San Lucas 6:25 - Bible in Tzeltal Bachajón

²⁵ ¡Ay me awocolic ha'ex te nojel ach'uhtic ta ora ini! como ya me xwi'najex. ¡Ay me awocolic ha'ex te yacalex ta tse'ej ta ora ini! como ya me amel-awo'tanic soc ya me x'oq'uex.

Nuevo Testamento Tzeltal de Amatenango

²⁵ Oꞌol me abaik jaꞌex te nojel achꞌujtꞌik te ora to yuꞌun ya me awilik wiꞌnal. Oꞌol me abaik jaꞌex te ya stseꞌnex te ora to, yuꞌun ya me xba okꞌanik yuꞌun te ajtal-oꞌtane.

Bible in Tzeltal de Oxchuc y Tenejapa

²⁵ “¡Ya me awil awocolic ja'ex te nojel ach'ujt'ic ta ora to, melel ya me awaiyic wi'nal! ¡Ya me awil awocolic ja'ex te ya stse'en awo'tanic ta ora to, melel ya me x'oq'uex yu'un te mel-o'tane!

San Lucas 6:25 Referans Kwoze

Isaías 65:13

Ha yu'un hich ya yal te Cajwaltic Jehová: Te a'batetic cu'un ya me xwe'ic, yan te ha'exe ay awocolic ta wi'nal; te a'batetic cu'un ya me x'uch'ic, yan te ha'exe ayex ta taquinti'il; te a'batetic cu'un tse'el yo'tanic, yan te ha'exe ya xhilex ta q'uexlal;

Santiago 4:9

Mela awo'tanic, oq'uetaya abahic. Ac'a sutp'ijuc ta oq'uel te atse'ejic, soc ac'a sutp'ijuc ta mel-o'tan te stse'elil awo'tanique.

Proverbios 14:13

Aunque ay ta tse'ej, ay wan bin c'ux ya ya'iy ta yo'tan, te yutsil q'uinal ya xhu' ya sutp'ij ta mel-o'tan.

Apocalipsis 3:17

Hich yac awal: Jc'uhlejon, la jtahix jc'uhlejal, mayuc bin ya spason falta, xchihat. Pero ma xana' te mayuc bin ay awu'un, c'ux obol aba, pobrehat, ts'o'sitat soc watalat.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

Efesios 5:4

Soc ma me xawalic c'opetic te ma stojiluc, o loca-c'op, lomlom-c'op, te ma hichuc ya sc'an halel, ha lec yac awo'tantayic yalbeyel wocol te Diose.

San Lucas 13:28

Tey ya xc'oht awoq'uetay abahic soc tey ya xc'oht ac'uxuxan awehic a te c'alal yac awilic te Abraham, Isaac, Jacob soc spisil te jalwanejetic te tey ayic a ta banti ay te cuentahinel yu'un Dios, yan te ha'exe, ch'aybilex loq'uel.

San Lucas 12:20

Pero hich halbot yu'un te Diose: Ma xana' q'uinal. Yo'tic ta ahc'abal ya xtalat ta c'ambeyel ach'uhlel, ha yu'un te bin q'uejbil awu'un, ¿mach'a ya yich'bat hilel? xchi sc'oblal.

San Lucas 8:53

La slabanic te Jesús, como sna'ojic te chamenixe.

Nahúm 1:10

Hich ya xc'ohtic te bin ut'il ch'ixetic te sts'otoj sbahic, soc ts'ajal ta syacubelic, ya xlajic ta c'ahc' hich te bin ut'il taquin ha'mal.

Amós 8:10

Ya jsutp'in ta oq'uel te q'uinetic awu'unic soc spisil te c'ayojetic awu'unic ya jsutp'in ta mel-o'tan; ya cac' te yac alapic c'u'ul scuenta mel-o'tan soc ya yich' quits'el spisil stsotsel ajolic. Ya cac' te hich ya xc'oht te q'uinal te bin ut'il oq'uel yu'un te mach'a ch'ayem te hip jtuhl snich'an, soc te slajibal hich ya xc'oht te bin ut'il ch'a te sc'ahc'alele.

Isaías 28:7

Ha nix hich ini xhanlajan ya xbehenic yu'un te vino soc ya sschucticlan sba yoc yu'un te tulan uch'abil; te sacerdote soc te jalwanej xhanlajan ya xbehenic yu'un te tulan uch'abil, soc ya sonsohubic ta scaj te vino; ya schucticlan sba yoquic yu'un te tulan uch'abil, ya xhowiyic te c'alal ya yilic snahalsitic, ma xtojob sc'opic te c'alal ya ya'iyic chahpanwanej.

Isaías 9:20

Ya slajinic te bin ay ta swa'el-c'ab, pero ay to swi'nalic; ya swe'ic bin ay ta sq'uexam-c'ab, pero ma ba ya xnoj sch'uhtic yu'un. Jujutuhl ya swe'be sbaq'uetal te spat-xuhc:

Isaías 8:21

Ay swocolic soc swi'nalic a ya xc'axic ta q'uinal; c'alal ay swi'nalic a ya me x'ilinic, ya x'ilinic soc ya yalbeyic chopol sc'oblal te ajwalil soc te Dios yu'unique.

Eclesiastés 7:6

Te stse'ej te mach'a ma sna' q'uinal hich ay te bin ut'il te sc'op ch'ixetic yaquic ta chiq'uel ta ye'tal oxom. Ha nix hich tojol nax ini.

Eclesiastés 7:3

Ha lec xan a te mel-o'tan te bin ut'il te tse'ej, yu'un teme ay ta mel-o'tan te sit yelaw ha lec ya xc'oht a te yo'tane.

Eclesiastés 2:2

La jcal te ha locahijel te tse'ej. Soc ¿bin stuc te bin ya smulan te o'tanile?

Proverbios 30:9

yu'un teme ya xnoj jch'uht ya wan jmucat ta co'tan, soc hich wan ya cal: ¿Mach'a a te Jehová? xchihon; o teme pobrehon ya wan ca'iy elec', hich ya jbohlc'optaybe sbihil te Dios cu'une.

Salmos 49:19

ya me sjoquin te jcaj ts'umbalil yu'un sme'stat, mayuc bin ora ya yilix te sacal q'uinale.

1 Samuel 2:5

Te mach'atic nojel sch'uhtic ya yac' sbahic ta jle-a'tel scuenta we'elil, yan te mach'atic ayic ta wi'nal, mayuquix swi'nalic. Te ants te ma x'alaj, ayinix huctuhl yal; yan te mach'a ay bayel yalatac, ay ta mel-o'tan.

San Lucas 6:24

¡Pero ay me awocolic, ha'ex te jc'uhlejex! como ayix smuc'ul awo'tanic.

San Lucas 6:26

¡Ay me awocolic ha'ex te lec ac'oblalic yu'un spisil yantic! como hich la spasbeyic te lotil jalwanejetic te sme'statique.