San Lucas 17:14 - Bible in Tzeltal Bachajón

¹⁴ C'alal ilotic yu'un Jesús, hich halbotic yu'un: Bahanic, ac'a abahic ta ilel ta stojol te sacerdotehetique, xchi sc'oblalic. Te c'alal yacalic ta bahel a, ch'ay te sc'a'el-chamelique.

Nuevo Testamento Tzeltal de Amatenango

¹⁴ Kꞌalal la yil te Jesuse, jicha yaltalanbe: —Baanik, ban akꞌa abaik ta ilel ta stojol te saserdoteetike —xchi. Te tutꞌil yipalik kꞌal ta beel ae, chꞌay bael te xchamelike.

Bible in Tzeltal de Oxchuc y Tenejapa

¹⁴ C'alal la yil te Jesuse, jich la yalbey: —Baanic, ac'a abaic ta ilel ta stojol te sacerdoteetique —xi'. Te bit'il yacaliquix ta beele, colic ta chamel.

San Lucas 17:14 Referans Kwoze

San Lucas 5:14

Te Jesús la spas ta mandar te manchuc ayuc mach'a ya yalbe. Hich la yalbe: Bahan, ac'a aba ta ilel yu'un te sacerdote soc a'beya smahtan Dios yu'un te lecubatix, hich te bin ut'il yaloj mandar te Moisés, scuenta testigo ta stojolic, xchi.

2 Reyes 5:14

Ha yu'un co bahel te Naamán, la smul sba huqueb buelta ta muc'ul-ha' Jordán, hich te bin ut'il yaloj te winic yu'un Dios. Lecub te sbaq'uetal, hich c'oht te bin ut'il sbaq'uetal alal, mero lec hilel.

San Mateo 3:15

La sjac' te Jesús: Hich ac'a c'ohtuc ta ora ini, como hich ya sc'an ya jc'ohtestic ta pasel spisil bin stojil ta pasel, xchi. Hich la sch'uhun te Juan.

San Juan 11:10

Yan te mach'a ta ahc'abal ya xbehen, ya sc'ohchin yoc, como mayuc sacal q'uinal ta stojol, xchi.

San Juan 9:7

soc hich a yalbe: Bahan, poca asit ta yawil ha' ta Siloé, xchi. (Te Siloé, ha Ticombil, xchi te c'asesbile.) Hich baht, la spoc sit, la yilix q'uinal a suht bahel.

San Juan 2:5

Te snan la yalbe te a'batetic: Pasahic spisil te bin ya yalbeyex, xchi.

Isaías 65:24

Ma to x'awonic a te ya jac'be sc'opic; c'alal yaquic ta c'op a ya ca'iybe te sc'opique.