San Lucas 2:35 - Bible in Tzeltal Bachajón

³⁵ hich ya xna'ot bin ut'il ay yo'tanic tsobolic. Soc te ha'at ya me slowbat sohlel awo'tan ta espada, xchi.

Nuevo Testamento Tzeltal de Amatenango

³⁵ Ya mex chiknaj te tut ay ta yoꞌtanik te jujutule. Y te jaꞌate ya me xkꞌax awokol ta ajtal-oꞌtan yuꞌun. Jaꞌ me pajal kꞌoem sok ya awaꞌi te lowel ta puñale —xchi te mam Simeone.

Bible in Tzeltal de Oxchuc y Tenejapa

³⁵ Tey me ya xchicnaj a te bila ay ta yo'tanic ta juju-jtule. In te ja'ate ya me xc'ax awocol ta mel-o'tan yu'un. Jich me xc'uxul ya awaiy te bit'il lowel ta puñale —xi' te Simeone.

San Lucas 2:35 Referans Kwoze

1 Corintios 11:19

Hich yac ac'anic te wohc'owohc' yac awac' abahic scuenta yu'un ya xchicnaj ta awohlilic mach'atic a te tsahbilic ta ac'opic.

Deuteronomio 8:2

Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.

1 Juan 2:19

Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.

San Juan 19:25

Ta ye'tal te cruz yu'un Jesús tey tec'ajtic a te snan soc te yihts'in te snane, te María yihnam te Cleofas, soc María Magdalena.

Salmos 42:10

Ya slabanonic te jcontratac hich te bin ut'il mach'a ya yehchentesbon jbaquel, te bin ut'il hich ya yalbonic jujun c'ahc'al: ¿Banti ay te Dios awu'un? xchihic.

San Lucas 2:34

Te Simeón la ya'be bendición ta stojolic, soc hich la yalbe te María te snan te alale: Ha'i alal ini hich chapal yu'un te ya yac' yahluc soc ya yac' hahchuc tsobol ta Israel, soc ha señahil te ya yich' contrahinel ta c'op,

San Lucas 2:36

Soc tey ay jtuhl jalwanej-ants, Ana sbihil, yantsil-nich'an Fanuel, yu'un te jchahp yu'un Aser; mero me'elix a. Huqueb ha'bil ay smamalal te c'alal ich'ot ta yach'ixlel,