San Lucas 6:8 - Bible in Tzeltal Bachajón

⁸ Pero na'bot yo'tanic yu'un te Jesús, hich la yalbe te winic te chamen schihal sc'ab: Hahchan, tehc'an aba ta ohlil, xchi. Hich la stehc'an sba te winique.

Nuevo Testamento Tzeltal de Amatenango

⁸ Pero te Jesuse snaꞌoj te jich ay te yoꞌtanike. La yalbe te winik te mel makꞌ snik sba te skꞌabe: —Jajchan, tekꞌlan te ba olile —xchi. Te winike jajch, la stejkꞌan sba.

Bible in Tzeltal de Oxchuc y Tenejapa

⁸ Jich te Jesuse sna'oj stojol te bit'il jich ay te yo'tanique, jich yu'un la yalbey te winic te sicuben xchial sc'abe: —Jajch'an, tec'lan ta olilal —xi'. Jich jajch' te winique, tejc'aj tey a.

San Lucas 6:8 Referans Kwoze

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

San Mateo 9:4

Na'bot yo'tanic yu'un te Jesús, hich la yalbe: ¿Bin yu'un chopol bin yac awalbel ta awo'tanic?

1 Pedro 4:1

Ha yu'un, te bin ut'il c'ax swocol te Cristo ta sbaq'uetal ta jcuentatic, ya sc'an te hich nix ay te co'tantic te bin ut'il ay te yo'tane, como te mach'a c'axemix swocol ta sbaq'uetal lajix sc'oblal mulil ta yo'tan;

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

Filipenses 1:28

te ma ba yac axi'ic te mach'atic ya scontrahinexe; tey ya xchicnaj a te ch'ayel ya xbahtic, yan te ha'exe ya xcolex; ha yu'un Dios ini.

Hechos 26:26

Te ajwalil, te jun co'tan yacon ta c'op ta stojol, sna'oj spisil ini. Jna'oj te mayuc bintic ma ba sna'oj te ajwalil, como ma ba muquen la yich' pasel ini.

Hechos 20:24

Pero mayuc sc'oblal ta co'tan te jcuxlejal, ha nax ay sc'oblal te yacuc xhu' cu'un slajinel soc yutsil co'tan te ahnimal soc te ca'tel quich'oj yu'un te Cajwaltic Jesús, ha te yalbeyel sc'oblal te lec yach'il c'op yu'un te yutsil yo'tan te Diose.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

San Juan 9:4

Ya sc'an te ya jpasbe ya'tel te mach'a sticonejon tal te c'alal sac to a te q'uinale. Ya xtal ahc'abal te mayuc mach'a ya xhu' ya x'a'tejix.

San Juan 2:25

ma yu'unuc la sc'an te ay mach'a ya yalbe bin ut'il ay yo'tan te ants-winic, como sna'oj stuquel te bin ay ta yo'tan.

San Lucas 5:22

Pero te Jesús la sna' bin ay ta yo'tanic, hich la yalbe: ¿Bin yu'un te hich yaquex ta snopel?

Isaías 42:4

Ma ba ya xluhb, ma ba ya xlaj yip yo'tan ha to c'alal ya yac' chicnajuc te bin toj ta pasel ta bahlumilal. Te mach'atic ayic ta ti'ti'mar ya smahliyic te ley yu'une, xchi.

Salmos 44:21

¿ma bal lajuc sna' te Diose? como ha sna'oj spisil te bin muquen ay ta o'tanil.

Job 42:2

Ya jna' te spisil ya xhu' awu'un, soc te ma xhu' ta comel te bin anopoje.

1 Crónicas 29:17

Ya jna', Dios cu'un, te yac ana'ticlan o'taniletic soc te yac amulan te bin stojil. Ha scuentahil te ta scuenta stojil co'tan soc ta sc'anojel co'tan la jca'bat spisil ini, soc yo'tic tse'el co'tan la jquilix te pueblo awu'un te stsoboj sbahic ta ora ini, te la ya'bat soc yutsil yo'tanic.

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

San Lucas 6:9

Hich halbotic yu'un te Jesús: Ay bin ya joc'obeyex: ¿Bin ya xhu' ta pasel ta sc'ahc'alel cux-o'tan, ha bal te bin lec o te bin ma lecuc? ¿Ha bal lec te scoltayel o te slajinel te cuxlejale? xchi.

San Marcos 3:3

Te Jesús hich la yalbe te winic te taquijem sc'ab: Hahchan, tehc'ana aba ta ohlil, xchi.

San Lucas 13:12

C'alal Jesús la yil, la yic' tal ta stojol, hich la yalbe: Ants, colematix yu'un te chamel awich'oj, xchi.