San Lucas 6:1 - Bible in Tzeltal Bachajón

¹ Ta sc'ahc'alel cux-o'tan c'ax Jesús ta banti ay trigohiltic; te jnopojeletic yu'un la sjixticlanic trigo, la sc'uticlan ta sc'abic soc la sc'uxic.

Nuevo Testamento Tzeltal de Amatenango

¹ Ta skꞌaalel kuxo-oꞌtan te Jesuse been kꞌaxel ta triwualtik. Te jnopojeletik yuꞌune lijk skꞌokbeyik sjol te triwue. La skꞌut ta skꞌabik yuꞌun ya xkꞌuxbeyik te sbakꞌe.

Bible in Tzeltal de Oxchuc y Tenejapa

¹ Te Jesús soc te jnopojeletic yu'une yacalic ta beel ta sc'aalelal cux-o'tan. C'axic bael ta yolilal ts'unbil trigoetic. Te jnopojeletique caj xjixbeyic sbac' te trigoe. La sc'ut ta sc'abic, yu'un ya xc'uxbeyic te site.

San Lucas 6:1 Referans Kwoze

Deuteronomio 23:25

Teme ya x'ochat ta awal-ts'unubil yu'un apat-axuhc, ya xhu' yac atuch'ticlambe sit ta ac'ab, pero ma me xaboj ta hoz te bin ay tey a.

Levítico 23:7

Ta sba c'ahc'alil ay ch'ul tsoblej awu'unic; ma me xapas awa'telic a.

Éxodo 12:15

Huqueb c'ahc'al yac awe'ic pan te ma ba yich'oj levadura. Ta sba c'ahc'alil ya me aloq'uesic spisil levadura ta anahic, yu'un mach'ayuc a te ya swe' te bin yich'oj levadura ta sba c'ahc'alil ha to ta shuquebal c'ahc'al ya me yich' loq'uesel ta Israel.

Deuteronomio 16:9

Ya me awahtay huqueb semana; ya xhahch awahtay te huqueb semana te c'alal ya xhahch ta bojel te cebada.

Levítico 23:15

Ta schebal c'ahc'al te sc'ahc'alel cux-o'tan, te bin c'ahc'alil la awaq'uic te jtohm scuenta tuchilambil mahtanil, yac awahtayic ts'acal huqueb semana.

San Lucas 5:39

Te mach'a ya yuch' te poco' vino ma sc'an te yach'ile, como ya yal: Ha mero lec te poco' vino, xchi te Jesús.

San Lucas 6:6

Yan buelta ta sc'ahc'alel cux-o'tan och ta sinagoga te Jesús soc hahch ta p'ijubteswanej. Ay jtuhl winic tey a te chamen schihal swa'el-c'ab.