San Lucas 7:22 - Bible in Tzeltal Bachajón

²² Hich halbotic yu'un te Jesús: Bahanic, a'beyahic sna' te Juan te bintic la awilic soc te la awa'iyique: ha te ya yiliquix q'uinal ts'o'sitetic, ya xbeheniquix coxo'etic, ya yich'iquix lecubtesel jc'a'el-chameletic, ya ya'iyiquix q'uinal cohquetic, ya yich'ic cuxajtesel mach'atic chamenic soc yaquix ta halbeyel ya'iyic te lec yach'il c'op te pobrehetique.

Nuevo Testamento Tzeltal de Amatenango

²² Te Jesuse la yaltalanbe: —Baanik, ban albeyaik te Juane spisil te tut la awilike sok te tut la awaꞌibeyik sluware. Kꞌo albeyaik te yipal ta jamel sit te choketike, sok yipal ta lekubel te koxoetike, sok yipal ta lekubel stibalulik te machꞌatik ayik ta kꞌaꞌel-chamele, sok yipal ta jamel xchikin te machꞌatik ma xyaꞌiyik kꞌope, sok yipal ta chaꞌkuxel te animaetike, sok yipalix ta alel ta stojol meꞌbaetik te tutꞌil ayix te skolelike.

Bible in Tzeltal de Oxchuc y Tenejapa

²² Te Jesús la yalbey yaiyic: —Baanic, albeya yaiy te Juane spisil te bila la awilique soc te bila la awaiyic stojole. Cholbeya yaiy te bit'il yac ta jamel sit te ma'sitetique, soc yacalic ta lecubel te coxoetique, soc yacalic ta lecubel sbaq'uetalic te mach'atic ayic ta c'a'el-chamele, soc yacalic ta jamel xchiquin te cojq'uetique, soc yacalic ta cha'cuxel te animaetique, soc yaquix ta cholel te lec yach'il c'op ta stojol me'baetique.

San Lucas 7:22 Referans Kwoze

San Lucas 4:18

Ha scuentahinejon te Espíritu yu'un te Cajwaltic, como tsahbilon yu'un yalel te lec yach'il c'op ta stojol te pobrehetique. Sticonejon tal ta scoltayel te mach'atic pich'il yo'tanic, ta yalel te libre ayic te mach'atic chuculic, soc ta sjambeyel sit ts'o'sitetic, sticonejon ta yaq'uel ta libre te mach'atic tembilic ta mosohinel,

Santiago 2:5

Quermanotac te c'uxex ta co'tan, a'iya me awa'iyic: ¿Ma bal ha'uc tsahbil yu'un Dios te pobrehetic ta bahlumilal te ha' c'uhlejetic ta scuenta sch'uhunel yo'tanic soc ya x'a'bot yich'ic te cuentahinel yu'un Dios te yaloj te ya yich'ic te mach'a c'ux ta yo'tanic te Diose?

San Mateo 21:14

Tey ta Templo tal ts'o'sitetic soc coxo'etic ta stojol Jesús, la slecubteslan.

Hechos 26:18

yu'un yac ajambe sitic scuenta yu'un ya xloq'uic ta yihc'al q'uinal, ya x'ochic ta sacal q'uinal, soc te ma ba ya x'ayiniquix ta scuenta yu'el te Satanás, te ha ya xtalic ta stojol Dios; scuenta yu'un ya xpasbotic perdón yu'un smulic ta scuenta sch'uhunel yo'tanic ta jtojol soc pajal ay bin ya yich'ic soc te mach'atic ch'ultesbilique, xchi jc'oblal.

San Lucas 7:21

Ha yorahil a te la slecubteslan bayel ta chahp jchameletic, soc la sloq'ueslan bohl espírituhetic, soc ay bayel ts'o'sitetic te la sjamticlambe sitic.

Sofonías 3:12

Ya quihquitaybat hilel ta awohlil jun pueblo te peq'uel yo'tan soc pobre, te ya smuc'ulin yo'tan te sbihil Jehová.

Jeremías 31:8

Ilawil, ya cac' suhtuc tal ta q'uinal te ay ta norte, ya jtsob tal c'alal sti'il te bahlumilale. Ta yohlilic ay ts'o'sitetic soc coxo'etic, ay ants te swoloj yal soc ay ants te ayinemix yal; ¡c'ax bayelic te ya suhtic talele!

Isaías 43:8

Loq'uesahic tal te pueblo te ts'o'sit aunque ay sitic, te cohquetic aunque ay schiquinic.

Isaías 42:16

Ya jtojobtes bahel te ts'o'sitetic ta be te ma ba sna'ojic, ya cac' behenuquic ta be te ma ba yilojique. Ya jc'atp'un ta sacal q'uinal te yihc'al q'uinal ta stojolic, soc te chuhcul q'uinal ya jc'atp'un ta spamlej. Ha ini te ya jpase, ma ba ya jpiteslan.

Salmos 146:8

te Jehová ya sjambe sit te ts'o'sitetic; te Jehová ya stij hahchel te mach'atic nijajtic; te Jehová c'ux ta yo'tan te mach'atic toj yo'tanique.

Job 29:15

Ho'on sitilon yu'un te ts'o'sit, soc yocon yu'un te coxo',

Hechos 8:7

como tsobol te mach'atic ay bohl espírituhetic ta yo'tanic tulan yac ta aw a loq'uic ta yo'tanic; soc lecubic tsobol mach'atic chamen schihalic soc coxo'etic.

San Juan 1:46

La yal te Natanael: ¿Ta Nazaret bal ya c'an chicnajuc te bin lec? xchi. La', ilawil, xchi te Felipe.

San Mateo 11:5

Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

San Lucas 7:23

Ha me bayel yutsil te mach'a ma xpehc'aj yo'tan ta jcuenta, xchi.