San Lucas 22:63 - Bible in Tzeltal Bachajón

⁶³ Te winiquetic te yac scanantaybelic te Jesús, la slabanic soc la smajic.

Nuevo Testamento Tzeltal de Amatenango

⁶³ Te winketik te yipalik ta skanantayel te Jesuse, ya yikꞌtinik y ya smajik.

Bible in Tzeltal de Oxchuc y Tenejapa

⁶³ Te winiquetic yacalic ta scanantayel te Jesuse, la slabanic soc la smajic.

San Lucas 22:63 Referans Kwoze

San Juan 18:22

Te c'alal hich la yal te Jesús, te jtuhl policia tey teq'uel a la spac'be ta majel yelaw, hich la yal: ¿Hich bal yac asut ta c'op te muc'ul sacerdote? la yut.

1 Pedro 2:23

Te c'alal la yixta'c'optayic, ma ba la sutbe ta ixta'c'op; te c'alal c'ax swocol, ma ba la yal te ya sutbe spacol, ha la yac' sba ta sc'ab te mach'a toj ya xchahpanwan.

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

Miqueas 5:1

Tsoba abahic ta yutil te ts'ahc, yal-snich'anat soldadohetic, como joytaybilotic ta guerra; ya smajbeyic scho' ta xul te jtsobaw yu'un Israel.

Isaías 53:3

Ha ihlaybil soc p'ajbil yu'un te ants-winiquetique, ha jtuhl winic te bayel bin c'ux ya ya'iy, ya sna' bin ut'il ay wocol; hich c'ohem te bin ut'il mach'a ma ba la sc'an ya quilbetic sit yelaw, ha p'ajbil, soc ma ba la jquich'tic ta cuenta.

Isaías 52:14

Hich te bin ut'il tsobol xiw yo'tanic yu'un te la yilique, (yu'un c'ax hich yanij te sit yelaw te ma hichuc yilel te bin ut'il sit yelaw winic),

Isaías 49:7

Hich yaloj te Jehová, te J'ac'aw ta libre, te Ch'ul Dios yu'un Israel, hich ya yalbe te mach'a ihlaybil, te p'ajbil yu'un te nacionetic, te a'bat yu'un te tulan jcuentahinwanejetic: C'alal ya yilex ajwaliletic, ya me xhahchic, ya me squejan sbahic príncipaletic, ta scaj Jehová te stalel jun yo'tan, te Ch'ul Dios yu'un Israel te la stsahate, xchi.

Salmos 35:25

Ma me hichuc ya yalic ta yo'tanic: ¡C'ohtix ta pasel te bin la sc'an co'tantic! ma me xchihuquic; o te hich ya yalic: ¡Jc'axel la jlajintic! ma me xchihuquic.

Salmos 22:13

Ya shaw yehic ta jtojol hich te bin ut'il choj te ya xti'awan soc te ya x'awone.

San Lucas 22:62

Loc' bahel te Pedro, bayel la yoq'uetay sba yu'un.

San Juan 18:19

Te muc'ul sacerdote la sjoc'obe te Jesús bin ut'il ay sc'oblal te jnopojeletic yu'un soc te nohptesel yu'une.