San Lucas 21:36 - Bible in Tzeltal Bachajón

³⁶ Ha yu'un wihc'a me asitic, c'oponahic Dios spisil ora scuenta yu'un ma ba ya xc'oht ta acuentahic spisil te bintic ya xc'oht ta pasel, soc yu'un hich ya xhu' yac atehc'an abahic ta stojol te Nich'anil ay ta scuenta winic, xchi te Jesús.

Nuevo Testamento Tzeltal de Amatenango

³⁶ Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

Bible in Tzeltal de Oxchuc y Tenejapa

³⁶ Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

San Lucas 21:36 Referans Kwoze

1 Juan 2:28

Cal-jnich'nab, jc'axel ayinanic me ta stojol, scuenta yu'un te c'alal ya xchicnaj ay me yip co'tantic a, soc ma ba q'uejel ya cac' jbahtic ta stojol yu'un q'uexlal te c'alal ya xtale.

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

San Mateo 25:13

Ha yu'un cuxuluc me awo'tanic, como ma na'biluc awu'unic bin orahil soc bin c'ahc'alil ya xtal te Nich'anil ay ta scuenta winic.

San Mateo 24:42

Cuxuluc me awo'tanic, como ma na'biluc awu'unic bin ora ya xtal te Ajwalil awu'unique.

1 Pedro 4:7

Nopol ya sta yorahil te ya xlaj spisil bintic ay; ha yu'un na'ahic me q'uinal soc wic'sitaya me abahic scuenta yu'un ya xhu' yac ac'oponic Dios.

1 Corintios 16:13

Wihc'a me asitic, ayuc me yip sch'uhunel awo'tanic, pasahic me lec winiquil, ac'ahic me fuersa.

San Lucas 18:1

Te Jesús la yalbe ya'iyic sloc'ombahil c'op sc'oblal te ya sc'an ya sc'oponic Dios spisil ora soc te manchuc ya xpehc'aj yo'tanic,

San Marcos 13:33

Ila me abahic, wic'sitaya me abahic soc c'oponahic Dios, como ma na'biluc awu'unic bin ora hich ya xc'oht ta pasel.

Judas 1:24

Te Dios te ya xhu' ya scanantayex yu'un ma ba xyahlex soc te ya xhu' yu'un te mayuc awabaquil a ya stehc'anex ta stojol te yutsilal soc bayel yutsil-o'tanil,

San Mateo 26:41

Cuxuluc me awo'tanic soc c'oponahic Dios, scuenta yu'un ma ba yac atahic sujel ta mulil a; melel te espíritu ya sc'an stuquel, pero te baq'uet jteb nax stahel, la yut.

Malaquías 3:2

Pero ¿mach'a ya xcuhch yu'un te bin c'ahc'alil ya xtale? ¿Mach'a ya xhu' yu'un te teq'uel ya xhil te c'alal ya xchicnaj tale? Como hich ay te bin ut'il c'ahc' yu'un yuhltesel taq'uin, hich ay te bin ut'il xapon yu'un mach'a ya sac' pac'.

1 Tesalonicenses 5:17

A'telinahic me sc'oponel Dios.

San Marcos 13:37

Te bintic ya calbeyex, ha nix hich ya calbe spisilic: Wic'sitaya me abahic, xchi.

2 Timoteo 4:5

Yan te ha'ate, na'a me stsahtayel spisil, cuhchuc me awu'un awocol, puca bahel te lec yach'il c'op, hu'tesa spisil te awa'tele.

Colosenses 4:2

A'telinahic sc'oponel Dios, q'uehlana asitic ta sc'oponel Dios soc halbeyahic wocol.

Hechos 10:2

lec yo'tan ta stojol Dios soc yich'oj ta muc' Dios soc sjunal sna; bayel ya sq'uebenlan staq'uin ta pueblo, soc spisil ora ya sc'opon Dios.

Salmos 1:5

Ha yu'un te mach'atic chopol yo'tanic ma xcuhch yu'unic te yorahil ich'el ta c'op, te jmulawiletic ma x'ac'otic ochel ta tsoblej yu'un te mach'atic toj yo'tanique.

Job 27:10

¿Yu'un bal yutsil q'uinal ya ya'iy ta stojol te Mach'a spisil ya xhu' yu'un? ¿Ya bal sc'opon Dios ta spisil ora?

San Lucas 20:35

yan te mach'atic te lec ya x'ilotic yu'un Dios te ya xhu' ya stahic c'ohel te utsilal te ya xchicnaj ta patil soc te cha'cuxajel ta yohlil te mach'atic chamenic, ma xnuhpunic soc ma x'ac'otic ta nuhpunel,

Jeremías 35:19

ha yu'un hich yaloj te Jehová te scuentahinej spisil, te Dios yu'un Israel: Te Jonadab snich'an Recab mayuc bin ora ya spas falta jtuhluc sts'umbal te ya x'ayin ta jtojol spisil ora, xchi.

San Mateo 8:20

Pero la yal te Jesús: Te waxetic ay sch'enic, soc ay spechechic te ha'mal mutetique, yan te Nich'anil ay ta scuenta winic ma xweht ta banti ya smehtsan sba stuquel, xchi.

San Mateo 24:43

Na'ahic me, te lajuc sna' te yajwal na te bin ora ya xtal j'elec', la sq'uehlan sit, ma ba la yac' ta elc'anel sbiluc te hichuque.

San Mateo 24:44

Ha nix hichex, chapaluquex me, como ya xtal te Nich'anil ay ta scuenta winic te bin ora ma ba yac ana'belic a.

San Lucas 1:19

La sjac' te ch'ul a'bat: Ho'on Gabrielon te teq'uelon ta stojol te Diose, soc ticombilon yu'un ya calbat te lequil ach' c'op ini.

San Lucas 21:35

como hich ya xtal te bin ut'il yaquil ta stojol spisil mach'atic nahinemic ta swohlol bahlumilal.

2 Corintios 4:14

Jna'ojcotic te mach'a la scha'cuxajtes tal te Cajwaltic Jesús, ha nix hich ya me scha'cuxajtesotcotic tal soc Jesús, soc pajalotic ya me stehc'anotic ta stojol.

Apocalipsis 6:17

como c'ohtix sc'ahc'alel te tulan yilimba, ¿mach'a c'an hu'uc yu'un stehc'ambel sba? xchihic ta aw.

Apocalipsis 7:9

Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.

Apocalipsis 8:2

Patil la jquil te huqueb ch'ul a'batetic te tec'ajtic ta stojol Dios, a'botic huqueb cornetahetic.

Apocalipsis 11:4

Te cheb testigohetic ha te cheb olivo-te' soc te cheb yawil c'ahc' te tec'ajtic ta stojol te Ajwalil yu'un te bahlumilale.