San Lucas 7:13 - Bible in Tzeltal Bachajón

¹³ Te Cajwaltic, c'alal la yil te antse, sts'ujet ta yo'tan la ya'iy, hich la yalbe: Ma x'oc'at, xchi.

Nuevo Testamento Tzeltal de Amatenango

¹³ La yil te Kajwaltike sok la snaꞌbe yoꞌolil sba te meꞌba antse. Jich a yalbe: —Ma okꞌan —xyut.

Bible in Tzeltal de Oxchuc y Tenejapa

¹³ Te Cajwaltique la yil soc la sna'bey yolij sba te me'ba antse. Jich la yalbey: —Ma x'oc'at —xi'.

San Lucas 7:13 Referans Kwoze

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Salmos 103:13

Hich te bin ut'il te tatil ya sna'be yo'bolil sbahic te snich'nab, hich te Jehová ya sna'be yo'bolil sbahic te mach'atic ya x'ich'ot ta muc' yu'une,

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.

Salmos 86:15

Pero ha'at Cajwal, ha Diosat te ay sc'uxul awo'tan soc lec awo'tan; ma orahuc ya x'ilinat, soc muc' te sc'uxul awo'tan soc te smelelil ac'ope,

San Lucas 8:52

Spisilic yacalic ta oq'uel soc ta mel-o'tan yu'un. Pero la yal te Jesús: Ma x'oq'uex; ma ba chamen te ach'ixe, wayal nax, xchi.

Jeremías 31:20

Te Efraín, ¿ma bal ha'uc te jnich'an te bayel sc'oblal ta co'tan? ¿Ma bal ha'uc te alal te ya smulan te co'tane? Aunque bayel la jtsits, ya jna'ulan. Ha yu'un ya stij sba co'tan ta scuenta, bayel me ya jna'be yo'bolil sba, xchi te Jehová.

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

Hebreos 2:17

Ha scuentahil te la sc'an te spisil pajal ay soc te yermanotac, scuenta yu'un muc'ul sacerdote ya xc'oht te ya xc'uxultaywan soc te jun yo'tan ta spasel te ya'tel Dios, yu'un ya stojbe smul te pueblo.

San Juan 20:15

Joc'obot yu'un te Jesús: Ants, ¿bin yu'un yacat ta oq'uel? ¿Mach'a yac ale? xchi. Te María la scuy te ha jcanan-ts'unubil, hich la yalbe: Tatil, teme ha'at la awich'be bahel, halbon banti c'oht awac' hilel, yu'un ya quich'be bahel, xchi.

San Marcos 8:2

Ya jna'be yo'bolil sba te ants-winiquetic como yoxebalix c'ahc'al a te sjoquinejonic soc mayuc bin ya swe'ic.

Jueces 10:16

Hich la sloq'uesic te yantic diosetic, la yac' sbahic ta a'batinel yu'un te Jehová. C'ux la ya'iy te Jehová te ay swocol te Israel.

San Juan 11:2

(Te María, te ha sbanquil te Lázaro te ay ta chamel, ha nix te la smalbe perfume te Cajwaltic soc te la scusbe ta stsotsel sjol te yoque.)

San Lucas 24:34

te hich yac yalbelic: Melel nix a te cha'cuxajix te Cajwaltic, soc la yaq'uix sba ta ilel ta stojol Simón, xchihic.

San Lucas 17:5

Te jpuc-c'opetic hich la yalbeyic te Cajwaltic: A'botcotic xan sch'uhunel co'tancotic, xchihic.

1 Corintios 7:30

te mach'atic ya x'oq'uic, ac'a sp'is sbahic te ma ba ya x'oq'uic; te mach'atic tse'el yo'tanic, ac'a sp'is sbahic te ma ba tse'el yo'tanic; te mach'atic ay bin ya smanic, ac'a sp'is sbahic te mayuc bin ay yu'unic;

San Juan 20:13

Hich halbot yu'unic: Ants, ¿bin yu'un yacat ta oq'uel? xchihic. Yu'un la yich'bonic bahel sbaq'uetal te Cajwal, ma jna' banti c'oht yaq'uic hilel, xchi te María.

San Lucas 13:15

La sjac' te Cajwaltic: ¡Jchebal-o'tanex! Jujutuhlex, ¿ma bal yacuc atilic te j'a'tel-wacax o burro awu'unic ta banti chucul yu'un yac awa'beyic yuch' ha' ta sc'ahc'alel cux-o'tan?

San Lucas 10:1

Ta patil, te Cajwaltic la stsa xan lajuneb schanwinic (70) ta tuhl winiquetic, chebcheb la sticonlan bahel ta jujun pueblo soc ta jujun lugar ta banti ya xc'ax ta patil.

San Lucas 7:19

la sticon bahel ta banti ay te Jesús yu'un ya sjoc'obeyic: ¿Ha'at bal te mach'a talel yac, o ya to bal jmahliycotic yan? xchi.

1 Tesalonicenses 4:13

Quermanotac, ma jc'ancotic te ma xana'ic bin ut'il ay sc'oblal te mach'atic ya xway sbaq'uetalic, scuenta yu'un ma hichuc yac amel awo'tanic yu'un a te bin ut'il te mach'atic mayuc smuc'ul yo'tanique.

San Lucas 22:61

La sut sba te Jesús, la yil te Pedro; hich hul ta yo'tan te Pedro te hich halbot yu'un te Cajwaltic: Ma to x'oc' mut a te oxeb buelta yac amucon ta awo'tan, te xchihe.

San Lucas 7:12

C'alal nopol ya xc'ohtix ta yochibal te pueblo, yac yic'belic bahel mach'a chamen, hip jtuhl a te yal me'ba' ants; soc joquimbil bahel yu'un tsobol ants-winiquetic yu'un te pueblo.

San Lucas 7:14

Hich nohpoj bahel, la stsacbe scaxahul te mach'a chamen, la stehc'an sbahic te mach'atic yic'ojic bahel, hich la yal: Querem, ya calbat, hahchan, xchi.

San Lucas 11:1

Ay jun buelta yac ta sc'oponel Dios te Jesús ta jun lugar. C'alal laj yo'tan, hich halbot yu'un jtuhl jnopojel yu'un: Cajwal, ac'a jnopcotic sc'oponel Dios hich te bin ut'il te Juan la snohptes ta sc'oponel Dios te jnopojeletic yu'une, xchi.

San Lucas 11:39

Pero hich halbot yu'un te Cajwaltique: Ha'ex te fariseohex yac apocbeyic spat te vaso soc te plato, pero ta yutil nojel ta bic'tal-o'tanil soc ta bin chopol.

San Lucas 12:42

Hich halbot yu'un te Cajwaltic: ¿Mach'a a te jcanan te jun yo'tan soc te ay sp'ijil yo'tan, te ha ya x'a'bot scuentahimbe te a'batetic yu'un te yajwal scuenta yu'un ya spucbe bin ya xtuhun yu'unic ta yorahil?

San Lucas 17:6

La yal te Cajwaltic: Te ayuc sch'uhunel awo'tanic hich te bin ut'il jp'ij sbac' mostaza, ya xhu' yac awalbeyic te sicómoro-te' ini: Bula loq'uel aba, bahan, ts'una aba ta mar, teme xchihexe, ya me sch'uhumbeyex ac'opic.

San Lucas 18:6

La yal te Cajwaltic: A'iya awa'iyic bin la yal te juez te chopol yo'tan.

San Lucas 19:8

Tehc'aj te Zaqueo, la yalbe te Jesús: Ilawil, Cajwal, ya jq'uebembe pobrehetic ohliluc te jbiluque; soc teme ay mach'a jlo'loybeyej staq'uin, chaneb buelta sjol ya jsutbe, xchi.

San Lucas 24:3

C'alal ochic bahel, ma ba la stahic tey a te sbaq'uetal te Cajwaltic Jesús.

San Juan 4:1

C'alal la sna' te Jesús te ya'iyejiquix te fariseohetic te c'ax hich ay jnopojeletic yu'un soc te c'ax hich yac yac'bel ich'-ha' a te bin ut'il te Juan,

San Juan 6:23

Pero ay yan barcohetic talemic ta Tiberias te tey hulemic a ta nopol banti la swe'ic te pan te la yalbe wocol Dios yu'un te Cajwaltique.

San Juan 11:3

Ha yu'un te antsetic la sticonic ta halbeyel te Jesús: Cajwal, ay ta chamel te mach'a c'ux ta awo'tan, xchi c'ohel.