San Lucas 16:16 - Bible in Tzeltal Bachajón

¹⁶ Te Ley soc te Jalwanejetic la yich'ic halbeyel sc'oblal ha to c'alal ta Juan. Ta hich ora hahch ta yalel te lec yach'il c'op yu'un te cuentahinel yu'un Dios, soc spisilic yac yac'belic fuersa ta ochel tey a.

Nuevo Testamento Tzeltal de Amatenango

¹⁶ Te mantaliletik yuꞌun te Moisese sok te tuti yalik jilel te jꞌalwanejetik yuꞌun te Diose, jaꞌ nax a spꞌijutesotik stukel jaꞌto te kꞌalal tal te Juane. Jicha lijk ta alel te lek achꞌ kꞌop te tutꞌil ay ta ajwalinel te Diose, y spisil genteetik ya stenten sbaik ochel teꞌa.

Bible in Tzeltal de Oxchuc y Tenejapa

¹⁶ “Te mandalil soc te bila la yalic jilel te j'alwanejetique, ay ta ch'uunel ja' to c'alal tal te Juane. Tey jajch' ta cholel a te lec yach'il c'op te bit'il ay ta ajwalinel te Diose. Spisil ants-winiquetic ya sten sbaic ochel tey a.

San Lucas 16:16 Referans Kwoze

San Mateo 21:32

como te Juan tal ta atojolic yu'un ya ya'beyex awilic te be yu'un te bin stojil ay ta pasel, pero ma ba la ach'uhunic, yan te jc'an-patanetic soc te j'antsineletic la sch'uhunic stuquelic. Pero te ha'exe, aunque la awilic, ma ba la asuhtes awo'tanic yu'un yac ach'uhunic.

San Juan 1:45

Te Felipe la sta te Natanael, hich la yalbe: La jtahcotiquix te mach'a ts'ihbabil sc'oblal yu'un te Moisés soc yu'un te jalwanejetic, ha te Jesús te snich'an José, te talem ta Nazaret, xchi.

San Lucas 16:31

La yal te Abraham: Teme ma sc'an ya ya'iybeyic bin la yal te Moisés soc te jalwanejetic, ma ba ya xc'oht ta yo'tanic aunque ay mach'a ya xcha'cuxaj tal ta yohlil te mach'atic chamenique, xchi.

San Mateo 3:2

hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

Hechos 3:18

Pero Dios hich la yac' c'ohtuc ta pasel te bintic halbil yu'un spisil te jalwanejetic: te ya me xc'ax swocol te Cristo.

San Lucas 16:29

Yich'ojic te shun Moisés soc te jalwanejetic, ha ac'a ya'iybeyic sc'op, xchi te Abraham.

San Lucas 10:11

¡Te slumil te pueblo awu'unic te slap'oj sba ta coccotic, ya jlihlincotic ta acontrahic! Pero na'ahic te nopolix ay ta atojolic te cuentahinel yu'un Dios, xchihanic me.

San Lucas 10:9

Soc lecubtesahic te jchameletic te tey ayic a, soc hich xawalbeyic: Nopol ayix ta atojolic te cuentahinel yu'un Dios, xchihanic me.

San Mateo 4:17

Ta hich ora hahch ta yalel sc'op Dios te Jesús, hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

San Lucas 9:2

La sticonlan bahel ta halbeyel sc'oblal te cuentahinel yu'un Dios soc ta slahmajtesel jchameletic.

San Marcos 1:14

Ochemix ta chuquel a te Juan, c'oht ta Galilea te Jesús, yac ta yalel te lec yach'il c'op sc'oblal te cuentahinel yu'un Dios.

San Mateo 10:7

C'alal yaquex ta bahel a, halahic te sc'op Dios, hich me xawalic: Nopolix ay te cuentahinel yu'un te ch'ulchan, xchihanic me.

San Juan 12:19

Pero te fariseohetic talel c'axel hich la yalbe sbahic: Ilawilic, mayuc bin yac ta hu'el cu'untic. Ilawilic, spisil te ants-winiquetic st'unojic te Jesús, xchihic.

San Juan 11:48

Teme hich nax ya xhil cu'untic, spisilic ya sch'uhunic, soc hich ya xtal te romanohetic, ya me sjimbotic te ch'ul awilal cu'untic soc te nación cu'untique, xchihic.

San Marcos 1:45

Pero c'alal baht, hahch spuc ta halel ta bayuc te bin pasbote. Hich ma hu'ix och ta pueblo te Jesús, hil ta bantic jochol te q'uinaletic; soc bayuc talic ta stojol.

San Mateo 4:23

La yocliy spisil sq'uinal Galilea te Jesús, yac ta nohpteswanej ta sinagogahetic yu'unic soc yac ta yalel te lec yach'il c'op yu'un te cuentahinel yu'un Dios, soc yac ta slecubtesel spisil chamel soc banti c'ux ya ya'iyic te ants-winiquetique.

San Mateo 15:11

Ma ba ya xjihnot te winic yu'un te bin ya x'och ta ye, ha ya xjihnot yu'un te bintic ya xloc' tal ta ye, xchi.

San Juan 5:4

como ay ch'ul a'bat te ya xco tal ta jujun yorahil ta yawil ha' soc ya syuc' te ha'e. Te mach'a nahil ya x'och ta yawil ha' te c'alal yuc'bilix a te ha'e, ya xlecub yu'un biluc chamelil te yich'oje.