal hich la yil te fariseo te yic'oj ta we'el te Jesús, la yal ta yo'tan: Te ha'uc jalwanej ha'i winic ini, ya sna'be sba mach'a a soc bin yilel stalel te ants te yac ta picbeyel yoc yu'un te hichuque, como ha jmulawil, xchi ta yo'tan.

San Mateo 10:37

Te mach'a c'ax hich c'ux ta yo'tan a te sme'stat te bin ut'il te ho'one, ma xtuhun cu'un. Te mach'a c'ax hich c'ux ta yo'tan a te yal-snich'anic te bin ut'il te ho'one, ma xtuhun cu'un.

2 Corintios 5:14

Como te sc'uxul yo'tan te Cristo ya sujotic, como hich jna'ojtic: te jtuhl cham yu'un spisilic, hich cham ta spisilic.

Miqueas 7:19

Ya scha'na'botic xan yo'bolil jbahtic; ya sts'o'ts'o'tec' te jmultic, soc ya sch'oj bahel ta sc'ubulil mar spisil te jmultique.

Ezequiel 16:63

scuenta yu'un ya xtal ta awo'tan soc ya xq'uexawat, soc mayuquix bin ora yac ajam awe ta scaj aq'uexlal, te c'alal ya jpasbat perdón yu'un spisil te bintic apasoj, xchi te Jehová, te Ajwalil.

San Lucas 7:46

Ma ba la amalbon aceite ta jol; yan te ants ini la smalbon perfume ta coc stuquel.

San Lucas 7:48

Hich la yalbe te antse: Pasbilatix perdón yu'un amul, xchi te Jesús.