San Lucas 4:34 - Bible in Tzeltal Bachajón

³⁴ ¡Ihquitayawotcotic! ¿Bin awochelotcotic a, Jesús te talemat ta Nazaret? ¿Tal bal alajinotcotic? Ya jna'bat aba, ha'at te Mach'a Ch'ultesbilat yu'un Dios, xchi.

Nuevo Testamento Tzeltal de Amatenango

³⁴ —Jesus Nazaret, ¿tut yuꞌun tal awochintayotike? ¿Meꞌn tal amilotik? Ya jnaꞌbeyat aba te jaꞌat te Chꞌul Nichꞌanat te Diose —xchi ta aw.

Bible in Tzeltal de Oxchuc y Tenejapa

³⁴ —Jesús te Nazarete, ¿bi awentaotic? ¿Yu'un bal tal ajinotic? Ya jna'bat aba te ja'at te Xch'ul-nich'anat te Diose —xi' ta aw.

San Lucas 4:34 Referans Kwoze

Santiago 2:19

Ha'at ach'uhunej te junax Dios ay; lec ay. Ha nix hich sch'uhunej te pucujetic, soc ya xnihc yo'tanic yu'un.

San Marcos 1:24

¿Bin awochelotcotic a, Jesús te talemat ta Nazaret? ¿Yu'un bal tal alajinotcotic? Ya jna'bat aba, ha'at Sch'ul-nich'anat Dios, xchi ta aw.

San Mateo 8:29

Hich la yawtayic te Jesús: ¿Bin awochelotcotic a, Jesús Snich'anat Dios? ¿Tal bal awac'otcotic ta wocol te ma to ba stahoj yorahil? xchihic ta aw.

Hechos 3:14

Ha'ex la amuc ta awo'tanic te Mach'a Ch'ultesbil soc te Mach'a Toj Yo'tan, ha la ac'ambeyic scoltayel te jmilawe;

Apocalipsis 3:7

Ts'ihbabeya te ch'ul a'bat yu'un te iglesia ta Filadelfia: Hich ya yal te Mach'a ch'ultesbil, te smelelil c'op, te yich'oj te llave yu'un David, te mach'a ya sjam, te mayuc mach'a ya xhu' ya smac, soc te ya smac, te mayuc mach'a ya xhu' ya sjam:

San Lucas 4:41

Soc ay tsobol pucujetic te loc' ta yo'tanic, hich la yalic ta aw: Ha'at Snich'anat Dios, xchihic. Pero la scomticlan ta c'op, ma ba la yac' te ya xc'opojic como sna'ojic te ha te Cristo.

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

Apocalipsis 20:2

La stsac te dragón, te antiguo chan, ha te pucuj o Satanás, la schuc lajunwinic yoxbahc' (1,000) ha'bil.

1 Juan 3:8

Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.

Hebreos 2:14

Te bin ut'il ch'ich'-baq'uet te al-nich'anetic, ha nix hich la yac' sba te Jesús scuenta yu'un, ta scuenta te laj stuquel, tey ya slajin a te mach'a scuentahinej te lajele, ha te pucuje,

Hechos 16:39

Hich talic, la yalbeyic wocol soc la sloq'uesic tal ta cárcel, la yalbeyic bayel wocol te yacuc xloq'uic bahel ta pueblo.

Hechos 4:27

Como melel la stsob sbahic li' ta pueblo te Herodes, Poncio Pilato, te jyanlum winiquetic soc te pueblo Israel ta scontrahinel te Jesús te Ach'ul-nich'an, te mach'a tsahbil awu'une,

Hechos 2:27

como ma ba yac awac' hiluc ta muquenal te jch'uhlel, soc ma ba yac awac' c'a'uc sbaq'uetal te Mach'a ch'ultesbil awu'une.

San Lucas 8:37

Ha yu'un spisil te ipal ants-winiquetic ta sjoyobal sq'uinal te gadarenohetic la yalbeyic wocol te Jesús te yacuc xloc' bahel ta sq'uinalic, yu'un bayel xiwic. Hich te Jesús och ta barco, suht bahel.

San Lucas 8:28

C'alal la yil te Jesús, tulan awon, c'oht squejan sba ta ye'tal yoc te Jesús, hahch ta aw: ¿Bin awochelon a, Jesús, Snich'anat te Dios te mero toyol ay? Awocoluc, ma me xawuts'inon, xchi.

San Marcos 5:7

Tulan c'opoj, hich la yal: ¿Bin awochelon a, Jesús, Snich'anat Dios te mero toyol ay? ¡Hala ta jamal ta stojol Dios te ma ba yac awuts'inon! xchi,

San Marcos 1:34

La slecubteslan tsobol te ay bayel ta chahp chameletic, soc la sloq'ueslan bayel pucujetic; ma ba la yac' c'opojuc te pucujetic, como la sna'beyic sba.

Daniel 9:24

Chapal lajuneb schanwinic (70) semana ya xc'ax yu'un te alumal soc te ch'ul pueblo awu'un, yu'un ya xlaj te sc'axuntayel mandar, yu'un ya xlaj te mulil soc yu'un stojel mulil, yu'un ya yich' talel te bin stojil ta pasel te stalel ya xhil, yu'un ya yich' sello te nahalsitil soc te sc'op-jalwanej, soc yu'un ya yich' ch'ultesel te Mero Ch'ul Awilal.

Salmos 16:10

como ma ba yac awihquitayon hilel ta muquenal, ma ba yac awac' ta c'a'el te mach'a awu'un te ch'ultesbile.

Génesis 3:15

Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

1 Reyes 17:18

Te ants hich la yalbe te Elías: ¿Bin awochelon a, winicat yu'un Dios? ¿Tal bal awa'bon jna' te muliletic cu'un soc te yac awac' chamuc te cale? xchi.

San Lucas 4:33

Ay ta sinagoga jtuhl winic te ay pucuj ta yo'tan, te tulan awon: