San Lucas 18:23 - Bible in Tzeltal Bachajón

²³ C'alal hich la ya'iy te winic, bayel la smel yo'tan yu'un, como ay bayel sc'uhlejal.

Nuevo Testamento Tzeltal de Amatenango

²³ Pero te kꞌalal la yaꞌibe sluwar te winike, lijk yakꞌ yajtal yoꞌtan yuꞌun, skaj te ben jkꞌuleje.

Bible in Tzeltal de Oxchuc y Tenejapa

²³ Te c'alal la yaiy stojol te winique, bayal la smel yo'tan yu'un, scaj te bayal sc'ulejale.

San Lucas 18:23 Referans Kwoze

Ezequiel 33:31

Ya xtalic ta atojol hich te bin ut'il c'ahyemic ta spasel te ants-winiquetic, ya xhuhcajic ta atojol scuenta pueblo cu'un. Ya ya'iybat ac'op, pero ma ba ya sch'uhunic spasel; ya yalic te ya sc'anic, pero te yo'tanic ya st'unic te sbic'tal yo'tanique.

1 Juan 2:15

Ma me c'uxuc xawa'iy ta awo'tanic te bahlumilal o te bintic ayic ta bahlumilal. Te mach'a c'ux ya ya'iy ta yo'tan te bahlumilal, ma ba yich'oj te sc'uxul yo'tan te Jtatic Dios,

San Lucas 21:34

Tsahtaya abahic te manchuc ya xbic'taj awo'tanic yu'un yac'oltayel cuxlejalil, yacubel soc sna'ulanel bin ut'il ya xcuxajex, yu'un ya xan awilic c'ohtix yorahil,

San Lucas 12:15

Hich la yalbe te yantique: Tsahtaya me abahic yu'un spisil bic'tal-o'tanil, como te scuxlejal te winic ma ha'uc ay sc'oblal te ay bayel bintic ay yu'un, xchi.

San Lucas 8:14

Te c'oht ta yohl ch'ixileltic, ha sc'oblal te mach'atic ya ya'iyic, pero c'alal ya xc'ax c'ahc'al ya xtenotic yu'un te bintic ya xmacotic yu'un, ha te c'uhlejalil soc te yac'oltayel scuxlejal, hich ma xyijub sit.

San Marcos 10:22

Pero la spich' sba yo'tan yu'un te bin halbot, ay ta mel-o'tan bahel, yu'un ay bayel sc'uhlejal.

San Mateo 19:22

Te querem, c'alal la ya'iy te c'op ini, ay ta mel-o'tan a loc' bahel, como bayel sc'uhlejal.

Colosenses 3:5

Ha yu'un ac'a chamuc te bintic scuenta bahlumilal te ay ta awo'tanic: ha te antsiwej soc antsinel, te bintic ilobtic sba, sc'anel bintic ma lecuc, smulanel spasel bin chopol, soc bic'tal-o'tanil, te ha pajal soc sch'uhunel loc'ombahetic.

Filipenses 3:8

Melel jc'axel lajem sc'oblal ta co'tan spisil ta scaj te c'ax t'ujbil te ya jna'be sba te Cristo Jesús, ha te Cajwal. Ha ta scuenta te la jch'ayix hilel spisil, hich c'oht cu'un te bin ut'il c'a'pal, scuenta yu'un ha cu'un ya xc'oht te Cristo

Efesios 5:5

Como ana'ojic te ma xhu' ya x'ochic ta banti ay te cuentahinel yu'un Cristo soc yu'un Dios te j'antsinel soc j'antsiwej, te mach'a bohloben sc'oblal, o te ay sbic'tal yo'tan, te ha pajal soc sch'uhunel loc'omba.

San Lucas 19:8

Tehc'aj te Zaqueo, la yalbe te Jesús: Ilawil, Cajwal, ya jq'uebembe pobrehetic ohliluc te jbiluque; soc teme ay mach'a jlo'loybeyej staq'uin, chaneb buelta sjol ya jsutbe, xchi.

San Lucas 18:22

C'alal hich la ya'iy te Jesús, la yalbe: Ay to jun xan ban ya spasat falta: chona spisil te bintic ay awu'un, q'uebembeya te pobrehetic, hich me ay ac'uhlejal ta ch'ulchan a; soc la', t'unawon, xchi.

San Lucas 18:24

C'alal Jesús la yil te bayel smeloj yo'tan, hich la yal: ¡Te mach'atic ay sc'uhlejalic mero wocol ya x'ochic ta banti ay te cuentahinel yu'un Dios!