San Lucas 18:32 - Bible in Tzeltal Bachajón

³² Ya x'ac'ot ta sc'ab jyanlumetic, ya slabanic, ya yixta'c'optayic soc ya stuhbatayic.

Nuevo Testamento Tzeltal de Amatenango

³² Yuꞌun ya me xkꞌo akꞌek entregal yuꞌun te jyanlumetike. Ya me yikꞌtinik, sok ya me sbolkꞌoptayik, sok ya me stubutayik.

Bible in Tzeltal de Oxchuc y Tenejapa

³² Melel ya x'ac'ot ta sc'ab te jyanlumetique. Ya me yich' labanel soc bolc'optayel soc tubtayel yu'unic.

San Lucas 18:32 Referans Kwoze

San Lucas 23:11

Hich te Herodes soc te soldadohetic yu'un la sp'ajic soc la slabanic te Jesús, la ya'beyic slap buen t'ujbil c'u'ul, la sticon suhtel ta stojol Pilato.

Isaías 53:3

Ha ihlaybil soc p'ajbil yu'un te ants-winiquetique, ha jtuhl winic te bayel bin c'ux ya ya'iy, ya sna' bin ut'il ay wocol; hich c'ohem te bin ut'il mach'a ma ba la sc'an ya quilbetic sit yelaw, ha p'ajbil, soc ma ba la jquich'tic ta cuenta.

Isaías 50:6

La jca'be smajbonic jpat te mach'atic ya xmajawanic, soc la jca'be jcho te mach'atic la sbulbonic te quisime; ma ba la jnac' jsit quelaw ta stojol labanel soc stuhbatayel.

Hechos 3:13

Ha nix te Dios yu'un Abraham, Isaac, Jacob, soc te Dios yu'un te jme'jtatic, la yac' ta ich'el ta muc' te Snich'an, ha te Jesús, ha nix te mach'a la awaq'uic ta c'abal soc te la amuc ta awo'tanic ta stojol Pilato te c'alal c'an scoltay bahel stuquel.

San Marcos 14:65

Ay hahch stuhbatayic te Jesús, soc la smacbeyic sit, la slowlowmajic ta sc'abic, hich la yalbeyic: Hala ca'iycotic, la yutic. Soc te jcananetic la smajbeyic yelaw.

San Mateo 26:67

Ha yu'un hahch stuhbataybeyic sit yelaw te Jesús soc la spujic ta majel; ay yantic la smajbeyic scho,

San Mateo 16:21

Ha nix ta yorahil a hahch yalbe ya'iyic te jnopojeletic yu'un te ya me xbaht ta Jerusalén soc te ya xc'ax swocol yu'un te mamaletic soc te principal sacerdotehetic soc te escribanohetic, ya me yich' milel, soc ya xcha'cuxaj ta yoxebal c'ahc'al.

Miqueas 5:1

Tsoba abahic ta yutil te ts'ahc, yal-snich'anat soldadohetic, como joytaybilotic ta guerra; ya smajbeyic scho' ta xul te jtsobaw yu'un Israel.

Isaías 52:14

Hich te bin ut'il tsobol xiw yo'tanic yu'un te la yilique, (yu'un c'ax hich yanij te sit yelaw te ma hichuc yilel te bin ut'il sit yelaw winic),

Hechos 2:23

Te winic ini ac'ot ta c'abal ta scuenta te bin schapoj Dios soc te hich nahil sna'oj, te ta scuenta chopol winiquetic la atsaquic soc la amilic ta cruz.

San Juan 18:35

La sjac' te Pilato: ¿judío-winicon bal? Ha nix te alumal soc te principal sacerdotehetic awu'unic te la yac'at ta jc'ab. ¿Bin apasoj? xchi.

San Juan 18:30

La sjaq'uic: Te yu'unuc mayuc bin chopol spasoj, ma ba tal ca'batcotic ta ac'ab te hichuque, xchihic.

San Juan 18:22

Te c'alal hich la yal te Jesús, te jtuhl policia tey teq'uel a la spac'be ta majel yelaw, hich la yal: ¿Hich bal yac asut ta c'op te muc'ul sacerdote? la yut.

San Lucas 23:35

Te ants-winiquetic yac yilbelic, soc te principaletic yu'un te pueblo la slabanic te Jesús, hich la yalic: La scoltaylan yantic; ac'a scoltay sba teme ha nix a te Cristo te tsahbil yu'un Dios, xchihic ta slabanel.

San Lucas 23:1

Hich hahchic bahel spisilic, la yiq'uic bahel ta stojol Pilato.

San Mateo 27:2

Chucul a la yiq'uic bahel, c'oht ya'beyic ta sc'ab te gobernador Poncio Pilato.

San Juan 18:28

La yiq'uic loq'uel ta sna Caifás te Jesús, la yiq'uic bahel ta pretorio. Yac ta sacubel q'uinal a, pero ma ba ochic bahel ta palacio scuenta yu'un ma ba ya sbohlobtes sc'oblalic, scuenta yu'un hich ya xhu' ya swe'ic a te Pascua.

San Marcos 15:1

Te principal sacerdotehetic, te mamaletic, escribanohetic soc spisil mach'atic ay ya'telic schapoj sc'opic ta buen sab, hich chucul a la yiq'uic bahel te Jesús, la ya'beyic ta sc'ab te Pilato.

San Mateo 20:19

Ya ya'beyic ta sc'ab jyanlumetic yu'un ya slabanic, ya smajic soc ya smilic ta cruz; pero ta yoxebal c'ahc'al, ya me xcha'cuxaj, xchi.

San Mateo 22:6

te yantic la stsaquic te a'batetic, la smajic soc la smilticlanic.

San Lucas 18:33

C'alal ya xlaj smajbelic a, ya me smilic; pero ta yoxebal c'ahc'al ya xcha'cuxaj tal, xchi.

San Juan 18:32

Hich la yalic scuenta yu'un ya xc'oht ta pasel te bin yaloj Jesús te la yac' ta na'el te bin lajel ya ya'iy.