San Lucas 21:34 - Bible in Tzeltal Bachajón

³⁴ Tsahtaya abahic te manchuc ya xbic'taj awo'tanic yu'un yac'oltayel cuxlejalil, yacubel soc sna'ulanel bin ut'il ya xcuxajex, yu'un ya xan awilic c'ohtix yorahil,

Nuevo Testamento Tzeltal de Amatenango

³⁴ “Ila me abaik, ma me xꞌawakꞌ te ya yalulanbeyex ta awoꞌtanik te tut ya skꞌupin awoꞌtanike sok te yakubele, sok te tutik yajtal awoꞌtanik ta jujun kꞌaal sok te akuxlejalike. Yuꞌun ma me chꞌayemuk awoꞌtanik a te tut ora ya sta skꞌaalele.

Bible in Tzeltal de Oxchuc y Tenejapa

³⁴ “Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

San Lucas 21:34 Referans Kwoze

San Marcos 4:19

pero te sna'el bintic ay ta bahlumilal, te lo'loyel yu'un te c'uhlejalil soc te bic'sitayel biluquetic, ha ya stenic te c'ope, hich ma ba ya yac' sitinuc.

San Lucas 12:40

Ha nix hichex, chapaluquex me, como ya xtal te Nich'anil ay ta scuenta winic te bin ora ma ba yac ana'belic a, xchi.

1 Corintios 6:10

j'eleq'uetic, mach'atic ay st'ut'ilic, jyacubeletic, j'ixta'c'opetic, jlo'loyej-biluquetic, ha'ic ini ma ba ya x'a'bot yich'ic te cuentahinel yu'un Dios.

Apocalipsis 3:3

Na'a me hiche te bin awich'oj soc awa'iyej; pasa soc suhtesa awo'tan. Teme ma ba yac acux awo'tan, ya xtalon ta atojol hich te bin ut'il j'elec', ma na'biluc awu'un bin ora ya xtalon.

2 Pedro 3:14

Ha yu'un, quermanotac te c'uxex ta co'tan, te bin ut'il yaquex ta smahliyel ini, o'tantayahic me te hichuc ya stahex a te Dios te mayuc awa'baquilic soc mayuc bin ya stijex ta c'op yu'un, soc te lamaluc q'uinal soc.

Gálatas 5:20

sch'uhunel loc'omba, ilojel, contrahinwanej, tijtamba-c'op, xut'xut'-o'tanil, ilimba, tsaltamba-c'op, hach-c'op, jatamba,

1 Corintios 5:11

Pero ya jts'ihbabeyex te ma me xajoquinic te mach'a ya scuy sba ta hermano, teme ha j'antsiwej, o te ay st'ut'il, sch'uhunej lotil diosetic, j'ixta'c'op, jyacubel o j'elec'; ma me xajoquin abahic ta we'el soc.

San Mateo 13:22

Te ts'unubil te c'oht ta yohlil ch'ixileltic, ha sc'oblal te mach'a ya ya'iy te c'op, pero te bin ya xbaht ta yo'tan sna'el te bintic ay ta bahlumilal soc te lo'loyel yu'un te c'uhlejalil ya stenic te c'ope, ma ba ya yac' sitinuc.

Oseas 4:11

Te antsiwej, vino soc ya'lel ts'usub ya yac' ch'ayuc snopojibal.

Isaías 28:7

Ha nix hich ini xhanlajan ya xbehenic yu'un te vino soc ya sschucticlan sba yoc yu'un te tulan uch'abil; te sacerdote soc te jalwanej xhanlajan ya xbehenic yu'un te tulan uch'abil, soc ya sonsohubic ta scaj te vino; ya schucticlan sba yoquic yu'un te tulan uch'abil, ya xhowiyic te c'alal ya yilic snahalsitic, ma xtojob sc'opic te c'alal ya ya'iyic chahpanwanej.

San Lucas 21:8

Halbotic yu'un Jesús: Tsahtaya me abahic te manchuc yac awich'ic lo'loyel, como ay tsobol mach'atic ya xtalic ta scuenta jbihil, te hich ya yalic: Ho'on Cristohon, xchihic, soc: Nopolix yorahil, xchihic. Pero ma me xat'unic.

Filipenses 4:6

Ma me ayuc bin ya sna'ulan awo'tanic yu'un, pero ta scuenta sc'oponel Dios soc yalel wocol, a'beya sna' Dios spisil te bintic yac ac'ambeyic, soc halbeyahic wocol Dios yu'un.

San Lucas 17:3

¡Tsahtaya me abahic! Teme ay la sta smul ta atojol te awermano, tsitsa; teme ya suhtes yo'tan, pasbeya perdón.

San Lucas 10:41

Marta, Marta, xchi te Jesús, ya xc'opoj awo'tan soc ochat na'etel yu'un bayel bintic ya sc'an pasel.

San Lucas 8:14

Te c'oht ta yohl ch'ixileltic, ha sc'oblal te mach'atic ya ya'iyic, pero c'alal ya xc'ax c'ahc'al ya xtenotic yu'un te bintic ya xmacotic yu'un, ha te c'uhlejalil soc te yac'oltayel scuxlejal, hich ma xyijub sit.

San Marcos 13:9

Tsahtaya me abahic; ya me x'ac'otex ta stojol jchahpawanejetic soc yac awich'ic majel ta sinagogahetic; ya xtehc'anotex ta stojol gobernadoretic soc ta stojol ajwaliletic ta ho'on jcuenta, yu'un testigohetic ya xc'ohex cu'un ta stojolic.

Proverbios 21:4

Te toyba sitil soc te toyba-o'tanil, te snopojibal yu'un te mach'atic chopolic, ha mulil.

Hebreos 12:15

Tsahtayahic te mayuc mach'a ma ba ya sta te yutsil yo'tan te Diose, soc te ma ba ya xpuhlin slohp' te bin ch'a te ya ya'beyex wocol soc te ya sbohlobtes tsobolex.

Salmos 35:8

¡Ch'ayaluc me yo'tanic a ac'a c'ohtuc ta stojolic te jinele, soc ha'uc nix ya xtsacot ta syaquic te snac'ojique! ¡Tey nix ac'a yahluquic a!

1 Samuel 25:36

Te Abigail c'alal suht bahel ta stojol Nabal, yac ta pas-q'uin ta sna a hich te bin ut'il ajwalil. Tse'el yo'tan te Nabal soc buen yuch'oj, ha yu'un mayuc bin la yalbe ha to ta schebal c'ahc'al.

Deuteronomio 29:19

te c'alal ya'iyejix a te bin ya yal te chopol c'oblalil ini, ha nix ya ya'be sba smuc'ul yo'tan, te hich ya yal: Ya me ca'iy lamal q'uinal, aunque ya jt'un bahel te co'tan te tulan ay, teme xchihe, ha ya xjihn spisilic ta scuenta.

Levítico 10:9

Ha'at soc anich'nab te sjoquinejat, ma me xawuch'ic vino o yan bin pajuben te bin ora ya x'ochex bahel ta Nahilpac' Templo yu'un tahojibal, scuenta yu'un ma ba ya xchamex. Ha mandaril te ma xlaj sc'oblal yu'un cajalcaj ats'umbal,

2 Pedro 3:10

Pero te c'alal ya xtal te Cajwaltic hich ya xtal te bin ut'il j'elec' ta ahc'abal. Ta hich ora ya xch'ay bahel te ch'ulchan soc tulan c'op, spisil bintic pasbil ya xlaj ta c'ahc', soc te bahlumilal soc spisil te bintic pasticlambil tey a ya me xlajic ta chiq'uel.

Génesis 19:32

La', ya ca'betic yuch' vino te jtatic, ya joquintic ta wayel scuenta yu'un hich ay sts'umbal ya xc'oht a te jtatic, xchi.

Proverbios 23:20

Ma me xajoquin te mach'atic bayel ya yuch'ic vino, o te mach'atic bayel ya swe'ic ti'bal,

Eclesiastés 9:12

Soc mayuc mach'a sna'oj te yorahil: Hich te bin ut'il chayetic te tsacbilic ta chopol tsacojibal, o hich te bin ut'il ha'mal-mut te ya yich' chuquel ta yaquil, hich te ants-winiquetic ya yich'ic chuquel ta yorahil wocol te repente nax ya xc'oht ta stojolic.

San Lucas 21:35

como hich ya xtal te bin ut'il yaquil ta stojol spisil mach'atic nahinemic ta swohlol bahlumilal.

Génesis 19:35

Hich la ya'beyic yuch' vino te static ta ahc'abal, te ihts'inal baht sjoquin ta wayel. Pero te static ma ba la sna' bin ora tal ta joquinel ta wayel o bin ora hahch bahel.

Génesis 27:14

Hich baht te Jacob, la stsac tal tentsunetic, la ya'be te snane. Hich te snan la spasbe ti'bal te mulambil yu'un te state.