San Lucas 19:42 - Bible in Tzeltal Bachajón

⁴² hich la yal: ¡Te ayuc bin ut'il la ana' ta c'ahc'alel ini bin ut'il ya xlahmaj q'uinal awu'un! Pero yo'tic macbil ta asit, ma ba yac awil.

Nuevo Testamento Tzeltal de Amatenango

⁴² Jich a yal: —Te kꞌoemuk ta awoꞌtanik te ora to te tut ya xjuꞌ ya sbujtsꞌanej kꞌinal ya awaꞌiyik yuꞌune, pero te ora to nakꞌal ta atojolik, ma spas ya awilik.

Bible in Tzeltal de Oxchuc y Tenejapa

⁴² Jich la yal ta yoq'uetayel: —Te c'oemuc ta awo'tan ta ora to te bila ya yac'bat lamal q'uinal awaiy yu'une, ja'uc me to, macal ta atojol ta ora to.

San Lucas 19:42 Referans Kwoze

Deuteronomio 32:29

¡Te ayuc sp'ijilic, te yacuc xc'oht ta yo'tanic ini, te yacuc sna'ic banti ya xc'ohtic ta loq'uel!

Hebreos 3:15

Hich te bin ut'il la yich'ix halel: Teme yac awa'iybeyic sc'op yo'tic, ma me tulanuc xawac' awo'tanic, hich te bin ut'il la stoy sbahic, xchi.

Isaías 48:18

¡Te lajuc awich' ta cuenta te mandariletic cu'un, hich c'oht te lamal q'uinal awu'un te bin ut'il muc'ul-ha', soc te bin toj ta pasel awu'un hich c'oht te bin ut'il ya xbehen yip te mar te hichuque!

Hechos 10:36

Dios la sticombe sc'op ta stojol te snich'nab Israel, la yalbe sc'oblal te lec yach'il c'op scuenta lamal q'uinal ta scuenta Jesucristo, ha te Ajwalil yu'un spisil.

Isaías 55:6

¡Lehahic te Jehová te ya to xhu' ta tahel, c'oponahic te bin ut'il nopol to ay!

Hebreos 3:13

Jujun c'ahc'al talel c'axel a'beya abahic yip awo'tanic, te c'alal yac to ta halel: Yo'tic, te xchihe, scuenta yu'un ma me ayuc mach'a ya xtulanub yo'tan ta scuenta lo'loyel yu'un mulil,

San Lucas 19:44

ya me sjinat cohel c'alal ta lum soc te awal-anich'nab te tey ayic a, soc ni junuc ton cajal ya xhil ta sba yan ton, como ma ba la ana' te bin ora talat ta ilel, xchi.

Hechos 13:46

Ha yu'un te Pablo soc Bernabé soc yip yo'tanic hich la yalbeyic: La sc'an te nahil la jcalbeyex awa'iyic te sc'op Dios; pero te bin ut'il la ap'ajic soc ma xac'an yac awich'ic te cuxlejal scuenta sbahtel q'uinal, ya xbohotcotic ta stojol te jyanlumetique,

Ezequiel 33:11

Hich me xawalbe: Ho'on cuxulon, xchi te Jehová te Ajwalil, ma jc'an te ya xlaj te mach'a chopol, ha ya jc'an te ya yihquitay hilel te be yu'un soc te ya xcuxaj. ¡Ihquitayahic, ihquitayahic te chopol behetic awu'unic! ¿Bin yu'un te ya xlajex, snahex Israel? xchihat.

Isaías 44:18

Ma sna'ic q'uinal, ma xc'oht ta yo'tanic; como macal sitic scuenta yu'un ma xyilic q'uinal, soc macal te yo'tanic scuenta yu'un ma sna'beyic scuentahil.

Hebreos 3:7

Ha yu'un, hich te bin ut'il ya yal te Ch'ul Espíritu: Teme yac awa'iybeyic sc'op yo'tic,

Salmos 81:13

Te lajuc ya'iybon jc'op te pueblo cu'un, te lajuc st'umbon te behetic cu'un te Israel,

Salmos 32:6

Ha yu'un ac'a sc'oponat spisil mach'atic ch'uhltesbilic te bin ora ya xhu' yac awich' tahele. Melel te c'alal ay bayel snojel ha'etic, ma ba ya xtahotic yu'un.

Deuteronomio 5:29

¡Te hichuc ay yo'tanic spisil ora, te yacuc xi'onic soc te yacuc sch'uhumbonic spisil ora te mandariletic cu'un, scuenta yu'un lec ya xc'ohtic soc yal-snich'nabic ta spisil ora!

Jeremías 13:17

Teme ma ba yac awa'iyic, muquen ya x'oc'on ta scaj te atoybahilic; ya xloc' ya'lel jsit ta tulan oq'uel, como te jtsohb tuminchijetic yu'un Jehová ya x'ic'otic bahel ta chuquel.

San Lucas 19:41

Te c'alal c'oht ta nopol Jerusalén soc te c'alal la yil, la yoq'uetay,

San Lucas 19:43

Ya me sta yorahil te ya xtalat ta joytayel yu'un acontrahic, buen macbil ta bayuc ya xc'ohat yu'unic;