San Lucas 22:31 - Bible in Tzeltal Bachajón

³¹ Soc la yal xan te Cajwaltic: Simón, Simón, la sc'anexix te Satanás yu'un ya yic'ayex hich te bin ut'il trigo;

Nuevo Testamento Tzeltal de Amatenango

³¹ La yal xan te Kajwaltike: —Simon, Simon, aꞌiya awaꞌi. Te pukuje la skꞌanix permiso te ya yikꞌayex jich tutꞌil te ya xꞌikꞌayot te triwue.

Bible in Tzeltal de Oxchuc y Tenejapa

³¹ “Simón, Simón, aiya awaiy stojol. C'anbilatix yu'un te Satanase, yu'un ya xchijch'anat jich bit'il trigo.

San Lucas 22:31 Referans Kwoze

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

Zacarías 3:1

Patil la ya'bon quil te muc'ul sacerdote Josué teq'uel ta stojol te ch'ul a'bat yu'un Jehová, soc te Satanás teq'uel ta swa'el-c'ab yu'un ya slehbe smul.

Apocalipsis 12:10

Patil la jca'iy ay mach'a tulan c'opoj ta ch'ulchan, hich la yal: Yorahilix te colel, te yu'el soc te cuentahinel yu'un te Dios cu'untic, soc te ya yich' ya'tel te Cristo yu'une. Como ch'ojotix loq'uel te mach'a yac slehbebel smul te quermanotactic, te c'ahc'al ahc'abal yac ta slehbeyel smul ta stojol te Dios cu'untique.

Amós 9:9

Como ya cal ta mandar te ya yich' chihchinel te sna Israel ta yohlil spisil te nacionetic, hich te bin ut'il ya yich' chihchinel trigo ta schihchinojibal, ma ba ya xch'ay jp'ijuc ta lum.

Hechos 9:4

puch' ta lum te Saulo, la ya'iy c'op te hich la yal: Saulo, Saulo, ¿bin yu'un te yac acontrahimbelon? xchi.

San Lucas 10:41

Marta, Marta, xchi te Jesús, ya xc'opoj awo'tan soc ochat na'etel yu'un bayel bintic ya sc'an pasel.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Mateo 26:30

C'alal laj yo'tanic ta c'ayoj, bahtic ta wits yu'un Olivohetic.

1 Corintios 5:5

ac'a yich' aq'uel ta sc'ab Satanás te winic scuenta yu'un ya xc'ax swocol ta sbaq'uetal, scuenta yu'un hich ya xcol sch'uhlel a te c'alal ya xtal te Cajwaltic Jesús.

2 Corintios 2:11

scuenta yu'un ma ba ya stsalotic a te Satanás, como jna'ojtic te bin ya spas ta lo'loywanej stuquel.

Isaías 28:28

Te sit trigo ya yich' juch'el, pero ma ba ya yich' juch'el ta c'axel; ya xc'ax carreta ta sba soc te cawuhetic yu'un, pero ma ba ya swuyticlan ta jc'axel.