San Lucas 20:13 - Bible in Tzeltal Bachajón

¹³ Ha yu'un la yal te yajwal ts'usubil: ¿Bin ya jpas? Ya jticon bahel te jnich'an te c'ux ta co'tan, ya wan yich'bonic ta muc' stuquel, xchi.

Nuevo Testamento Tzeltal de Amatenango

¹³ “Jich te yajwal ubailtike la snop ta yoꞌtan: “¿Tut lek ya jpas? Jaꞌ lek ya jtikon bael te jnichꞌan te lom kꞌux ta koꞌtane. Repente jaꞌ ya yakꞌik ta jkuenta te kꞌalal ya yilike”, xchi.

Bible in Tzeltal de Oxchuc y Tenejapa

¹³ “Te yajwal ts'usubiltique la yal ta yo'tan: “¿Bila lec ya jpas? Ja' lec ya jticun bael te jnich'an te bayal c'ux ta co'tane. Repente ya yich'bon ta muc' teme la yilique”, xi' ta snopel.

San Lucas 20:13 Referans Kwoze

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

Jeremías 36:7

Ya wan xc'oht ta stojol Jehová te bin ya yalic wocol yu'un, soc jujutuhl ya wan yihquitayic hilel te chopol be yu'unique; como muc' te yilimba soc sc'ahc'al yo'tan te Jehová te ya xhul ta stojol te pueblo ini, xchi.

Jeremías 36:3

Te sna Judá, c'alal ya ya'iy spisil te bintic chopol jnopoj te ya jpasbe, ya wan suhtes yo'tanic jujutuhl yu'un te chopol be yu'unique, hich ya jpasbe perdón yu'un schopolil soc smul, xchi.

Gálatas 4:4

Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

Romanos 8:3

Como te bin ma ba hu' yu'un te Ley ta scaj te mayuc yip te ch'ich'-baq'uet, Dios la spas te bin ut'il la sticon tal te Snich'an te hich nix sbaq'uetal te bin ut'il te jmulawil baq'uet, soc ta scaj mulil, hich la yac' ta tojel te mulil ta baq'uet,

San Juan 1:34

Ho'on la jquil soc ya cal ta testigo te ha te Snich'an Dios, xchi te Juan.

San Lucas 9:35

Ay mach'a c'opoj ta tocal, hich la yal: Ha Jnich'an ini te bayel c'ux ta co'tan; a'iya me awa'iyic te sc'ope, xchi.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

Oseas 6:4

Ya yal te Jehová: ¿Bin ya jpasbat ta atojol, Efraín? ¿Bin ya jpasbat ta atojol, Judá? Te sc'uxul awo'tanic hich c'ohem te bin ut'il tocal ta sab, hich c'ohem te bin ut'il te ts'ujul ta sacubel q'uinal te ya xch'ay bahele.

Isaías 5:4

¿Binti xan yan pasel la sc'an ta stojol te ts'usubil cu'un te ma ba jpasoje? ¿Bin ut'il ay a te la jmahliy te ya yac' lequil ts'usubetic pero la yac' ha'mal ts'usubetic?

Ezequiel 12:3

Ha yu'un, ha'at snich'anat winic, chahpana abiluc yu'un ya xloc'at bahel, ta c'ahc'alel ya me xloc'at bahel ta comon sitil. Ya me xloc'at hahchel ta ana, ya xbahat ta yan lugar ta comon sitil. Ya wan xc'oht ta yo'tanic, aunque toyba pueblo.

San Lucas 18:2

hich la yal: Ay jtuhl juez ta jun pueblo te ma ba xi'oj Dios soc mayuc mach'a ay sc'oblal yu'un.

San Lucas 18:4

Bayel c'ahc'al ma ba la sc'an te juez; pero patil la snop ta yo'tan: Aunque ma ba jxi'oj Dios soc mayuc mach'a ya quich' ta cuenta,

San Lucas 20:12

La sticon bahel yan a'bat, yoxebalix a, pero ha nix hich la yehchentesic soc la sch'ojic loq'uel.

San Lucas 20:14

Pero te j'a'teletic te c'alal la yilic, talel c'axel hich la yalbe sbahic: Ha'ix te mach'a ya xbaht yich' te q'uinale; la'ic, ya jmiltic, scuenta yu'un ho'otic ya quich'tic te q'uinale, xchihic.